Oshikonga shokushiva ovanhu kEdimbuluko osho tashi hovele mo 22 Marsa

Omudo ou, oshikonga shokushiva ovanhu kEdimbuluko otashi ka hovela mOlomakaya, 22 Marsa. Atusheni ohatu ladipikwa opo tu ka kufe ombinga pauyadi. Momaxuliloshivike ohatu ka yandja yo oifo yomwedi oo apa tashi wapalele. MOlomakaya lotete laAprili, ohatu ka yandja elitulemo kokuyandja oufo veshivo ponhele yokuhovela omakonakonombibeli. Ashike ngeenge otwa shakeneke omunhu oo ta ulike ohokwe lelalela, ohatu dulu natango okuhovela ekonakonombibeli. Omupashukili woilonga ota dulu okutokola kutya okafo naka yandjwe meenhele daaveshe ngeenge osho otashi ka kwafela eongalo li ka yandje kovanhu vahapu vomoshitukulwa shalo. Ninga omusholondodo paife wovapambele, ovanailonga pamwe naave, ovanafikola vakweni, ovo ho ningi omalishuneko kuvo nosho yo ovashiivikile vakwao ovo wa hala okushiva kEdimbuluko noku va pa okafo keshivo eshi oshikonga tashi ka tameka. Otwe lineekela kutya ovanhu vahapu otave ke tu waimina eshi hatu ka dimbuluka eenghedi mbali dinenenene omo twa ulikilwa ohole. — Joh. 3:16; 15:13.