Allat sallusuissummik ilinniartikkit
1 Jesus nunamukarsimavoq sallusuissut nalunaajaatigiartorlugu. Sallusuissut inunnut allanut oqaluussisutigineqarniassammat ajoqersukkani ilinniartitsisuunissaannik ajoqersuussimavai. Allanik pitsaasumik ilinniartitsilernissaat ima tatigilluinnartigisimavaa taasimallugit ’tamanut ilinniartitsisunik’. (Mat. 13:52, NV) Ullumikkut Jesusip ajoqersugai Naalagaaffimmik oqaluussissutiginninneq siuarsarniarlugu oqaatsinik naqitanik atortoqarput. Assersuutigalugu atuagassiaaraateqarpugut taaguutilimmik Vil der nogen sinde komme en verden uden krig? Atortussiaq naleqaqisoq tamanna qanoq atorsinnaavarput?
2 Inussiarnerlutit qungujulallutillu oqareeruit: „Aluu, . . .-mik ateqarpunga,“ ima oqarsinnaavutit:
◼ „Ukiuni hundredelinni makkunani sorsunnerpassuit apeqqummik pilersitsipput, apeqqullu tamanna illit qanoq isumaqarfiginerit tusarusukkaluarpara, tassa: Sooq Guuti akuliunnianngila? Illit qanoq isumaqarpit? [Pulaakkat akili.] Soqutiginarpoq itsaq Guutip pruffiitiisa ilaat taamatorpiaq aperisimammat, apeqqutaalu tamanna issuarneqarpoq uani atuagassiaaqqami Vil der nogen sinde komme en verden uden krig?-mik qulequtalimmi. [Quppernermi 16-imi imm. 2 atuaruk.] Ullumikkut aamma taamatut aperisarpugut. Ilaasa Guuti pisuutittarpaat. [Quppernermi 16-imi immikkoortut 4-p aamma 5-ip imai atuakkit imaluunniit oqaluuserisigik, atuagassiaaqqamillu atuarnissaanik pulaakkat kajumissaaruk.] Tulliani immaqa oqaloqatigiissutigisinnaavarput ajornartorsiutinut aaqqiissutissaqarnersoq.
3 Inussiarnersumik oqareeruit: „Aluu, . . .-mik ateqarpunga. Neriuppunga akornusersuivallaarnanga,“ ima nangissinnaavutit:
◼ „Apeqqununa manna inunnut oqaloqatigiissutigigiga: Sorsunnerit tamaasa unitsinneqarsinnaappat? Illit qanoq isumaqarpit? [Pulaakkat oqaaseqartiguk.] Atuagassiaaqqap uuma Vil der nogen sinde komme en verden uden krig?-mik qulequtallip saqqaa malugeriaruk. Inuppassuit FN eqqissineqarnissaanut neriuutissatuatut isigaat, aaqqiissutissarli atuagassiaaqqami uani saqqummiunneqartoq ilinnut takuterusukkaluarpara. [Quppernermi 11-mi immikkoortoq 1 qupperuk, immaqalu Jesaja 2:2-4 atuarlugu. Taava immikkoortut siulliit sisamat oqaloqatigiissutigikkit.] Atuagassiaaraq atuarusukkukku tunissutigerusuppara.“
4 Pulaakkat inussiarnersumik ilassereerukku oqarsinnaavutit:
◼ „Kasuttorikkinuna ilinnut oqaloqatigiissutigerusullugu taama inuit eqqissinissaq kissaatigitigigaat sooq taama angunissaa ajornartigisoq. Illit tamanna eqqarsaatiginikuuiuk? . . . Uanga nammineq isumaqarpunga inuit Guuti eqqarsaatiginagu ajornartorsiutinik namminersuutiginninniarnerat pisuusoq. Isumaqatigivinga? [Pulaakkat tusasrnaaqqissaaruk naleqquppallu isumaanik paasinninnerit oqaatigiuk.] Biibilimi arlalinni ersersinneqarpoq Guutip sorsunnerit tamaasa piaarumaarai, soorlu uani Jesaja 2:4-mi. [Allassimaffik atuaruk.] Malugiuk allassimammat Guuti eqqartuussiumaartoq taannalu sakkunik tamanik piiaasussaasoq. Aamma allassimavoq sakkunik atuinissamut sungiusartoqartarunnaassasoq. Silarsuaq taama ittoq tamatta kissaatiginnginnerparput? [Pulaakkavit akissutaa tusarnaaruk.] Atuagassiaaqqami nassatanni uani [saqqaa takutiguk] tamanna sukumiinerusumik sammineqarpoq, quppernermilu 3-mi allassimaffik aatsaannguaq atuagarput oqaaseqarfigineqarpoq. [Quppernermi 3-mi immikkoortoq 4 atuaruk.] Upperiuminaatsutut isumaqarfigaajuk? . . . Paasilluarsinnaavakkit. Atuagassiaararli tamatuma upperinissaanut tunngavissiivoq. Atuarusukkukku piniaruk, taava maani angalaaqqileruma uterfigeqqikkumaarpakkit qanoq isumaqarfiginerit paasiniarlugu.“
5 Jehovap sallusuissummik tunisimavaatigut. Allanut ingerlateqqinnissaanut periarfissat tamaasa atorluarniartariaqarpavut, naqitatigut oqaatsitigullu. Taamaalilluta immitsinnut takutissaagut tassaalluta allanut ataavartumik iluaqutaasumik tamanut ilinniartitsisut. — Mat. 28:19, 20. (kmD 94/7 Hjælp andre til . . . )