Atuagassiaaqqat assigiinngitsut oqaluussiartorninni atortakkit
1 Inuit soqutigisaat assigiinngitsorpassuusarput. Qaammammi juulimi pitsaassaaq atuagassiaaqqat assigiinngitsut oqaluussiartornermi nassaraanni, angalaarfigisartakkami inunnut kaammattuutaasinnaasut atorsinnaajumallugit. Immaqa saqqummiinerit makkua ilaat atorsinnaassavatit:
2 Naqitaaraq „nâlagauvfik pâratîsimik pilersitsiumârtugssaĸ“ neqeroorutigissagukku ima oqarsinnaavutit:
◼ „Qinnummi ataatarpuumi ilinniarsimavarput Guutip naalagaaffia tikiuteqqullugu. Qinnut taanna eqquuppat uagutsinnut qanoq isumaqassanersoq qanoq eqqarsaatigaajuk? [Pulaakkat akili, akissutaanullu oqaaseqarit.] Uani atuagassiaaqqami soqutiginartumik qinnut Jesus Kristusip ajoqersuussutigisaa oqaaseqarfigineqarnera eqqartorneqarpoq. [Qupperneq 3 qupperuk immikkoortorlu siulleq atuarlugu, Matîuse 6:10 issuarneqarsimasumiit.] Silarsuarmi taama ittumi inoorusukkuit una atuagassiaaraq atuarsinnaavat“. Atuagassiaaraq neqeroorutigiuk.
3 Naqitaaraq „Asasamik toqusoqaraangat . . .“ imatut saqqummiunneqarsinnaavoq:
◼ „Isumaqarpit qaquguluunnit piffissanngorumaartoq toqukkut annaasaqartarunnaarnissaq? [Pulaakkat akili.] Atuagassiaaqqami matumani peqqissaartumik allagaasumi millionilippassuit tuppallersarneqarsimapput Biibilimi qularnaatsumik neriorsuutigineqartut qanittukkut piviusunngorlutik eqquukkumaarmata. [Qupperneq 5 qupperuk immikkoortullu sisamaat atuarlugu, 1 Korintumiut 15:21, 22 ilanngullugu. Kingorna qupperneq 30-imi assiliaq takutiguk.] Titartaasup uani ersersippaa nuannaarneq misigiumaagassarput toqusimasut makititaappata ilaquttat ikinngutillu tikilluaqqulerutsigit. Kisianni pisussat tamakku sumi pissappat — nunami imaluunnit qilammi? Uuma atuagassiaaqqap apeqqutit tamakkua Biibiliminngaannit akissutissaqartippai.“ Pulaakkavit atuagassiaaraq tiguppagu ima oqarsinnaavutit: „Ulloq alla aggeqqissinnaavunga tamannalu pillugu eqqartoqqikkumaarparput.“
4 Atuagassiaaraq „Ata! Suut tamaasa nutaanngortippakka“ saqqummiussinnaavat atuaqqissaaqatiginissaanik neqeroorfigiitigalugu:
◼ „Amerlasuut Biibilimut tunngasunik apeqqutissaqartarput. Apeqqutit ilaat uani eqqartorneqartut immaqa aamma illit isumaliuutigisimassavatit. [Qupperneq 30 qupperuk apeqqutillu ilaat eqqaallugit.] Apeqqut kingulleq amerlasuut soqutigisaraat: ’Paratiisimi naassaanngitsumik inuunissannut qanoq ilillutit piareersarsinnaavit?’“ Ingerlaqqeriaruit immikkoortoq 57 aamma 58-mut qupperneq 29-mi 30-milu, kingornatigullu sarĸúmersitat 21:3, 4-lu atuarlugit Biibilimik atuaqqissaaqatiginissaa tunngavilerneqassaaq. Naggataatigut atuagassiaaraq tunniuguk apeqqutillu allat ilaat eqqartoqqikkumallugit pulaaqqinnissaanik isumaqatigiissuteqarfigalugu.
5 Immaqa saqqummiineq pisariitsoq naqitaaraq „Guds navn der vil består for evigt“ atorlugu misilikkumassavat:
◼ „Biibilimiit ilikkarsimasama siulliit ilagaat Guutip aqqa. Nalunngiliuk sunaanersoq? [Pulaakkat akili.] Biibiliminngaannit takutilaarlara uani Tussiaat 83:19-imi. [Atuaruk.] Naak Guutip aqqa maani allanneqarsimanngikkaluartoq ersarippoq Guuti qutsinnerussaartoq ilumut ateqartoq, tamannalu Biibilimik nutsikkani pisoqaanerusuni atorneqarnerusarpoq. Uuma atuagassiaaqqap eqqartorpaa Guutip aqqa Jehova oqaatsini assigiinngitsuni nassaarineqarsinnaasoq. [Qupperneq 8-mi ungaluusigaq takutiguk.] Jehovap siunertarisaalu pillugit suli paasisaqarnerorusukkuit una atuagassiaraq atuarsinnaavat.“ Pulaakkannut atuagassiaaraq tunniuguk.
6 Pisunut naleqquttunik naqitaaqqanik assigiinngitsunik pilersorluarneqarpugut „nalunaarut nuannersoq ikiortissaqanngitsunut oqaatigeqqullugu“. — Jes. 61:1. (kmD 95/7 Anvend et bredt udvalg af brochurer)