’Naalakkap suliaanik naammassisaqangaartuinnaritsi’
1 Qilanaarisinnaavarput apriilimi maajimilu teokratiimi ulapputeqagaarnissarput. Apriilip 14-ani katersuunneqassaaq Kristusip toqunera pingaaruteqartoq eqqaaniarlugu. Pisumut tamatumunnga pingaaruteqartumut sapinngisamik amerlasuut qaaqqusariaqarpavut najuuteqqullugit, angalaarfigisartakkami pulaaqqittakkavut atuaqqissaaqatigisartakkavullu kisiisa pinnagit, aammali niuverniaqatigisat, suleqatit, ilaquttat uppinngitsut atuaqatillu. Qaaqqusassatit allattukkit puiugaqaqqunak.
2 Sapaatillu akunnerata tulliata ingerlanerani eqqaaniaanermut ilaasimasut tamaasa apriilip 23-ani oqalugiaammut immikkut ittumut qaaqqussavavut tusarnaariaqqullugu qulequtarineqartoq manna: „Eqqunngitsumik upperisarsiornernit aniguisitaangajalerpugut.“ Neriuutigaarput amerlasuut toqqaannartumik oqariartuutip paasitissagai ilagiinnut aalajangersimasumik aggertalertariaqarnissaannik, immikkut pisutiguinnaanngitsoq.
3 Naqitaaqqamik immikkut ittumik saqqummersitsineq: Apriilip 23-ani ataatsimiinnerup sakkortunerpaaffigissavaa naqitaaqqap sisamanik quppernillip saqqummersinneqarnera (Naalagaaffimmik Nutaarsiassat nr. 34), maajip 14-ata tungaanut sumut tamaanga agguaanneqartussaq. ’Naalakkap suliaanik naammassisaqangaarfiulluassaaq’ apriilimi maajimilu. — 1 Kor. 15:58.
4 Ilagiit tamarmik naqitaaqqamik pinissaat isumagineqassaaq. Karsit isumannaatsumi inissinneqassapput ammarneqassanngikkallarlutillu aatsaat apriilip 23-ani saqqummeereernerup naalernerani. Aatsaat tamatuma nalaani qatanngutinut tamanullu agguaanneqarsinnaalissaaq. Ataatsimiinnernut najuuttut tamarmik apriilip 23-ani immikkut pissaminnik tunineqassapput, taamaalillutik ilisimaniassammassuk sumik imaqarnersoq piareersarlugulu naqitaaqqamik agguaassinissaminnut.
5 Utoqqaanertat naammattorsuarmik suliassaqassapput: Marsip aallartissimalaarnerani Naalagaaffimmi Kiffartuuteqarnermit ilanngussaq apriilimoortoq utoqqaanertat tingoreersimalerpassuk ataatsimiissutigissavaat suliniarnissarsuarmi immikkoortut annikitsualuit eqqartussallugit. Siunertaasoq tassa maajip 14-ianiutinnagu ilagiit angalaarfissaasa tamarmik naammassereersimanissaat. Ilagiit amerlanersaanni naammassinissaa ajornassanngilaq, ilagiilli ilaanni oqaluussisartut, ikiorti- pioneerit pioneerillu ilagiinni allaneersut ikiuinissaat pisariaqartissavaat. Tamanna ilagiinnut nakkutilliisoq suleqatigineratigut aaqqissorneqassaaq. Suliassamut tamatumunnga pingaaruteqartumut ilaaniarnissamut piffissamik immikkoortitsisariaqarpugut. Pisarneq malillugu qularnanngitsumik amerlasuut maanna ikiorti pioneriussapput. Ilimanarluinnarporlu atuaqqissaaqatigisartakkavut kuisimanngitsutut oqaluussisartunngornissaat. Nuannaarneq annertussaqaaq Naalakkap suliaanik suleqatigiinnissami.
6 Atuakkamik atuaqqissaarnermi aqutsisut ataatsimooqatigiilluni aalajangersimasumik oqaluussinissat arfininngornikkut sapaatikkullu aaqqissuussiffigisinnaavaat. Tamarmik kaammattorneqartariaqarput eqiasuillutik peqataanissaannut. Suliniarnersuup nalaani minnerpaamik sapaatip akunneranut ataasiarluni weekendimi oqaluussinissat avataasigut unnukkut oqaluussiartortarnissat aaqqissuussiffigisariaqarput. Ilaat immaqa atuareernerup kingorna katersuussinnaapput atuartunik immikkut oqaluussiartoqataanermut peqataarusuttoqarpat.
7 Katersuunnerit aaqqissuulluarneqassapput pioneerit oqaluussisartullu ullut tamaasa piaartumik oqaluussiartornissaat piniarlugu. Naqitaaqqamik saqqummiussinissamik sungiusarneq naatsunnguusariaqarpoq pisariillunilu. Kingorna ualikkut katersuutsitsinermi marlussunnik naqitaaqqamik pisimasunut pulaaqqiinissamik qanoq oqarsinnaanermik siunnersuuteqartoqarsinnaavoq. Oqaluussisartut ilaasa immaqa ullaap tungaani ualikkullu ilaanissartik pitsaanerutissavaat. Kiffartuuteqarnermut nakkutilliisup angalaarfissaqarluarnissaa isumagissavaa. Illumiit illumut angalaarnermi allattuivinnut adressit atillu naqitaaqqamik soqutiginninnermik ersersitsisut pisullu tamaasa allattorluarneqartariaqarput. Pingaarnerusullu oqaluuserisimasat allattorlugit. Sapaatip akunnerata ingerlanerani qaammatilluunnit ingerlanerani tamanna pulaaqqiinissamik aqqutissiuissammat.
8 Ilagiit arlaanni oqaluussiffigisassani ikiuussimagaanni, soqutiginninnermik ersersitsisut atii adressiilu ilagiinnut taakkununnga tunniuttariaqarput.
9 Angajoqqaat, meeqqassi kuisimanngitsutut oqaluussisartunngornissartik sulissutigivaat? Ilagiit ilaanni takuneqarsinnaavoq meeqqat perorsarsimalluaraluarlutik ukiorpassuarni angajoqqaatik kuisimasut ilagalugit oqaluussisartut, meeqqallu ajunngitsumik ingerlassimagaat, kisiannili suli namminneq nutaarsiassamik nuannersumik oqaluussisartunngorsimanatik. Angajoqqaat eqqarsaatigisariaqarpaat meerartik pisinnaatitaaffimmut tamatumunnga piukkunnartunngorsimanersoq. Utoqqaanertat marluk ilaqutariinnilu ittuusup eqqartorsinnaavaat pingaartitassat naatsorsuutiginissaat, taava kingorna meeqqap kuisimanngitsutut oqaluussisartunngornissaa aalajangiiffigineqarsinnaassaaq. — om, qup. 96, 97.
10 Oqaluussiffigisartakkassinni oqaluussisartoqarpa Jehovamik unnersiutiginnikkunnaarsimasunik? (Epr. 13:15) Ilaat peqataajunnaarsimasut immaqa nikalluuteqarsimanermik inuunermilluunnit isumakuluuteqarlutik, naak suli Biibili maleruaqqusai malikkaluarlugit. Inussiarnersumik utoqqaanertat ilaannik pulaarneqarlutik immaqa ilagiinnut peqataasaqqilersinnaapput kristumiutullu oqaluussiartornermut ilaasaleqqillutik.
11 Kikkulluunnit tamarmik suliassamut nuannersumut tamatumunnga piukkunnartut peqataasinnaapput: Meeqqat inuusuttullu ilissi sapernartippisiuk illumiit illumut oqaluussinermut ilaasarnersi? Ilissimi oqaluussiartornermut immaqa misilittagaqarpallaanngitsut? Paasilissavarsi naqitaaraq atulerussiuk immikkut nuannaarutissarsiffigissallugu. Pisariaqartoq taamaallat tassa pisariitsumik saqqummiinissaq.
Ima oqarsinnaavutit:
◼ „Uani qaammammi nunarsuaq tamakkerlugu nunani 232-ni pingaaruteqartumik tusarliussassaqartitsivugut. Tusarliussassaq pingaaruteqarpoq, pissutissaqaratta upperissallugu ullumikkut kikkut tamarmik ajornartorsiutaannik aaqqiissutissaqarmat. Naqitaaqqamik uuminnga tunerusuppatsigit.“
Imaluunnit ima oqarsinnaavutit:
◼ „Uani qaammammi fem millioningajaat namminneq piumassutsiminni nunarpassuarni sammivaat tusagassaq pingaaruteqartoq ingerlallugu. Inunnut saaffiginnittarpugut ajornartorsiummik tamatsinnik eqquisumik aaqqiisinnaasumik paasinnikkusuttunut. Aana naqitaaraq illit immikkut pissat.“
Immaqa una saqqummiusseriaaseq pisariitsoq pitsaanerutissavat:
◼ „Kikkulluunnit tamaasa kaammattorpavut tusarliussap pingaaruteqartup uuma atuarnissaanut [naqitaaqqap qulequtaa atuaruk]. Maluginiariaruk quppernerup aappaani ajornartorsiutit annertusiartuinnartut pillugit oqaatigineqarneri . . . [naqitaaqqami oqaaseqaatit toqqakkit]. Ilimagilluinnarparput nuannaarutigissagit naqitaaqqap sinnera atuarnissaa maannakkut immikkut pisunut pingaaruteqaqimmat. Aana naqitaaraq illit pissat.“
12 Naqitaaqqamik pisunut tamanut soqutiginninnermik piviusumik ersersitsigit. Arriitsumik ersarissumillu oqalugit; eqqissisimagit nukingipiluttumik pissuseqaqinak. Kissaatigaarput peqqissaartumik angalaarfigisartakkagut naammassinissaat taamaalillutik naqitaaqqamik atuarusuttut tamarmik piniassammata. Angerlarsimanngitsut peqqissaartumik allattortariaqarpavut, kingusinnerusukkut uterfigeqqinneqarniassammata naqitaaqqamillu neqeroorfigineqarlutik. Naqitaaraq allakkanut nakkartitsivinnut nakkartinneqassanngilaq marloriarlugu pingasoriarluguluunnit najugaqartut misileqqaartinnagit. Tamanna aamma atuuppoq ilaagiinni pulaagassarpassualinni. Naqitaaraq aamma aqqusinermi angalaarnikkut atorneqarsinnaavoq, kisiannili agguaatipallaannarneqassanngilaq. Saneqquttut oqaloqatigeqqaartariaqarput nassuiaatilaarlugit naqitaaqqap tusarliussaata pingaarutaanik. Sukkulluunnit nalunaajaanermi atoruk, angalanermi imaluunnit suleqatinnut qiteqqunnissinni oqaluussininni atorsinnaavat. Innagaannalersimasunut arlaatigulluunnit pissutissaqarlutik anisinnaanngitsunut, naqitaaraq pulaartunut neqeroorutigineqarsinnaavoq, nakorsanut, angerlarsimaffimmi ikiortinut napparsimasunillu paarsisunut, tuniniaasunut allanullu angerlarsimaffimminnut aggertunut.
13 Suliniarnissami qassinik pulaaqqiissavit? Qularnanngitsumik amerlassaqaat, kikkulluunnit soqutiginninnermik ersersitsisut pulaarneqaqqissagamik. Pulaarnermi siullermi pitsaaneruvoq taamaallaat naqitaaqqap saqqummiunnissaa. Tulliani pulaaqqileruvit oqaaseqarfigisinnaavatit tusarliussat pingaaruteqartut. Pulaakkat tusarnaarluaruk qanoq isumaqarnersoq atuarsimasaminut. Oqaaseqaataasa atuagassiaatitsinni nutaani suna saqqummiunnissaanik periarfississammatit immaqalu aamma tulliani pulaaqqinnissannut suut eqqartussanerlugit. Pulaarneqartoq ajunngitsumik qisuariarpat misilillugu atuaqqissaaqatigisalerniarsinnaavat. — 1 Kor. 3:6, 7.
14 Suliniarnersi asuliinnaanngilaq: Taamatut suliniarnissami inernera imminut akilersinnaava? Paulusip korintumiut neriorsoqqissaarpai: ’Suliniarnisi Naalakkami asuliinnaanngitsut ilisimagassigik.’ (1 Kor. 15:58) Ukiut ingerlanerini naqitaaraatitsinnik suliaqartarnerput naammattumik pilluaqqusaasarsimavoq. Aappariit illumut nutseramik amusartumi naqitaaqqamik qangarnisamik nassaarput. Inissiamut taanna kisiat qimanneqarsimavoq. Atuareerlugulu aappariit ilagiinnut tassaniittunut attaveqarput atuaqqissaaqatigineqartalerusullutillu. Ataatsimiinnerit najuuffigisalerpaat kingornalu kuisikkusulerlutik. Immaqa naqitaaqqamik agguaassimasanni taama assigusumik kinguneqaratarsinnaavoq. — Takuuk Vågn op! 8. februaarimoortoq 1977, qupperneq 15.
15 Suliassaqarpugut annertuumik. Anguniagaraarput ilagiit angalaarfissat tamaasa maajip 14-at tikitsinnagu naammassinissaat, imaluunnit pisariaqassappat qaammatip naaneranut. Naqitaaraq ilagiinni oqaluussisartut naatsorsuutigalugit nassiussuunneqassaaq (oqaluussisartunut pioneerinullu 100-it naqitaaqqat). Pioneerit ikiorti-pioneerillu 300-it tungaannut naqitat immaqa agguaakkumassavaat, ilagiinni oqaluussisartut amerlanerit 50-it amerlanerusulluunnit naqitaaqqat agguaakkumassavaat. Qassinik agguaassinissaq naatsorsuutigalugu naqitaaqqanik ataatsimiinnerup katersuutsitsinerulluunnit tungaanut naammattuinnarnik tingusisoqarsinnaavoq taakkunani peqqinnissap tungaanut. Sinneqartuussagaluaraanni utertinneqarsinnaapput allat atorsinnaassammatigik. Ilagiit arlaanni takusinnaalerunikku amingartuussallutik/sinneqartoortut nakkutilliisuusup ilagiit eqqaamiutik attaveqarfigisinnaavai. Tusarliussassamut pingaaruteqartumut suleqataagutta annertunerpaamik siaruartissinnaavarput. Ilagiinni annertuumik angalaarfissalinni maajip qeteqqussimalernerani suli naammassisimanngippata, naqitaaqqanillu suli sinneqarlutik ilagiit eqqaamiorisat qaaqqusinnaavaat ikiorneqarlutillu. Ilagiinni allani anguniagaq anguneqarsinnaavoq oqaluussiartorneq annertusisinneratigut, tamanna pisinnaavoq ikiorti pioneeriunikkut akulikinnerusumilluunnit oqaluussiartortarnikkut.
16 Sulissutigisariaqarparput tarnitsigut iluunngarluta Jehovamullusooq suliassaq naammassiumallugu. (Kol. 3:23) Inuup inuuneranik naleqarpoq. Inuit silarsuarmi pissutsit pingaaruteqartut sumiginnarsinnaanngilaat. Piffissaq naalivippoq. Takusariaqarparput inuinnaat silarsuarmi ajornartorsiutinut aaqqiissutissaqanngitsut. Guuti kisimi taamaaliorsinnaavoq. Guutimik pilluaqqusaanissamik kissaateqartut aalajangersimasariaqarput, nangaanatik, piumasaanut naapertuuttuullutik.
17 Suliniarnersuup naalernerani maajip 14-ani assavut nakkartissavavut? Naamik! Ingerlaannassaagut ulapputeqartuaannarluta, Paulusip siunnersuutaa allanneqartissimasoq malillugu. (kmD 95/4 „Rigeligt at gøre i Herrens gerning“)