Sallusuissut oqaluutigiuaruk
1 Apustilit oqarsimapput: ’Takusavut tusakkavullu oqaatiginnginneq saperpavut.’ (ap. sul. 4:20) Ullumikkuttaaq uagut sallusuissut oqaluutigiuartariaqarparput. Napasuliaq Alapernaarsuiffik-mik Iteritsi!-millu agguaassineq tusarusuttunik ujarlernermi atugassaapput, soqutiginnittulli sallusuissutsip oqariartuutaanik annerusumik ajoqersorniarlugit uterfigisariaqarpavut.
2 Kingullermik „Vågn op!“ apriilip normuinik immikkut ittoq „Når vi bliver fri for al krig“-mik sammineqartoq tunniussimagukku atuaqqissaaqatiginnilerniarsinnaavutit ima oqarlutit:
◼ „Kingullermik eqqartorparput upperisarsiornerit sorsunnernut pisooqataasarsimasut. Nalunngiliuk pissutsit taamaattut takutikkaat Biibilip ullunik kingullernik taasaani inuunitsinnik? [Atuagaq ’Ilisarsineq’ takutiguk. Kapitali 11-imi immikkoortoq siulleq atuaruk, ilanngussarlu qupperneq 102-miittoq erseqqissarlugu.] Atuakkap uuma tamanna allaatigisallu allat 18-t imaata allattorsimaffianni taaneqartut eqqartorpai. [qupperneq 3 takutiguk.] Minuttialunnguani takutilaarlara Biibili pillugu atuakkap qanoq paasitissinnaagaatit.“ Atuaqqissaaqatigiinneq qupperneq 6-imiit aallartiguk.
3 Kingullermik neriorsuisimaguit aggeqqikkumallutit nassuiaajumallutillu qanoq toqqississimaneq maannamiit misigisinnaagipput ima oqarsinnaavutit:
◼ „Kingullermik maaniikkama Biibilimiit allassimaffik siunissami isumalluarnissatsinnik pissutissaqartitsisoq takutippara. Ullumikkut takutikkusuppara qanoq maanna toqqissisimaneq angusinnaagipput.“ Tussiaat 4:9 atuaruk. Atuakkami ’Ilisarsineq’-mi qupperneq 168 qupperuk immikkoortorlu 19 atuarlugu. Taava aperigit: „Angerlarsimaffimmi akeqanngitsumik Biibilimik atuaqqissaaqatigineqarusussinnaavit toqqissisimanermik taamaattumik qanoq angusisinnaaninnik takutitsisumik?“ Pulaakkat ajunngitsumik qisuariarpat, kapitali 1-imiit aallartissinnaavusi.
4 „Vågn op!“ 22. apriilimoortumik pisimasut pajuttakkannut ilaalersinnaapput. Assersuutigalugu ima oqarsinnaavutit:
◼ „Qularinngilara atuagassiami Vågn op!-imi suliffimmi tiigaffigineqarneq pillugu allaatiginnittumi soqutiginartitaqarsimassasutit. Ilanngutassiat qanoq isumaqarfigaagit? [Pulaakkat akili.] Vågn op!-imik atuartartut oqartarput pineqartunik taamaattunik atuagassiap ajunngitsumik sukumiisumillu allaaserisaqartarnera pingaartillugu. Qularinngilara normut nutaat aamma taama isumaqarfigissagitit. [Naatsumik ilanngutassiat pingaarnerit eqqaakkit.] Atuagassiat tigusinnaavatit.
5 Pulaaqqinnermi toqqaannartumik Biibilimik atuaqqissaarnissaq neqeroorutigisinnaavat ima oqarlutit:
◼ „Nunarsuaq tamakkerlugu atuagassiaativut agguaappavut Biibilip ajoqersuutaanik inuit ilisimatinniarlugit. Ilikkakkaminnik pingaartitsisut angerlarsimaffimmi atuaqqissaaqatiginissaannik neqeroorfigisarpavut. [Ilanngussaq Napasuliaq Alapernaarsuiffik-up tunuaniittoq „Pulaarneqarusuppit?“ innersuussutigiuk.] Una atuagaq Ilisarsineq inuunermut naassaanngitsumut sammisoq atuaqqissaaqatigiinnermi atortarparput. Naatsunnguamik takutilaarlara qanoq ingerlattarneripput.“
6 Sallusuissut oqaluutigiuarutsigu qularnanngitsumik tusaasoqarumaarpoq kajumittumillu qisuariartoqarluni. — Mák. 4:20. (kmD 5/96 Bliv ved med at . . .)