Nghee hatu dulu okuxwepopaleka ounghulungu wetu moukalele, mokunyamukula ovo ve hole okukangheka eenghundafana

Omolwashike sha fimana: Diladila nee ngeno u shii kutya oshiponga shopaushitwe oshi li poduka. Ovanhu otava ka fya, okuninga shapo tava i onhapo va ka kale meameno. Otashi dulika wa ya peumbo lamushiinda shoye opo u mu londwele, ashike ota ti okwe lipyakidila. Osha yela kutya ito ka efa ashike meendelelo okuninga eenghendabala u mu kwafele. Ovanhu vahapu moitukulwa yetu kave hole oku tu pwilikina, noinava didilika ongushu yetumwalaka letu olo tali xupifa eemwenyo. Pefimbo olo hatu va talele po, otashi dulika va kale ashike va pwila moilonga yavo. (Mat. 24:37-39) Ile otashi dulika va lombwelwa omahokololo oipupulu. (Mat. 11:18, 19) Otashi dulika yo va diladile kutya atushe vamwe ashike nomalongelokalunga oo haa imike oiimati ii. (2 Pet. 2:1, 2) Ngeenge omuneumbo potete ke na ohokwe, katu na okusholola diva.