Napasuliaq Alapernaarsuiffik Iteritsi!-lu apriilimi maajimilu
1 Atuagassiaativut pingaartippavut. Ilaatigut maannakkut pisunik sammisaqartarmata paasissutissanillu Biibilimut tunngasunik inuunartunik ulikkaartarlutik, aammalu aatsaat taama kusanartigilersimammata. Nammineq takugaangatsigik — atuaraangatsigillu — allanut tunniukkusulertarpavut. (Mat. 7:12) Apriilimi taamaaliornissatsinnut assut periarfissaqassaagut. Apriilimi suliniarnersuaq tassaassaaq atuagassianik suliniarnersuaq. Malugeriaruk apriilimi maajimilu suliniarnitsinni quleqquttat suut atorsinnaagivut.
Vagttårnet
1. april: En bedre verden — kun en drøm?
15. april: Hvem kan give os pålidelig vejledning?
1. maj: Giver din religion dig det du har brug for?
15. maj: Hvorfor læse Bibelen?
Vågn op!
8. april: Brystkræft — alle kvinders bekymring
22. april: Hvordan opstår afhængighed?
8. maj: Er der håb for jordens børn?
22. maj: Unge som sætter Gud først
Napasuliaq Alapernaarsuiffik
1. apriili: Silarsuaq pitsaanerusoq — takorluuinerinnaava?
Iteritsi!
apriili-juuni: Iviangikkut kræfterneq — arnat tamarmik siooragisaat
2 Oqaluussisartut tamarmik, inuusuttut utoqqaallu, kuisimasut kuisimanngitsullu, kajumissaarneqarput inuttut anguniagaqarnissaminnik. Amerlanerit qularnanngitsumik atuagassianik 15-it 20-llu akornanniittunik tunioraanissartik anguniagarisinnaavaat. Ikiorti-pionerit apriilimi atuagassianik 60-it 100-llu akornanniittunik amerlanertigut anguniagaqarsinnaapput. Taamatuttaaq pionerit nalinginnaasut specialpionerillu annertuumik anguniagaqarsinnaapput, immaqa atuagassiat 100-t 150-illu akornanni. Marsip 14-aniit sapaatip-akunnerani oqaluussinermut tunngasumik ataatsimiinnermi oqaluussisartut tamarmik allagartamik rapportinut nakkartitsivimmut ikisisinnaapput inuttut anguniagartik allallugu. (Allagartamut ateq allanneqassanngilaq.) Marsip 21-aniit sapaatip-akunnerani oqaluussinermut tunngasumik ataatsimiinnermi ilagiit anguniagaasa katinnerat utoqqaanertanit nalunaarutigineqassaaq.
3 Pikkorissarnissamut atuagassianillu amerlanerusunik siaruarterinissamut ikiuutissatut Naalagaaffimmik Kiffartuuteqarneq apriilimoortoq atuagassianik saqqummeeriaatsinik piviusorsiortunik naatsunillu imaqassaaq. Aamma katersuunnerni atugassanik sungiusaatissaqassaaq. Saqqummeeriaatsinik meeqqat inuusuttullu atorsinnaasaannik kiisalu oqaluussisartut misilittagaqarnerusut atorsinnaasaannik siunnersuuteqassalluni. Apriilip affaani kingullermi qanoq ililluni pulaaqqiisoqarsinnaasoq, atuagassianik pajuttagaqartoqalersinnaasoq pisartagaqalernissamillu neqerooruteqartoqarsinnaasoq pillugit siunnersuuteqassaaq. Saqqummeeriaatsit naatsut ajornanngitsullu pineqarmata oqaluussisartut amerlasuut qularnanngitsumik kisimiillutik angalaarumassapput pulaakkatik oqaloqatigilluarsinnaanerujumallugit.
4 Apriilimi arfininngornerit tamaasa immikkoortinneqassapput atuagassiat atorlugit illumiit illumut aammalu aqqusinermi oqaluussinissamut. Arfininngornerilli aappaat sisamaallu immikkut oqaluussiniarfissaapput, oqaluussisartut tamarmik oqaluusseqataanissaannik kajumissaarneqassallutik. Ilagiit arlaqartut ukiuni kingulliunerusuni allagaqarsimapput oqaluusseqatigiinnerit taama ittut ilagiinnik assut ataqatigiilissutaasimasut.
5 Siunissami pilluaqqusaanissat annertoorujussuupput. Maannangaaq ilaquttatit ilagalugit apriilimi suliniarnersuaqarnissaanut pilersaarusiulereerniarit. Inuit nutaarsiassamut nuannersumut uppissuseqalernissaminnut aatsaat taama pisariaqartitsilersimapput. Taamaattumik ajunngitsuliorluta eqiasuittariaqarpugut, aamma apriilimi suliniarnissarsuarmi Napasuliaq Alapernaarsuiffik-mik Iteritsi!-millu agguaassinissarsuarmut atatillugu. — Tít. 3:14. (kmD 94/3 Vagttårnet og Vågn op!)