’Paratiisilersaarummut’ soqutiginnilersitsiniaagit
1 Februaarimi atuagaq Paratîsime nuname nâgssáungitsumik inûsínauvutit oqaluussinitsinni atussavarput. Siunertarissavarput inuit eqqortumik isumaqartut Guutip naalagaaffianik tamatumalu sunik naammassisaqarumaarneranik paasitinnissaat. Oqaluussap isumaanik apeqqutiginninnissaq tamatumani iluaqutigissavarput.
2 Pulaakkat ilasseriarlugu ima oqarsinnaavutit:
◼ „Apeqqut soqutiginartoq pillugu inuit oqaloqatigisaqattaarpakka: Sooq utoqqalillutalu toqusarpugut? Illit qanoq isumaqarpit? [Pulaakkat akili.] Kisianni eqqumiiginngiliuk assersuutigalugu orpiit ukiunik tuusintinik arlalinnik pisoqaassuseqalertarmata, allaallu uumasut ilaat ukiut hundredet sinnerlugit utoqqaassuseqalersinnaallutik? Soormitaava uagut 70-80-iinnarnik ukioqalertarpugut? [Pulaakkat eqqarsarnissaanut akinissaanullu periarfissiguk.] Atuakkami uani [Atuagaq Paratîsime nuname nâgssáungitsumik inûsínauvutit takutiguk quppernerlu 74 qupperlugu.] sooq utoqqalisartugut toqusartugullu akineqarput. Kapitali una apeqqummut tamatumunnga atatillugu soqutiginartunik imaqarpoq, kapitalimilu 8-mi [Qupperneq 76 qupperuk.] toqugaangatta qanoq pisoqartartoq oqaluttuarineqarpoq. Atuagaq atuarusukkukku ilinnut tunissutigerusuppara.“
3 Imatulluunniit oqarsinnaavutit:
◼ „Apeqqut uanga assut soqutiginartitara taamaattumillu allanut oqaloqatigiissutigerusutara pillugu oqaloqatigilaarusuppakkit: Toqu sunut tamanut naggataava, imaluunniit toqup kingorna inuuneqarpa? Nalunngikkaluarpara apeqqut tamanna toqqaannarpallaalaartoq, taamaakkaluartorli illit isummat tusaruppara. [Pulaakkat oqaaseqartiguk.] Isumaqarpit tamanna pillugu paasisaqarsinnaasugut? [Tusarnaaqqissaarit.] Toqugaangatta qanoq pisoqartartoq Biibilimi nassuiarneqarpoq. Tusariassagit. [Nalunaajaasup oqaasii 9:5, 10 atuaruk oqaloqatigiissutigisiullu.] Aamma ersersinneqarpoq uppertunut neriuutissaqartoq. [Juánase 11:25 atuaruk versilu nassuiaruk pulaakkat oqaloqatigiitigalugu.] Isumaqarpit sunaluunniit upperigaluaraanni soqutaanngitsoq? [Pulaakkat akili.] Atuakkamik nassarpunga [Paratîsime nuname nâgssáungitsumik inûsínauvutit takutiguk quppernerlu 76 qupperlugu.] tamatuminngarpiaq samminnittumik. Tusariassagit qanoq allassimasoqartoq. [Immikkoortoq 4 atuaruk pulaakkannulluunniit oqaloqatigiissutigiuk, taavalu imaasa allattorsimaffianni kapitali 7, 9, 20 immaqalu 21 takutikkit.] Atuagaq atuarusulersimagukku assut ilinnut tunissutigerusuppara.“ Aggeqqinnissannik isumaqatigiissuteqarfigiuk.
4 Aamma atuagassiani nutaani ilanngutassiat ilaanni aalajangersimasumik saqqummiussisinnaavutit.
Pulaakkat soqutiginnippasippat atuagassiaq neqeroorutigisinnaavat ima oqarlutit:
◼ „Ilanngutassiami uani tamanna sukumiinerusumik sammineqarpoq. [Oqaaseqatigiit annerpaamik ataatsit marlulluunniit toqqareersimasatit atuakkit.] Isumaqarpunga ilaquttatillu ilanngutassiaq qiimmassaatigissagissi. Soqutigerpasikkakku atuagassiat marluk uku tunissutigerusuppakka.“
5 Ullumikkut inuit paatsiveerusimaartarput nalusaramikku inuiaat ajornartorsiutaat pillugit apeqqutinut kimut akissutissarsiniassanerlutik. Uagut immikkut pisinnaatitaaffigaarput siunissamut neriuummik qularnaatsumik tusarlersinnaagatsigik. (ap. sul. 17:27) Taamaattumik suliniarluarluta Guutip oqaasianut — eqqissinerup pilerfianut piviusumut — inuit innersuuttartigik. (kmD 94/2 Væk interesse for ’Paradisbogen’)
Atuakkamik atuaqqissaarnermik aqutsisunut Siunnersuutit qulaaniittut sapaatip-akunnerani 31. januaarimit 7. februaarimut katersuunnerni sammineqassapput.