Allat ikiukkit ilisarsineq inuunermut naassaanngitsumut sammisoq angusinnaaqqullu
1 Apustili Paulus allappoq Guutip kissaatigigaa ’inuit tamarmik annannissaat sallusuissummillu ilisarsilernissaat.’ (1 Tim. 2:4) Allat qanoq ililluta ikiorsinnaavavut ilisarsinermik ilassinnissinnaaqqullugit? Ilaatigut atuagaq Ilisarsineq inuunermut naassaanngitsumut sammisoq aqqutigalugu soqutiginninnermik ersersitsisimasut pulaaqqinnerisigut. Atuakkap taassuma Biibilip oqariartuutaa erseqqilluartumik nassuiarpaa, oqaatsinik paasiuminarlutillu naleqqulluartunik. Atuaqqissaarneratigut inuit inuiannit tamaneersut inuunermut ingerlatinneqarsinnaapput. Allat qanoq ililluta atuakkamik atuaqqissaaqatiginissaannut kajumissisissinnaavavut?
2 Kingullermik saqqummiussineq Matîuse 7:12 atorsimagukku ima oqarsinnaavutit:
◼ „Aluu, aggeqqippunga. Pissanngatigivara atuakkap kingullermik uanniit pisavit Biibilimik atuarusussuseqalersissimaneraatit. [Tusarnaarluarit.] Uanga nammineq pissanganartitama ilagaat Biibilimi siulittuutit. Atuakkami immikkoortoqarpoq tassunga atatillugu maluginiagassannik.“ Qupperneq 19-imi immikkoortoq 19-imi ataatsimik marlussunnilluunniit assersuutinik taasaqarit. Taava immikkoortoq 20 atuaruk „. . . soorlu nunarsuarmi paratiisissaq pillugu siulittuut?“ ilanngullugu. Aggeqqikkumagit Biibilip uppernartuuneranut uppernarsaaffigeqqikkumallugu.
3 Ilisarsinikkut inuuneq naassaanngitsoq pisinnaagipput eqqartoqqikkumallugu aggeqqikkuit, ima oqarsinnaavutit:
◼ „Pulaaqqinnissat pissanngatigisimavara. Isumaqarpunga kingullermik eqqarsaatit soqutiginartut oqaloqatigiissutigalutigit, atuakkami kapitalimi [kapitali 4] innersuussutigisimasanni immikkoortoq 1-imi takutitaqarusuppunga. [Immikkoortoq 1 atuaruk assersuullu immikkoortoq 2-mi eqqarsaatinut nuutillugu.] Tassani erseqqissarneqarpoq qanoq pingaaruteqartigisoq Jesusip kinaassusianik eqqorluartumik ilisimasaqalernissaq. Immaqa illit aamma Jesusip kinaassusia isumaqarfigivat. [Pulaakkannut tusarnaarit oqaasiinullu oqaaseqarlutit immikkoortorlu 3 atuarlugu.] Jesus ilisarsinermut matuersaatitut assersuunneqarpoq, matuersaateqanngikkaannilu illu parnaarsimasoq sumut iluaqutaassava? [Unillatsiarit.] Taamaattumik Guutip siunertaani Jesusip qitiusumik inissisimaneranik ilisimasaqartariaqarpugut. Immikkoortuni tulliuttuni marlunni tamanna erseqqissarneqarneruvoq.“ Immikkoortut misissorsigik aggeqqinnissallu isumaqatigiissutigalugu.
4 Atuaqqissaaqatiginninnissat neqeroorutigereersimagukku pulaaqqileruit ima oqarsinnaavutit:
◼ „Nuannaarutigaara naapeqqissinnaagakkit, akeqanngitsumik Biibilimik atuaqqissaaqateqartarneq pillugu oqaloqatigeqqikkusuppakkit. Atuakkamik Ilisarsineq inuunermut naassaanngitsumut sammisoq-mik qimatsivigisimavakkit, taannalu ikiuutitut atortarparput. Maluginiaruk atuagaq kajumissaaruteqarmat Guutip oqaasiinik eqqarsaatiginninnissamik. [Quperneq 22-mi immikkoortoq 23 atuaruk.] Atuagaatit illit nammineq pigisat tigoriarlugu immaqa kingullermik killiffitsinninngaanniit nangeqqissinnaavarput.“ Pulaarnermi siullermi atuaqqissaaqatigiinneq aallartissimanngikkukku ima oqarsinnaavutit: „Naluara sumut killillugu atuagaq atuarsimanerit, kisianni immaqa kapitali 3 marluulluta takulaarsinnaavarput.“ Atuakkit immikkoortoq 1-miit 4-mut, imaluunniit kingullermik kapitalimi killiffissinninngaanniit atuarsinnaavutit eqqartorlugulu. Piffissamik aalajangersimasumik aggeqqinnissannik isumaqatigiissuteqarfigiuk atuaqqissaarnersi nangikkumallugu.
5 Atukkap ’Ilisarsineq’-p atorluarneratigut eqqorluartumik ilisarsineq siaruartersinnaavarput allanut pilluaqqussutissanngorlugu. (Uss. 15:7) Peqqusersuitsumik uummatillit atuagaq nuannaarutigingaassavaat, tamatumalu killissinnaavai Jehovap naapertuilluassusia naapertorlugu inuulernissaannut, inuunissaq naassaanngitsoq kinguneralugu. (kmD 3/96 Hjælp andre til at opnå . . .)