Atuakkat pisoqaanerusut atorluakkit
1 Jehovap anersaakkut inuussutissanik naammattorsuarnik pilersorsimavaatigut. Inuussutissat tamakkua ilaat atuakkani 192-inik quppernilinni ukiut ingerlaneranni naqiterneqartarsimasuni pisimavavut. Januaarimi neqeroorutigissavavut atuakkat taama ittut 1982 sioqqullugu saqqummersinneqarsimasut. Tamakkua ilaannik suli aserfallassimanngitsunik ilissinniittuuteqarpit? Ilagiit suli peqarpat? Taava pitsaassaaq imai uteqqilaassallugit neqeroorutiginissaannilu atorsinnaasatsinnik soqutiginartorsiorfigilaassallugit.
2 Atuagaq „Lad dit rige komme“ ima neqeroorutigisinnaavat:
◼ „Inuit millionilippassuit ukiut ingerlaneranni ’Ataatarpoorlutik’ qinunerminni Guutip naalagaaffia qinnutigisarsimavaat. Illilli eqqarsaatigisimaviuk Guutip naalagaaffiata tikiunnera uagutsinnut qanoq isumaqassasoq? [Pulaakkat akili. Quppernermi 25-mi sinaakkusigaq innersuussutigiuk, pilluaqqussutillu Naalagaaffiup nassatariumaagassaasa ilaannik taasaqarlutit.] Atuakkami eqqartorneqarpoq Guutip Naalagaaffia sunik naammassisaqarumaartoq, nassuiarneqarporlu illit ilaquttatillu qanoq iliorussi tamatuminnga iluaqutiginnissinnaasusi. Atuarusukkukku pisinnaavat.“
3 Atuagaq „Hvordan finder man lykken?“ neqeroorutigissagukku ima oqarsinnaavutit:
◼ „Kikkut tamarmik pilluarusupput, taamaakkaluartorli immaqa amerlanersatta nassuerutigiumassavaat tamanna imaaliallaannaq anguneqarsinnaanngitsoq. Pilluarneq sunaava, isumaqarpillu silarsuaq ullumikkutut itsillugu pilluarneq anguneqarsinnaasoq? [Pulaakkat akili. Qupperneq 5 qupperuk, immikkoortunilu 2-mi 4-milu eqqarsaatit ilaat erseqqissaatigikkit.] Paasisimavarput Biibilimi ersersinneqartoq qanoq ililluta pilluarneq sapinngisamik annerpaaq maannakkut angusinnaagipput aammalu qanoq ililluta silarsuassami nutaami pilluarfiusumi inuulersinnaasugut. [Qupperneq 190 takutiguk, atuarullu Jesaja 32:17, 18.] Atuakkami uani Biibilimi unnersuussutit saqqummiunneqarput nassuiarneqarlunilu qanoq ililluta malissinnaagivut.“
4 Atuagaq „erĸigsineĸ isumangnáissuserdlo piviussut ĸanoĸ pilersíneĸásápat?“ ima saqqummiunneqarsinnaavoq:
◼ „Kikkut tamarmik kissaatigigaluarpaat silarsuarmi eqqissineqarfiusumi isumannaatsumilu inuunissartik. Ajoraluartumilli tamanna nalitsinni misigisimanngilarput. Illit suna pisariaqarsoraajuk eqqissineq isumannaassuserlu pilersinneqassappata? [Pulaakkat akili.] Tikkuarusupparput Guuti pissaaneqarmat nunarsuarmi eqqissinermik pilersitsinissamut, taamaaliornissanilu neriorsuutigisimavaa.“ Mika 4:3, 4 atuaruk. Ajunngitsumik qisuariarpat Naalagaaffimmik neriuut pillugu nassuiaateqqinnerusinnaavat. Taava atuagaq neqeroorutigiuk pulaaqqinnissaanillu isumaqatigiissuteqarfigalugu.
5 Immaqa atuagassiaaraq „Guutip ilumut soqutigaatigut?“ neqeroorutigerusuppat. Taava ima oqarsinnaavutit:
◼ „Inuppassuit tupigusuutigisarpaat sooq Guuti ajugaqanngitsuuguni naalliuutit avatangiisitsinniittut akueriinnarnerai, aammalu suna pillugu naalliuutit iliuuseqarfiginianngikkai unitsillugit? Illit qanoq isumaqarpit? [Pulaakkat akili.] Biibilimi neriorsoqqissaarneqarpugut Guutip puigorsimanngikkaatigut.“ Quppernermi 28-mi immikkoortoq 25 takutiguk atuarlugulu Tussiaat 37:11, 29. Takutikkit assiliartat kusanartut qupperneq 27-mi aamma 28-miittut sunik qilanaarutissaqarnitsinnik ersersitsisut. Pulaakkavit atuagassiaq piumappagu neqeroorfigisinnaavat aggeqqinnissannik takutinniarlugu atuagassiaaqqap qanoq ililluni biibilimik atuaqqissaarutigineqarsinnaanera.
6 Atuagassiaatitta inuit tuusintilippassuit Biibilimik itinerusumik misissuerusulersissimavai. Ilikkagaasa siunissamik ajunnginnerusumik neriuuteqalersissimavaat. (Tuss. 146:5) Inunnik taakkuninnga ikiuineq immikkut pisinnaatitaaffigaarput. (Gør god brug af vore ældre bøger)