Isumassuinerit pulaaqqiinikkut takutiguk
1 Matumiit matumut soqutiginnittut ujartarnerisigut takutittarparput kissaatigigipput Naalagaaffik pillugu tusarliussamik tusarnissamut periarfissinnissaat. Januaarimi atuagassianik pisimasunik pulaaqqiinissat isumagiuk. Tamanna isumassuinermik takutitsissutissaalluarpoq.
2 Kingullermik atuakkamik „Lad dit rige kommer“-imik tunniussisimaguit uterfigeqqissinnaavat ima oqarlutit:
◼ „Kingullermik eqqartorparput Guutip naalagaaffia uagutsinnut qanoq pingaaruteqassasoq. Naalagaaffiup tamatuma qanittumi nunarsuaq paratissinngortissavaa. Paratiisi immaqa takorlooruminaassinnaagaluarpoq, takunikuunnginnatsigumi. Ima isikkoqarsinnaavoq. [Qupperneq 4-mi 5-imilu assiliartaq takutiguk.] Paratiisi taama ittoq Biibilimi neriorsuutigineqarpoq.“ Tussiaat 72:7 atuaruk. Soqutiginnippasippat taava takutissinnaavatit qupperneq 174-imi 175-imilu, immikkoortut 3 aamma 4, erseqqissaavigalugulu qanoq iliortariaqartugut kissaatigigutsigu paratiisissami tassani inoorusukkutta.
3 ’Lykkebogen’-imik pisimasumut pulaaqqiinermi ima oqartoqarsinnaavoq:
◼ „Kikkut tamarmik ilungersorput inuunermi pilluarneq angujumallugu, kisianni amerlasuut isumaqarput pilluarneq piviusoq silarsuarmi maani anguneqarsinnaanngitsoq. Illit qanoq isumaqarpit? [Palaakkat akili.] Pissutaannginnerpa kukkusunik pingaarnerutitaqarnerput? [Palaakkat akinissaanut eqqarsarfissaqartiguk.] Isumaqarpugut pilluarnerup ataqatigigaa tullermik asanninneq, qularnaatsumik siunissami neriuuteqarneq anersaakkullu pisariaqartitaqarnermik nassuerutiginninneq. Tamanna qanoq isumaqarfigaajuk?“ Tussiaat 119:1, 2 atuaruk. Nassuiaaguk Biibilimik atuaqqissaartarnerup allanut asannittunngornissatsinnut ikiortaraatigut, anersaakkut pisariaqartitatsinnik tunisarluta siunissamillu toqqissisimanartumik neriuuteqalersittaraatigut.
4 „erĸigsineĸ isumangnáissuserdlo piviussut ĸanoĸ pilersíneĸásápat?“ tunniussimagukku ima oqarsinnaavutit:
◼ „Eqqissinermik isumannaassutsimillu pilersitsinissartik silarsuarmi siuttut sapersimavaat. Biibilip tikkuarpaa Guuti kisimi taamaaliorsinnaasoq, ilanngullugulu takutillugu uagut qanoq iliortariaqartugut. [Quppernermi 179-imi immikkoortut 1 aamma 2 eqqartorsigik, kingornalu atuarlugu Jesajas 26:4.] Takutikkusuppara atuagaq una qanoq ilillutit iluaqutigisinnaanerit.“
5 „Guutip ilumut soqutigaatigut?“-mik tunisimasanni soqutiginninneq uterfigeqqinniarlugu immaqa periaaseq manna atorsinnaavat:
◼ „Kinngullermik maaniikkama atuagassiaaqqamik uuminnga qimatsivigaakkit, apeqqummik pingaaruteqartumik matuminnga saqqummiisumik: ’Guutip ilumut soqutigaatigut?’ Pissanngatigisorujussuuara atuagassiaaqqap takoreerneratigut qanoq isummersimassanersutit. [Pulaakkat oqaaseqartiguk.] Maluginiarpigit allassimaffiit silarsuassami nutaamik eqqissilluta paratiiserpalaartumik inuunissatsinnik takutitsisut? [Quppernermi 2-mi 3-milu assiliartat takutikkit, silarsuassallu nutaap nuannersortaasa ilaat erseqqissarnerullugit.] Qularutissaanngitsumik tamatta silarsuarmi taama ittumi inoorusuppugut. Malugiuk immikkoortoq 16-mi qupperneq 31-miittumi tamanna qanoq oqaatigineqartoq.“ Immikkoortut atuakkit erseqqissarlugulu Jehovamik ujaasinerup nassatarigaa taassuminnga siunertaanillu ilikkarnerujartorneq, oqaasiisa Biibilimiittut atuaqqissaarnerisigut.
6 Jehova savanik paarsisutut asannittutut savaatinik isumassuinermigut naammalluinnartumik maligassiuisimavoq. (Hes. 34:11-14) Guutip asannittumik isumassuineranik ilaarsiniarluta ilumoorluta ilungersuutivut Guutimut nuannaarutaapput, allanut pilluaqqussutissaallutik tullitsinnullu asanninnitsinnut takussutissaallutik. (kmD 95/1 Vis din omsorg ved at gå på genbesøg)