Osho Ombiibeli tai ti

Mbela elongelokalunga oshinima sha totwa po kovanhu?

OVANHU VAMWE OVA ITAVELA KUTYA elongelokalunga oshinima sha totwa po kovanhu, ofimbo vamwe va itavela kutya Kalunga oha kwafele ovanhu va ehene popepi naye ta longifa elongelokalunga. Ove oto diladila ngahelipi?

OSHO OMBIIBELI TAI TI

Ope na “elongelokalunga la yela noli he nedilo lasha koshipala shaKalunga naTate.” (Jakob 1:27) Elongelokalunga la koshoka ile la shili, ola dja kuKalunga.

OSHIKE VALI HATU LIHONGO MOMBIIBELI?

• Opo elongelokalunga li kale la hokiwa kuKalunga, oli na okukala lelikolelela koshili yOmbiibeli. — Johannes 4:23, 24.

• Elongelokalunga olo la kanghamena komahongo opanhu olongahoelela. — Markus 7:7, 8.

Mbela osha fimana ngoo okukala u na elongelokalunga?

OTO NYAMUKULA NGAHELIPI?

• Heeno

• Ahowe

• Oshe likolelela kwoove mwene

OSHO OMBIIBELI TAI TI

‘Tu filafaneni oshisho fye tu twafane omukumo mohole nomoilonga iwa. Tuha efe okwoongala pamwe.’ (Ovaheberi 10:24, 25, NW) Kalunga okwa hala ovalongeli vaye va kale hava ongala ve li ongudu ya unganekwa.

OSHIKE VALI HATU LIHONGO MOMBIIBELI?

• Ovo tava longele Kalunga moukumwe ove na okukala va hangana meitavelo limwe. — 1 Ovakorinto 1:10, 11.

• Ovo ve li melongelokalunga olo la hokiwa kuKalunga ove li oshitukulwa shoumwainafana womounyuni aushe. — 1 Petrus 2:17.