Kajumissaarsigit taassumunnga ajoqersuganngoqqullugit
1 Korintuminut agdlagkat sujugdlît 3:6-mi Paulus allassimavoq: ʹUanga ikkussuivunga, Apollos imerterivoq, Guutilu naajartortitsivoq.ʹ Paulusip tamanna oqaatigisimavaa qatanngutit ikiorniarlugit takutinniarlugu ataasioqatigiilluta ikioqatigiittariaqartugut Kristusip siulersuineratigut. Taamaalillunilu paasitippai qanoq pingaaruteqartigisumik suliassaqarnerannik, tassa ikkussuillutillu imerterinissaannik.
2 Tamanna annaassiniarneq nalitsinni naggaserneqartussaavoq. Kristumiutut tunniulluinnarsimasutut pingaaruteqartumik akisussaaffeqarpugut allat Jesusimut ajoqersuganngornissaannut siulersussallugit. (ap. sul. 13:48) atuagaq Inuk inuusimasut pingaarnerpaartaat ikiortingalugu soqutiginnilersitsisimanerit qanoq ilillutit uterfigeqqissinnaaviuk?
3 Kingullermik atuakkamik pisimasumut pulaaqqiiniaruit, ima oqarsinnaavutit:
◼ „Sapaatip akunnera kingulleq maaniikkama eqqartorparput Jesus inuttut qanoq ittuunersoq. Nuannaarutigaara atuagaq Inuk inuit inuusimasut pingaarnerpaartaat pinikuugakku. „Immaqa Jesusip ajoqersuutaa inuttullu pissusia pillugit eqqarsaatissaqalereersimavutit?“ Pulaakkat akili. Kapitali 113 takutiguk, eqqartoruk Jesusip maniguuttuunissaq pillugu maligassiaa nalissaqanngitsoq. Filípimiut 2:8 atuarsinnaassavat tassani pineqarmat Paulusip qanoq Jesusip maniguuttumik pissusianik isiginninnera. Kingornatigut pulaakkat nassuiaassinnaavat qanoq akuttunngitsumik atuaqqissaarnermigut ilikkagaqaqqissinnaasoq.
4 Immaqa una aallaqqaasiineq atorumassavat:
◼ „Qanittumi maaniikkama eqqartorpavut Jesusip nunamiikkallarami iliuuserisimasai, uagutsinnik soqutiginnineranut takussutissaasut. Naalliuuteqangaarsimasut oqilisaanniarlugit qanoq iliuuseqassamaarsoriviuk? Pulaakkat akili. Kapitali 133 takutiguk, immikkoortullu tallimaanni pineqartoq eqqartorlugu. Quppernerup tulliani assiliartaanut ingerlaqqeriarit, nassuiaallugulu Guutip piumasaa qilammisut nunami pippat pissutsit qanoq ittuussanersut. Erseqqissaavigiuk qanoq annerusumik ilikkagaqarsinnaaneranik.
5 Siullermik pulaarninni soqutiginnippasinnginneq pissutigalugu atuakkap neqeroorutiginissaa tunuarsimaarfigigukku, immaqa ima oqarsinnaavutit:
◼ „Immaqa isumaqatigaarma oqaruma inuit ullumikkut nuannaartorineqartut ujartortuaraat ilaarniarsaralugit? Jesus Kristus maligassaavoq pitsaanerpaaq, pingaartorujussuarmillu takutikkusuppakkit Jesusip maligassiaata misissoqqissaarneratigut ilikkarsimasannik.“ Atuakkami ʹJesusilersaarummiʹ kapitali 40 takutiguk Jesusip inussiarnersumik naakkinnittuliornissamik ilinniagassiissutaanut tunngasoq. Matîuse 5:7 atuaruk. Soqutiginnippasinneruppat, atuagaq neqeroorutigisinnaavat imaluunnit atuagassiaaraq Guutip ilumut soqutigaatigut?
6 Immaqa toqqaannartumik aallarniineq una atorumassavat:
◼ „Kingullermik maaniikkama eqqartorparput qanoq pingaaruteqartigisoq Jesusimik ilisimasaqarnissaq. Juánase 17:3-mi eqqartorneqarpoq ʹtassaasoq inuuneq naassaanngitsoqʹ. Taamatut ilisimasaqarnissaq qanoq anguneqarsinnaava?“ Pulaakkat akili. Taava atuaqqissaaqatiginissaanik neqeroorfigisinnaavat nassuiaallugulu qanoq iluaqutigisinnaagaa.
7 Paulusip oqaatigisimavaa katersuiffimmi sulisut ʹtamarmik immikkut akissarsissasut immikkut suliniarnertik missiliorlugu.ʹ (1 Kor. 3:8) Qasusuilluta ilungersuutigigutsigu allat ikiorlugit Jesusimut ajoqersuganngortitsinniarnissarput, akissarsisinneqangaassaagut. (kmD 94/12. Tilskynd dem til at blive hans disciple)