Xwepopaleka ounghulungu woye moukalele, mokuhovela ekonakonombibeli to longifa embo Ombibeli otai hongo

Omolwashike sha fimana: Ovanhu vahapu otashi dulika ihava udu ko naanaa ngeenge hatu popi kutya ohatu ningi omakonakonombibeli opeumbo oshali. Otashi dulika va diladile kutya pamwe otava waimine ongudu yovalihongi ile okersesa yonhumba. Ponhele yokupopya kutya ohatu ningi ekonakonombibeli, ohatu dulu oku va ulikila nghee hali ningwa. Oto dulu okuulikila omunhu moule ashike wominute dinini nghee shipu okukonakona Ombibeli nouwa oo ta ka mona, nokuli nonande oposhivelo sheumbo.

Nghee to dulu oku shi ninga:

Shimha mwa popifafana nomuneumbo, mu pula ngeenge ohe lipula shi na sha nonakwiiwa.
Popya kutya haye aeke he lipula shi na sha naasho ndele ovanhu vahapu, noku mu ulikila oshikalimo shembo Ombibeli otai hongo. Mu yelifila kutya embo eli oli na oilihongomwa ipu nokuuda ko oyo tai ulike osho Ombibeli tai hongo kombinga yonakwiiwa nosho yo oikundafanwa ikwao, noku mu pula kutya etukulwa lilipi e na ohokwe mulo.
Mu pa embo, noku mu ulikila etukulwa olo a hoolola. Mu yelifila kutya omapulo oo e li pehovelo letukulwa okwa nyamukulwa moutendo ovo va landula ko.
Pula omuneumbo a leshe okatendo kotete ngeenge ota dulu, opo nee to lesha epulo lokatendo, nokukundafana enyamukulo naye. Lesheni nokukundafana omishangwa odo da etwa mo tadi yambidida enyamukulo. Mu ulikila nghee wa didilika enyamukulo membo loye.
Kundafaneni okatendo ka landula ko, ashike pomhito ei pula omuneumbo a kendabale a nyamukule epulo olo noitya yaye mwene.
Mu pandula, nokuninga elongekido u aluke mu uye mu mane ko oshikundafanwa sheni.
Ngeenge otashi shiiva, mu ulikila okavidio oko ke li ko-jw.org ke na oshipalanyole Ekonakonombibeli ohali ningwa ngahelipi?

Kendabala okuninga ngaha momukokomoko womwedi:

Ilikana kuJehova opo a nangeke noupuna eenghendabala doye opo u hovele ekonakonombibeli lipe. — Fil. 2:13.
Kendabala okuhovela ekonakonombibeli to longifa embo Ombibeli otai hongo ile u ulike nande lumwe okavidio Ekonakonombibeli ohali ningwa ngahelipi? ngeenge u li moukalele.