’Tusakkaminnit uppertunngortarput’
1 ’Inuunermut naassaanngitsumut eqqortumik isumallit’ ilaannik nassaarutta, tusarsimasaminut uppernera pissatsittariaqarparput. (ap. sul. 13:48 NV; Rûm. 10:17) Taamaattumik atuagassianik pisimasunik pulaaqqiisariaqarpugut, oqaloqatiigiinneq nangeqqikkumallugu atuagassianillu nutaanik tuniumallugit. Siunertarpulli tassaasariaqarpoq atuagaq Ilisarsineq inuunermut naassaanngitsumut sammisoq atorlugu atuaqqissaaqateqalernissaq. Siunnersuutit makku immaqa atorsinnaassavatit:
2 Kingullermik ilanngutassiaq „Pris evighedens Konge!“ saqqummiussimagukku ima oqarsinnaavutit:
◼ „Kingullermik Guutip piuneranut uppernarsaatissat ilaat sammivavut. Naammanngilarli piunera ilisimaannassallugu. Aqqa aamma ilisimasariaqarparput. Guutimut ateq illit suna atortarpiuk? [Pulaakkat akili.] Inuit ilarpassuisa taaginnartarpaat ’Naalagaq’-mik imaluunniit ’Guuti’-mik. Taaguutaannaappulli kinaassuseqarpalunngitsut. Guutip kissaatigaa atini ilikkassagipput. [Tussiaat 83:19 atuaruk.] Jehova pillugu Biibilip annertunerusumik oqaluttuuppaatigut, tamannalu uani atuakkami nassuiarneqarpoq.“ Atuakkami ’Ilisarsinermi’ assiliaq qupperneq 29-miittoq takutiguk assiliartaatalu oqaasertai atuarlugit. Kapitali 3-imi immikkoortut siulliit eqqartoreerukkit atuaqqissaaqatigiinnermik aallartitsivutit.
3 Ilanngutassiamik „Hvorfor den sande tilbedelse velsignes af Gud“- mik saqqummiussiffigisimasannik soqutiginninnerulersitsiniarlutit ima oqarsinnaavutit:
◼ „Immaqa ilumoortumik eqqunngitsumillu upperisarsiornermik nassaassaqarnera ilanngutassiami atuarakku tupaallaatigisimassavat. Tamanna apeqqummik imaattumik pilersitsinngitsoortanngilaq: Pallorfiginninneq qanoq ittoq Guutip akueraa? Apeqqut tamanna Jesusip akisimavaa, uanilu atuakkami tamanna sammineqarpoq.“ Atuakkami ’Ilisarsinermi’ kapitali 5 qupperuk, immikkoortoq 5 atuaruk apeqqullu 5 b -miittoq pulaakkannut oqaloqatigiissutigalugu. Taava ima oqarsinnaavutit: „Piumaguit atuagaq aallaqqaataaniit aallartissinnaavarput, taamaalilluta uppernerput Guutip piumasaqaataanut naapertuuttumik ingerlannerlutigu paasiniassagatsigu.“ Tullissaanut aggeqqinnissat isumaqatigiissutigiuk namminerlu kapitali 1-ip atuarnissaanik kajumissaarlugu.
4 Pulaakkap „Vågn op!“ 22. apriilimoortoq pisimappagu, tullianik pulaarukku atuakkami ’Ilisarsinermik’ atuaqqissaaqatigilerniarsinnaavat ima oqarlutit:
◼ „Immaqa kingullermik silarsuaq sorsuffiunngitsoq misigissallugu periarfissaq eqqartoratsigu eqqaamavat? [Pulaakkat oqaaseqarli.] Qanoq ikkumaarnersoq takorlooruminaappoq. Eqqumiittuliortup ima takorloorsimavaa. [Atuakkami ’Ilisarsinermi’ assiliaq qupperneq 188-89-imiittoq takutiguk.] Ilaa, taamaattunik avatangiiseqarluni inuuneq misigissallugu nuannerunaq? [Quppernerit 4 aamma 5 quppikkit; assiliaq takutiguk oqaasertaalu atuarlugu.] Atuakkap taaguutaa Jesusip oqaasiinut Juánase 17:3-miittunut naapertuuppoq. [Atuaruk.] Takutikkusukkaluarpakkit una atuagaq Biibili ikiortigalugu qanoq atorneqarsinnaasoq, ilisarsineq inuunermik annatsitsisinnaasoq paasiniarlugu. Qanoq isumaqarpit?“ Pulaagaq ajunngitsumik qisuariarpat atuaqqissaarneq kapitali 1-imiit aallartiinnarneqarsinnaavoq.
5 Kingullermik pulaagaq ulapissimappat, ima oqarsinnaavutit:
◼ „Qanittukkut pulaarakkit Napasuliaq Alapernaarsuiffik-mik aamma Iteritsi!-imik qimatsigisimavakkit. Qanoq isumaqarfigaagit? [Pulaagaq oqaaseqarli.] Isumaqarpunga Guutip oqaasii paasissallugit pingaaruteqartorujussuusoq, taamaattumik taamaaliornissamut suna ikiuutaasinnaasoq takutikkusuppara.“ Atuagaq ’Ilisarsineq’, imaasalu allattorsimaffiat qupperneq 3-miittoq, takutikkit. Aperiuk kapitali sorleq soqutiginartinneruneraa, atuaqqissaaqatigiinnerlu tassanngaanniit aallartinneqarsinnaavoq.
6 Nuannaarutissarsiffigingaassavarput allanut ’uppernermut iserfissaq mappersinnaagutsigu’, inuunermut naassaanngitsumut sammisoq. — ap. sul. 14:27; Juá. 17:3. (kmD 96/4 ’Troen kommer af det man hører’)