ITHOMO RĨA 11

Ũcanjamũku

Aroma 12:11

NA NJĨRA NGUHĨ: Arahũra meciria ma athikĩrĩria aku na ũmekĩre ngoro na njĩra ya kwaria ũrĩ mũcanjamũku.

Reke ũhoro ũrĩa ũkwarĩrĩria ũhutie ngoro yaku wee mwene. Ũkĩhaarĩria ũhoro ũrĩa ũkũheana, wĩcirie na njĩra ndikĩru bata wa ndũmĩrĩri yaku. Menya ũhoro ũcio wega ũũ atĩ no ũhote kũũheana kuuma ngoro.
Wĩcirie ũhoro wa athikĩrĩria aku. Wĩcũranie ũrĩa ũhoro ũrĩa ũgũthoma kana ũkũrutana ũkũguna andũ arĩa angĩ. Wĩcirie njĩra iria ũngĩhũthĩra kũheana ũhoro ũcio nĩguo athikĩrĩria aku maũkenere makĩria.
Heana ũhoro waku na njĩra ĩrĩ na cama. Aria ũrĩ mũcanjamũku. Hũthĩra wega ciĩko cia mwĩrĩ na ũthiũ nĩguo wonanie ũrĩa ũraigua.

Ndũkahũthĩre ciĩko o iria iria ta arĩ kamenyeri nĩguo athikĩrĩria aku matigatahwo meciria nĩcio. Tigĩrĩra atĩ ciĩko iria ũrahũthĩra irĩ na muoroto. Onania ũcanjamũku, makĩria rĩrĩa ũrarutana maũndũ marĩa manene na rĩrĩa ũrekĩra athikĩrĩria aku ngoro moe ikinya. Ndũkanogie athikĩrĩria aku na njĩra ya gũkorũo ũrĩ mũcanjamũku gũkĩria njano ũkĩheana ũhoro waku wothe.