Lungama uha tandavelife oipupulu

Kunena, omauyelele ohaa tandavele neendelelo kovanhu omamiliyona okupitila moinima oyo ya nyanyangidwa, moradio, mo-TV nosho yo kointaneta. Ovo hava longele “Kalunga omudiinini,” ile tu tye Kalunga koshili, inava hala okutandavelifa ouyelele uhe fi washili, tashi dulika nokuli inave shi nongela. (Eps 31:5; Ex 23:1) Oipupulu oyo hai litaambekidwa otai dulu okukala ya nyika oshiponga neenghono. Ngeenge owa hala okumona kutya oshinima shonhumba oshoshili, lipula kutya:

• ‘Mbela odjo oi shii ngoo okulineekelwa?’ Nakuhokolola ehokololo otashi dulika ehe shii ashishe osho sha kwatelwa mo. Ovanhu ngeenge tave lihokololele omahokololo, omahokololo ohaa dulu okulunduluka, onghee kala wa lungama ngeenge ku shii kutya ehokololo ola tameka ngahelipi. Molwaashi ovo ve na oinakuwanifwa meongalo ova talika ko ve li eedjo domauyelele e shii okulineekelwa, ove na okukala va lungama opo vaha tandavelife omauyelele oo vehe na oushili muo

• ‘Mbela ouyelele oo owoipupulu?’ Ngeenge ouyelele oo otau nyono po edina liwa laumwe ile longudu yovanhu, oshixwepo uha tandavelife ouyelele wa tya ngaho. — Omayel 18:8; Flp 4:8

• ‘Mbela ehokololo olo oli li ngoo paushili?’ Kala wa lungama ngeenge owa udu omahokololo ile oimoniwa oyo ihe li paushili

TALENI OKAVIDIO ONGAHELIPI HANDI DULU OKUXULIFA PO OLWAAMBO? NDELE TAMU KUNDAFANA OMAPULO TAA SHIKULA:

• 

  Metwokumwe nOmayeletumbulo 12:18, eendjovo otadi dulu okweeta oupyakadi ulipi?

• 

  Ongahelipi Ovafilippi 2:4 tave tu kwafele tu kale tu na etaleko li li pandjele ngeenge hatu popi kombinga yavamwe?

• 

  Ohatu ka ninga po shike ngeenge ovanhu ova hovele okusheka ile okupopya oinima ii kombinga yavamwe?

• 

  Fimbo inatu hovela okupopya kombinga yavamwe, omapulo elipi tu na okulipula?