Nalunaarutit

◼ Sapaatip-akunneranit 12. oktoberi 1992-imit ilagiit atuakkamik atuaqqissaarneranni atuagaq Inuk inuit inuusimasut pingaarnerpaartaat atuaqatigiissutigisalissavarput. Taamaattumik sapaatit-akunneri tamaasa piareersarluartarnissarput atuaqqissaaqatigiinnermullu peqataasarnissarput aalajangiusimatigu — immitsinnut allanullu iluaqutaasumik.

◼ ULLOQ IMMIKKUT OQALUUSSIFFISSAQ: Oktoberip qaammataa aamma ukioq manna immikkut oqaluussiniarnerup qaammatigissavaa, oqaluussisartullu aamma eqqaasinniarpavut ullormi immikkut oqaluussiffissami, arfininngornermi oktoberip 3-ani, peqataanissaminnut pilersaarusiulereernissaannik. Atuagassiat uku atorsinnaassavavut: Vagttårnet 1. oktoberimeersoq: Har menneskeheden brug for en messias? Vågn op 8. oktoberimeersoq: Hvordan behersker man negative følelser? Vagttårnet 15. oktoberimeersoq: Familielivets krise. Vågn op! 22. oktoberimeersoq: En ny verden der stiller alle tilfreds.

Oqaluussisartut tamaasa kajumissaarneqarput ingammik atuagassiat taakku siaruarterluarniaqqullugit. Ikiorti-pioneriusussat qinnuigineqarput atuagassianik pisarnermit amerlanerusunik siusinaarlutik inniminneeqqullugit.

◼ Ataatsimeersuariarluni angalanerit 1993: Soorlu ilagiinnut tamanut allakkatsinni 1. junimeersumi oqaatigineqartoq Ruslandimi, Ukrainemi, Hongkong/Manilami, Chilemi, Colombiami, Kenyami aamma Afrika-kujallermi 1993-imi ataatsimeersuarnissamut aallartitatut akuerisaajumalluni Peqatigiiffimmut qinnuteqarnissaq kingusinnerpaamik 6. augusti 1992-mi pissaaq. Ataatsimeersuariarluni angalanerit pillugit paasissutissat amerlanerusut ilagiit allagarsiiviini nassaassaapput. Taamaattumik ataatsimeersuariarnissaminnik soqutiginnittut qinnuigineqarput taamaalioreersimanngikkunik nakkutilliisut siulittaasuannut saaffiginneqqullugit. Taassuma isumagissavaa qinnuteqaatit piffissaasukkut immersorlugillu nassiunnissaat.