Aallarniinerit soqutiginnilersitsisartut
1 Jesus aallarniillaqqissimaqaaq. Inunnut amerlasuunut inunnulluunniit ataasiakkaanut oqalukkaangami nammineq inuttut peqataasinnerisigut tusarnaartini tusarnaaqqissaalersittarsimavai. Ersersittarsimavaa oqaluuserisaq tusarnaartiminut qanoq ililluni pingaaruteqartoq. — Mat. 5:3-12; Juán. 4:7-30.
2 Piareersarneq pisariaqarpoq: Tusarliussat pulaakkavit soqutiginnilissutigissappagu taassumunnga naleqqussartariaqarpat; taassumunnga sammitittariaqarpat, soqutigisaanut attuumassuteqartittariaqarlugu, ersersittariaqarlugulu Naalagaaffimmik tusarliussaq taassumunnga iluaqutaassasoq.
3 Oqaluussiartornissannut piareersaraangavit eqqarsaatigisinnaavat inuit oqaluussiartorfissanniittut maannakkorpiaq sunik soqutiginninnersut. Arlaatigut tusagassiuutitigut eqqartorneqartumik uitsateqarpat? Inuusuttunut suna soqutiginarpa? Utoqqarnummi? Uiusunut, nuliaasunut imaluunniit angajoqqaajusunut? Aallarniutinik assigiinngitsunik arlalinnik piareersarnissaq naapitallu qisuariarneranut naleqqussaanissamut piareersimanissaq pitsaanerusarpoq, aallarniummik ataasiinnavimmik atuinerminngarnit. Oqaluussisartut ilaat kinguneqarluartitsisarsimapput aallarniutit assigiinngitsut ’Ræsonnerebogimiittut’ piareersaatigeriarlugit illumiit illumut angalaaraangamik tamatigut atortaramikkik. (rs. q. 9-15) Taamaalillutik tamatigut nutaamik aallarniuteqartarput soqutiginnilersitsisumik.
4 Tusagassaq augustimi ima saqqummiussinnaavat:
◼ „Malugisimavara inuit aalajangersimasumik ulluni makkunani assut eqqartugaqartut, tassa pinngortitaq avatangiiserput annaanniarlugu qanoq iliortoqarsinnaasoq. Kajumissaarneqartuarpugut pinngortitamik avatangiisitsinnik soqutiginninnerulernissatsinnik, kisianni illit isumaqarpit nunarsuarmi tamarmi pinngortitamik mingutsitsineq aaqqinniarlugu suliniutit iluatsissinnaasut? [Naapitat akili.] Illit suna pisariaqarsoraajuk aaqqiisoqarsinnaassappat? [Akissutaa tusarnaarluaruk. Akissutaa eqqorpat ilumoorneraruk.] Uagut siunissaq isumalluarfigisorujussuuarput, Biibilimi ersersinneqarmat ajornartorsiut tamanna kinguneqarluartumik tamakkiisumillu aaqqinneqarumaartoq. Uani sarĸúmersitat 11:18-imi tamanna allassimavoq. [Allassimaffik atuarlugulu nassuiaruk. Erseqqissaruk ajornartorsiummik aaqqiisussaq tassaasoq Guuti.] Allassimasoq qanoq isumaqarfigaajuk?“ Naapitat oqaaseqartiguk, erseqqissarullu tamatuma inernera tassaaginnassanngitsoq pinngortitap avatangiisitta pitsaanerulernera, nunarsuarli tamarmi paratiisinngortinneqarumaartoq. Immaqa ’Paratiisilersaarummi’ quppernerit 156-58 atorsinnaavatit oqaloqatigiinneq nangeqqinniarlugu. Taava atuagaq neqeroorutigisinnaavat.
5 ’Paratiisilersaarut’ neqeroorutigigaangakku aamma ima saqqummiisinnaavutit:
Ilassinnereeruit ima oqarsinnaavutit:
◼ „Inuppassuit asannittumik Guuteqarnera upperiuminaatsittarpaat nunami ajussuseq takujuaannaramikku. Illit tamanna eqqarsaatigisimaviuk? [Pulaakkat oqaaseqarli.] Illit qanoq isummernikuuit? [Tusarnaaqqissaaruk, naleqquppallu paasinninnerit ersersiguk.] Biibilimi oqaluttuarineqarpoq Guutip itsaq kiffaasa aamma tamanna paasiuminaatsissimagaat. Malugeriaruk Habakkuk 1:3-mi 13-imilu qanoq allassimasoq. [Allassimaffiit atuakkit nassuiarlugillu.] Tamannali Guutip soqutiginninnginneranut ersiutaanngilaq. Ajortummi nassueqqunissaannut aalajangersimasumik piffissaliisimavoq.“ Habakkuk 2:3 atuaruk oqaaseqarfigalugulu, taavalu ’Paratiisilersaarummi’ qupperneq 99 qupperuk kapitalimilu 11-miittut atorlugit oqaloqatigiinneq nangiguk.
6 Jesus ilaarlugu tusarnaartitit soqutiginnilersinniarlugillu oqaloqatiginiarsarigaangakkit peqqusersuitsut anersaakkut nalilinnik pingaartitsilernissaannik ikiorsinnaavatit. (km 92/8 Interessevækkende indledninger)