Tamanut naqitaaraq immikkut ittoq
1 Naqitaaraq immikkut ittoq (Naalagaaffimmik Nutaarsiassat nr. 34) apriilip 24-ani agguaanneqaleriissaaq, inunni sumiluunniit silarsuarmi pissutsinut ernumagisaqartunut soqutiginnilersitsisimavoq. Naqitaaraq immikkut ittumik imaqaannanngilaq kisiannili aamma pisariaqavissumik tusarliussaqarluni. Suliniarnissaq ilagiinni oqaluussisartut uummatimikkut iluunngarlutik tapersersoritsik takutissimavaat, kissaatigigamikku soqutiginnittut tusindilippassuit tusarliussamik avitseqatigiumagamikkik. Tamakkiisumik sulinermi illit aamma peqataavit?
2 Ilagiinnut tamanut naqitaaraq nassiunneqarsimavoq, oqaluussisartunut tamanut 100-it naatsorsuunneqarlutik. Qassinik agguaassinissannut periarfissarsisimavit? Naatsorsuutigisamik ingerlalluarsimanngippat qanoq iliuuseqarnissannik maajip 14-anut agguaassineq naatinnagu eqqarsaatiginnissimavit? Ikiorti-pioneerisut nalunaarsinnaavit? Sapaatip akunnerata ingerlanerani katersuutsitsinerit ilaanut peqataasinnaavit, assersuutigalugu unnukkut oqaluussiartornissamik aaqqissuussisimasunut?
3 Utoqqaanertat maluginiarluassavaat angalaarfissat tamarmik naammassineqarsimanissaat. Ilagiinni angalaarfissat ilaat naammassinissaannut angumerinnissinnaanngikkunik utoqqaanertat ilagiinni eqqaamiunik ikiorneqarnissamik aperisariaqarput. Uummatikkut iluunngarluta ilungersuussigutta ilagiillu akornanni suleqatigiilluarutta, qulakkiissavaa suliassap naammassineqarluarnissaa.
4 Qularnanngilaq suliaq tamanna immikkut ittumik nuannaarutissarsiffigisimassagit tassami amerlasuut periarfissinneqarsimammata peqataanissaannik, ilaatigut oqaluussisartunngorlaanik meeqqanillu. Neriuppugut nuannaarnerup anersaava ingerlaannassasoq kajumilersissagaatigullu ajunngitsumik qisuariarsimasunut pulaaqqiinissatsinnik. Kajumissaarneqarsimavugut allattuinissatsinnik soqutiginninnermillu ersersitsisut allattornissaannik. Maajillu naanerani pitsaassaaq pulaaqqittakkat samminerunissaat nutaanik atuaqateqalernissaq siunertaralugu.
5 Pulaaqqiilerutta qanoq oqarsinnaavugut? Immaqa ima oqarsinnaavutit: „Eqqaamajunnarsivat qanittukkut naqitaaraq pinikuusat; neriuppunga periarfissarsisimassasutit atuarnissaanut imarisaatalu eqqarsaatiginissaanut. Tusarliussaq maani aamma oqallisaaqaaq apeqqutit tunngaviunerusut inunnut tamanut attuumassuteqarmata.“ Quppernermi 2-mi eqqarsalersitsisut ilaannik innersuussigit, aperalutillu: „Qanoq illit isumaqarpit siunissami pisussanut piareersassagutta qanoq iliussanersugut?“ Pulaakkat akili. Soqutiginninnermik ersersitsippat naqitaaqqami qupperneq 2-4-miittut sammisinnaavasi, kingorna atuaqqissaaqatiginissaanik neqeroorfigisinnaavat, imaluunnit tamanna pisinnaanngippat atuagassiat nutaat tunniussinnaavatit.
6 Ilagiinni allami ilaasimaguit soqutiginnittut atii najugaallu ingerlateqqinnissaat isumagissavat, taamaalilluni oqaluussisartunit tassani najugaqartunit pulaaqqinneqarniassammata. Pulaaqqiinissallu ilaannut qinnuigineqaruit pilertortumik taamaaliortariaqarputit.
7 Pissannganartuusimavoq naqitaaqqamik immikkut ittumik agguaassinermi peqataasinnaalluni, tamattalu misigisimavugut oqaluussinissatsinnik annertusaasinnaalluta. Qularutigissanngilarput ajunngitsumik kinguneqarumaartoq, inuillu sumiikkaluartut Jehovap aqqa siunertaalu suli maluginiarnerulissagaat. (Jes. 12:4, 5) Suli annerusumik iliuuseqarutta, suli annerulissaaq nuannaarnerput. — Tus. 126:3 (kmD 95/5 En særlig traktat til alle)