Guutimut-tunniusimaneq anguniarlugu sungiusarit
1 Teokratiimik ilinniarfiup siuariartortumik sungiusarpaatigut ’oqaatsimik sallusuissutip pianik tunioraalluarsinnaaqqulluta’. (2 Tim. 2:15) Illit ilinniarfimmut ilaavit? Piumasaqaatit naammassereersimagukkit soormi maannakkut iluaqutissannut ilanngukkuit?
2 Ilinniarfimmi sammineqartartut pingaartoq tassaavoq sapaatip-akunneranut Biibilimi atuagassat. Sapaatit-akunneri tamaasa kapitalit taakku aalajangersimasut atuartariaqarpatit, taamaalillutit Biibili naajartuaassavat.
3 1993-mi ilinniarfimmi pisassanik pilersaarut malillugu pisassami 2-mi versit tamarmik ataannartumik atuffassissutigineqartalissapput. Ima paasisariaqarpoq ilinniartoq pisassaminik aallarniinermini naggasiinerminilu taamaallaat nassuiaasassaaq. Qatanngutip angutip Biibilimi atuagassanik pingaarnersiuissasup versit atuffassissutigineqartussat oqaaseqarfigivallaartariaqanngilai, qatanngutip angutip atuffassisup versit taakku nassuiaqqissaarniassammagit.
4 Nr. 2-mik, 3-mik 4-millu pisassaqartut sukkut siunnersorneqartussaanersut ilinniarfimmik nakkutilliisup nalunaarutigissavaa. Siunnersorneqarfissai tulleriiaarlugit eqqartortariaqanngilai, ilinniartulli sulissutigisariaqagai ingammik tikkuarsinnaallugit. Qatanngutilli angutit nr. 1-mik pisassaqartut aatsaat pisariaqaraangat immikkut ilitsersorneqartassapput.
5 Piumasaqaatinik eqqortitsisut tamarmik Jehovap anersaakkut aaqqissuussai tamakkiisumik iluaqutiginiartariaqarpaat, aamma teokratiimik ilinniarfimmi ilinniartinneqarneq. Ilinniartinneqarneq tamanna iluaqutigalugu oqaluussinermi angusaqarluarnerulissaagut. — 1 Tim. 4:7. (kmD 12/92 Opøv dig selv . . .)