Osho to dulu okukonakona pekonakono lopaumwene, ile loukwaneumbo

Ihatu longele ashike Jehova tu li ongudu inene pokwoongala, poyoongalele inini naai yakula, ndele ohatu mu longele pauhandimwe nosho yo nomaukwaneumbo etu. Apa otapa shikula omaetepo amwe oo to dulu okulongifa pekonakono lopaumwene nosho yo loukwaneumbo:

• Lilongekidila okwoongala. Oto dulu yo okulihonga omaimbilo nokukwafela ovaneumbo leni aveshe ve lilongekidile omatyekosha avo.

• Lesha ehokololo lOmbiibeli. Konima yaasho, faneka oshiningwanima osho sha popiwa mehokololo, ile u shange osho we lihonga.

• Konakona eilikano olo tali hangwa mOmbiibeli nokudiladila nghee tali dulu oku ku kwafela u xwepopaleke omailikano oye.

• Tala okavidio ko-jw.org noku ka kundafana navamwe, ile u shange okatendo kombinga yako.

• Lilongekidileni oukalele. Oshilyo shimwe meumbo leni otashi dulu okuliningifa sha fa omunhu oo to udifile nokulideula po pwaasho wa hala okupopya.

• Konakona eshito nokudilonga kulo, ile u diladile osho tali ku hongo kombinga yaJehova.a