Soqutiginninneq qanoq ililluni ataannartinniarneqarsinnaasoq
1 Immaqa ippassaq, ippassaani sapatilluunniit akunnera ataaseq sioqqullugu Naalagaaffik pillugu tusarliussamik soqutiginnittoq oqaloqatigaat. Oqaluussat atuagassiamik pigaluarpat pinngikkaluarpalluunniit pingaaruteqarpoq sapinngisamik piaartumik soqutiginninnera ataannartinnialissallugu.
2 Pulaarnermi siullermi allattukkatit misissoqqissaakkit. Taava oqaluussinermut pooqattat immeruk, eqqaamajullu atuagassiamik pulaarfigisimasavit pisimasaata assinganik nassarnissat, pulaaqqikkukku innersuussutiginiassagakku.
’Ata! Suut tamaasa nutaanngortippakka’ pisimappagu oqarsinnaavutit:
◼ „Oqaloqatigeqqilaarusullutinuna. Kingullermik maaniikkama atuagassiap uuma saqqaa takutippara, aamma Biibilimit takutippara Guutip naalagaaffini aqqutigalugu kikkut tamaasa inissanik suliffissanillu isumagiumaarai. Kisianni aamma Guutip neriorsuutigisimavaa nappaatit, utoqqalisarneq allaallu toqu atorunnaarsikkumaarlugit. Tusarlugu tamanna illit qanoq isumaqarfigaajuk? [Pulaakkat akili.] Malugeriaruk atuagassiami uani illit pinikuusanni immikkoortoq 4-mi qanoq allassimasoqartoq.“ Immikkoortoq atuaruk, allassimaffillu ataaseq marlulluunniit ataaniittut oqaloqatigiissutigikkit. Tassa Biibilimik atuaqqissaaqateqalernissamut aallarniut!
3 Aamma pulaaqqinnissannut periarfissiorniarlutit naggataatigut ima oqarsinnaavutit:
◼ „Oqaloqatigiissutigeriikkavut tamakku Biibilimi neriorsuutigineqartunut ilaapput, inuilli ilaasa Biibilimi allassimasut upperissanerlugit qularutigisarpaat. Tulliani aggeruma tamanna pillugu oqaloqatigerusussinnaavakkit.“ Soqutiginninnera ineriartinniarlugu aggeqqikkuit brochurimi immikkoortumut „Atuagaq Paratiisimik nassuiaasoq“-mut, immikkoortumit 5-imit aallartittumut, ingerlaqqissinnaavutit.
4 Oqaluussiffinni atuagassianik siuarteriffiuallaanngitsuni: Atuagassianik piumanngikkaluarlutik soqutiginnipajaartut pulaaqqikkaangakkit siuliani eqqartorneqartutut aamma saqqummiussiffigisinnaavatit. Brochuri kingullermik oqaloqatigiikkassi neqeroorutigigaluakkat innersuussutigisinnaavat. Immaqa pulaarninni siullerni arlalinni Biibili namminerlu brochuriutit kisiisa atortariaqassavatit, immaqalu kingusiinnakkut aatsaat atuagassiamik piumalissaaq. Napasuliaq alapernaarsuiffik-imik 1. julimeersumik tunisisimaguit soqutiginninneq ataannartinniarlugu aggeqqikkuit ’Ata! Suut tamaasa nutaanngortippakka’-mi oqaluuserisat assingusut innersuussutigisinnaavatit.
5 ’Ræsonnerebogimi’ quppernerni 300-302-mi eqqartorneqartut ikiortigalugit pitsaasumik, nâlagauvfik pâratîsimik pilersitsiumârtugssaĸ atorlugu atuaqqissaarnermik kinguneqarsinnaasumik, pulaaqqiinissamut piareersartoqarsinnaavoq. Immaqaluunniit Biibilimik atuaqqissaaqatitaartoqarsinnaavoq ima aperinikkut: „Nalunngiliuk Biibilimi inunnut neriuutit marluk eqqartorneqartut? Siulleq tassaavoq nunarsuarmi naassaanngitsumik inuunissaq. Atuagassiami uani nassuiarneqarpoq qanoq ililluni tamanna pisinnaasoq.“ Taava brochurimi qupperneq 15 qupperuk allassimaffiillu issuarneqarsimasut atuarlugit.
6 Atuagassiamik, atuakkamik brochurimilluunniit tunisisimagaluaruit, imaluunniit Biibili pillugu pitsaasumik oqaloqateqaannarsimagaluaruit, soqutiginninnerup ataannartinniarnissa akisussaaffigaat. Oqaluussisartut tamaasa kajumissaarumavavut suliamut inuunermut annassutaasumut tamatumunnga julimi piffissamik immikkoortitseqqullugit. — 1 Tim. 4:16. (km 92/7 Hvordan interessen kan følges op)