Omaupyakadi oo e li mounyuni otae tu kwafele tu kale tu na eteelelo
‘Momafiku axuuninwa otape ke uya omafimbo madjuu.’ — 2 TIMOTEUS 3:1.
MBELA ope na ngoo efiku limwe wa li wa uda ile wa mona shimwe shomoiningwanima inyikifa oluhodi ei tai shikula apa?
● Omukifi omudipai oo wa twaalela eemwenyo dovanhu vahapu.
● Ondjala oyo ya dipaa ovanhu omafele.
● Ekakamo ledu olo la twaalela eemwenyo dovanhu omayovi nokuhanauna po omaumbo mahapu.
Moitukulwa tai landula, ohatu ka kundafana kombinga yomauyelele amwe e li paushili e na sha noiningwanima ya faafana naayo. Oto ka mona yo kutya Ombibeli oya xunganeka kutya eenghalo da tya ngaho oda li tadi ka ningwa pefimbo olo tali ifanwa ‘omafiku axuuninwa.’a
Elalakano loitukulwa ei kali fi oku ku ningifa u itavele kutya otu li mounyuni mu na omaupyakadi mahapu, molwaashi otashi dulika nokuli naave mwene wa li wa shakeneka omaupyakadi a tya ngaho. Ndele oitukulwa ei oya nuninwa oku ku kwafela u kale u na eteelelo. Oitukulwa ei otai ke tu kwafela tu mone kutya okuwanifwa kwomaxunganeko oo ahamano oku li euliko kutya ‘omafiku axuuninwa’ oku li pokuxula po. Oitukulwa ei ya shikulafana otai ka kundafana kombinga yaasho ovanhu vahapu hava ti nohatu ke lihonga kutya omolwashike tu na omatomheno mawa okukala neteelelo li na sha noinima iwa oyo hatu ka hafela monakwiiwa.
[Eshangelo lopedu]
a Opo u mone kutya omolwashike Kalunga a efa pa kale eenghalo odo dinyikifa oluhodi, tala oshitukulwa, “Omolwashike Kalunga a efa oukolokoshi nokumona oixuna ku kale po?” pepandja 16-17 moshifo eshi.