Xwepopaleka ounghulungu woye moukalele, mokunyamukula omuneumbo oo a handuka

Omolwashike sha fimana: Ovanhu vahapu ovo hatu shakeneke moukalele ove na eenghedi diwa. Ashike, Jesus okwa li a xunganeka kutya ovanhu vamwe otave ke tu tonda. (Joh. 17:14) Onghee hano, katu na okukala twa kumwa ngeenge otwa shakeneke omuneumbo a handuka. Ngeenge opa holoka onghalo ya tya ngaho, otwa hala okulinyenga monghedi oyo tai hafifa oo tu lile po, Jehova. (Rom. 12:17-21; 1 Pet. 3:15) Mokuninga ngaho, ohatu ka kelela onghalo iha naipale. Elihumbato letu otali ka yandja yo oundombwedi muwa komuneumbo nokwaavo ve tu wete, notava ka kala va halelela okupwilikina oshikando tashi landula ngeenge umwe womEendombwedi daJehova okwe va talele po. — 2 Kor. 6:3.