Oshike u na okuninga po, ngeenge owa nyono sha kwata moiti?

Nonande ou hole Jehova neenghono, noho kendabala opo u henuke oinima oyo tai dulu oku mu yahameka, omafimbo amwe oho dulu okuninga omapuko. Ashike omanyono amwe okwa kwata moiti neenghono. (1 Ovakorinto 6:9, 10) Ngeenge owa nyono sha kwata moiti, dimbuluka kutya Jehova oku ku hole natango. Oku na ehalo oku ku dimina po noku ku kwafela.

1. Oshike tu na okuninga po, opo Jehova e tu dimine po?

Ovo ve hole Jehova ohava kala va nyemata neenghono, ngeenge ova didilike kutya ova nyona sha kwata moiti. Ashike ohava mono ehekeleko meudaneko olo Jehova a udanekela ovapiya vaye a ti: “Omatimba eni nande naa tilyane ngaashi ohonde, otaa ka toka ngaashi outokele weemhawe.” (Jesaja 1:18) Ngeenge otwe livela ombedi tashi di komutima, Jehova ote ke tu dimina po filufilu. Ohatu ulike ngahelipi kutya otwe livela ombedi? Molwaashi otwa uda nai kwaasho twa ninga, ohatu efa po okulonga osho shii nokupula Jehova e tu dimine po. Opo nee ohatu longo noudiinini, opo tu lundulule okudiladila kwetu kwa puka, ile onghedindjikilile oyo ye tu ningifa tu nyone. Ohatu kendabala yo okukala metwokumwe nomifikamhango daJehova douyuki.— Lesha Jesaja 55:6, 7.

2. Jehova oha longifa ngahelipi ovakulunhuongalo, opo ve tu kwafele, ngeenge twa nyona?

Ngeenge otwa nyono enyono la kwata moiti, Jehova okwe tu lombwela a ti kutya natu “ifane ovakulunhuongalo.” (Lesha Jakob 5:14, 15.) Ovalumenhu, ovo va nangekwa po, ove hole Jehova nosho yo eedi daye. Ove shii nghee tava dulu oku tu kwafela, opo tu kale vali tu na ekwatafano liwa naJehova.— Ovagalati 6:1.

Ovakulunhuongalo ohave tu kwafele ngahelipi, ngeenge twa nyona enyono la kwata moiti? Ovakulunhuongalo vavali, ile vatatu otave ke tu pukulula tava longifa Omishangwa. Otave ke tu pa yo omaetepo, ile omayele, opo tu henuke okuwila vali menyono la tya ngaho. Otava dulu yo oku tu lombwela kutya itatu ka kufa vali ombinga moinima yonhumba meongalo, fiyo osheshi twa veluka pamhepo. Opo ovakulunhuongalo va amene eongalo kenwefe mo lii, ohava kondo mo meongalo omunhu oo a nyona enyono la kwata moiti, ndele ina hala okulivela ombedi.

KONAKONA MOULE

3. Okuhepaulula omanyono etu otaku tu kwafele, opo tu kale vali tu na ekwatafano liwa naJehova

Ngeenge twa nyona, kungaho otwa udifa nai Jehova, onghee osha yuka okulihokolola kuye. Lesha Epsalme 32:1-5, ndele tamu kundafana epulo tali shikula:

• Omolwashike shiwa okuhepaululila Jehova omanyono etu, ponhele yokukendabala oku a holeka?

OKAVIDIO: “Ou e holike kOmwene, ota handukilwa kuye” (3:01)

• Ngaashi sha ulikwa mokavidio, ongahelipi ovakulunhuongalo va kwafela Canon a alukile kuJehova?

Otwa pumbwa okulombwela ovakulunhuongalo oshili, molwaashi ove lile po oku tu kwafela. Lesha Jakob 5:16, ndele tamu kundafana epulo tali shikula:

• Omolwashike hashi kala shipu kovakulunhuongalo oku tu kwafela, ngeenge otwe va lombwele oshili?

4. Okukondwa ohaku kwafele omunhu ngahelipi?

Ngeenge omunhu, oo a nyona enyono la kwata moiti, ina hala okushikula omifikamhango daJehova, ita dulu vali okukala oshitukulwa sheongalo. Oha kondwa mo meongalo noihatu endafana vali naye, ile nokuli okupopya naye. Lesha 1 Ovakorinto 5:6, 11 nosho yo 2 Johannes 9-11, ndele tamu kundafana epulo tali shikula:

• Ngaashi ashike efulika hali fulike embobo lokuninga eemboloto, ongahelipi okweendafana nomunyoni oo ine livela ombedi haku kumu eongalo?

OKAVIDIO: Kala omudiinini komatokolo aJehova (9:28)

• Ngaashi sha ulikwa mokavidio, ongahelipi okukondwa kwa kwafela Sonja?

Ongahelipi elongekido lokukonda mo umwe . . .

• hali fimanekifa edina laJehova?

• hali ulike kutya Jehova oku na ondjele nomunahole?

5. Jehova ohe tu dimine po, ngeenge otwe livele ombedi

Jesus okwa longifa efaneko, olo tali tu kwafele tu ude ko nghee Jehova ha kala e udite, ngeenge umwe e livela ombedi. Lesha Lukas 15:1-7, ndele tamu kundafana epulo tali shikula:

• Efaneko olo otali tu hongo shike kombinga yaJehova?

Lesha Hesekiel 33:11, ndele tamu kundafana epulo tali shikula:

• Eenghatu da fimana dilipi twa pumbwa okukatuka, odo tadi ulike kutya otwe livela shili ombedi?

ENGONGO

Ngeenge otwa nyono enyono la kwata moiti, ndele hatu livele shili ombedi nokukala twa tokola toko okulonga osho sha yuka, Jehova ote ke tu dimina po.

Eendululo

• Omolwashike shiwa okuhepaululila Jehova omanyono etu?

• Oshike twa pumbwa okuninga, ngeenge otwa hala tu diminwe po omanyono etu?

• Ngeenge otwa nyono enyono la kwata moiti, omolwashike twa pumbwa okukonga ekwafo kovakulunhuongalo?

TALA OUYELELE WA WEDWA PO

Tala nghee omulumenhu umwe a mona ouwa mefilonghenda laJehova, ngaashi la popiwa muJesaja 1:18.

Ino limbililwa onghenda yaJehova (5:02)

Omolwashike elongekido lokukonda mo umwe meongalo hali etele ouwa aveshe ovo va kwatelwa mo?

“Omolwashike okukonda omunyoni meongalo ku li efiloshisho lopahole” (Oshungonangelo, 15 Mei 2015)

Lihonga nghee to dulu okuyelifila ovanhu ovo vehe fi Eendombwedi kutya omolwashike vamwe hava kondwa mo meongalo.

“Mbela Eendombwedi daJehova ohadi henuka ovo vehe fi vali oilyo yelongelokalunga lado?” (Oshitukulwa shi li ko jw.org)

Mehokololo “Onda li nda pumbwa okwaalukila kuJehova,” lihonga nghee omulumenhu umwe, oo a li a fiya po oshili, a li e udite kutya Jehova okwe mu nanena kuye.

Ombibeli ohai lundulula onghalamwenyo yovanhu” (Oshungonangelo, 1 Aprili 2012)