Мұсаның 1-жазбасы
23 Сара 127 жыл өмір сүрді, оның ғұмыры+ осынша болды. 2 Ол Қанахан+ жеріндегі Кирият-Арбада+, яғни Хебронда+, қайтыс болды. Ыбырайым Сараны жоқтап, қайғырды. 3 Кейін мәйіттің қасынан тұрды да, Хеттің+ ұлдарына барып, былай деді: 4 “Мен араларыңызда тұрып жатқан жатжерлікпін әрі келімсекпін+. Маған жерлеріңізден әйелімнің сүйегін қоятын орын берсеңіздер екен”. 5 Хеттің ұлдары Ыбырайымға былай деді: 6 “Мырза, біздің сөзімізге құлақ салыңыз. Сіз арамыздағы Құдай таңдаған басшысыз*+. Марқұмды біздегі ең жақсы зираттың біріне апарып қойсаңыз болады. Ешқайсысымыз да әйеліңіздің сүйегін қоятын орын беруден бас тартпаймыз”.
7 Сонда Ыбырайым орнынан тұрып, жергілікті халыққа, яғни Хеттің+ ұлдарына, иіліп тағзым етті де, 8 былай деді: “Әйелімді осында жерлеуге қарсы болмасаңыздар, менің мына өтінішіме құлақ түріңіздер: Сохардың ұлы Ефрон 9 Махпеладағы танабының шетіндегі үңгірді маған сатсын. Оған сіздердің көз алдарыңызда толық құнын күміспен+ беремін, сонда осы жер менің меншігімдегі зират+ болады”.
10 Хеттік Ефрон Хет ұлдарының* арасында отырған еді. Ол Ыбырайымға Хет ұлдарының, қала қақпасының+ маңындағы барша жұрттың, алдында былай деді: 11 “Мырзам, менің айтқаныма құлақ түріңіз: мен сізге осы тұрған халқымның көзінше танапты да, ондағы үңгірді де беремін. Марқұмның сүйегін сол жерге қойыңыз”. 12 Сонда Ыбырайым сол жердің халқына иіліп тағзым етті де, 13 бәріне естіртіп Ефронға: “Тыңдаңызшы, мен сізге танаптың толық құнын күміспен төлеймін. Оны қолымнан қабыл алыңыз, сонда мен әйелімнің сүйегін сол жерге қоямын”,— деді.
14 Ефрон Ыбырайымға жауап қатып: 15 “Мырзам, менің сөзіме құлақ салыңыз. Танаптың құны 400 шекел* күміс, бірақ бұл сізге де, маған да түк емес қой. Марқұмды сонда жерлей беріңіз”,— деді. 16 Ыбырайым бұған келісіп, Хет ұлдарының көзінше Ефронның айтқан құнын берді. Ол оған 400 шекел күмісті саудагерлердің өлшемімен өлшеп берді+. 17 Осылайша Мамренің тұсындағы Махпеладағы Ефронның танабы, сондағы үңгір мен өсіп тұрған барлық ағаш 18 Ыбырайымның меншігіне өтті. Бұған Хет ұлдары, қала қақпасының маңындағы барша жұрт, куә болды. 19 Сосын Ыбырайым әйелі Сараның сүйегін Мамренің, яғни Қанахан жеріндегі Хебронның, тұсындағы Махпела танабындағы үңгірге апарып қойды. 20 Сонымен, Хет ұлдары танап пен ондағы үңгірді зират ретінде қолдану үшін Ыбырайымның меншігіне берді+.