Novembarimi oqaluussinermut tunngasumik ataatsimiinnerit
Sapaatip-akunnera 4. novembarimiit
Erinarsuut nr. 29
8 min: Nalunaarutit, ilaatigut Naalagaaffimmut Kiffartorneq-meersut.
17 min: „Guutip oqaasia eqqortumik atorpiuk?“ Apeqqutit akissutillu. Aammattaaq ’Ræsonnerebog’-imiit eqqarsaatit ilaannik taasaqarit, qupperneq 47-49-imi, immikkoortoq „Hvorfor vi bør undersøge Bibelen“.
20 min: „Tassaavoq inuuneq naassaanngitsoq.“ (Immikkoortut 1-5) Naatsumik aallarniut immikkoortoq 1-imiittoq sammeriarlugu oqaluussisartut pikkorissut marluk saqqummiusseriaatsinik immikkoortuni 2-5-iniittunik takutitsisikkit. Erseqqissaruk Biibilimik atuaqqissaaqateqalernissarput anguniagarigipput.
Erinarsuut nr. 128 naggataarutaasumillu qinnut.
Sapaatip-akunnera 11. novembarimiit
Erinarsuut nr. 40
10 min: Nalunaarutit; ilagiit naatsorsuutaat. Qatanngutit tukkussusiannik nersualaakkit. Eqqaasikkit unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata.
20 min: Sooq Jehovamut tunisineq tulluartuua? Utoqqaanertat marluk ilanngutassiami Napasuliaq Alapernaarsuiffik novembari 1996-imoortumi qupperneq 26-29-imi pingaarnersanik eqqartuissapput. Utoqqaanertalluunniit ilanngutassiaq oqalugiaatigisinnaavaa.
15 min: „Tassaavoq inuuneq naassaanngitsoq“ (Immikkoortut 6-8) Toqqaannartumik atuaqqissaaqateqalerniarnerup pitsaaqutai eqqartukkit. Oqaluussisartut misilittagallit immikkoortoq 6-imi 7-imilu saqqummiusseriaatsinik takutitsisikkit. Tusarnaartut pulaarnermi siullermi atuaqqissaaqateqalersimanerinik misigisaannik oqaluttuartikkit. Angut toqqaannartumik atuaqqissaaqatigineqarnissaminik neqeroorfigineqarsimavoq imalu akilluni: „Aap, qujanaq. Iseriarlutit. Atuaqqissaaqatigineqarusuttorujussuuvunga.“ Atuaqqissaaqatigineqartalerpoq, sapaatip-akunnerata tulliani ilaqutai ilaapput, sivitsunngitsoq ataatsimiinnerit tamaasa najuuffigisalerpaat oqaluussinermullu peqataalerlutik. Tamaasa kajumissaakkit tullianik Naalagaaffimmut Kiffartorneq-meersoq juuni 1996-imoortumi ilanngussaq nassaqqullugu.
Erinarsuut nr. 129 naggataarutaasumillu qinnut.
Sapaatip-akunnera 18. novembarimiit
Erinarsuut nr. 140
10 min: Nalunaarutit. Oqaluussisartoq ataaseq marlulluunniit oqaluussinermi misigisaannik oqaluttuartikkit. Ajornanngippat misigisat ilaat sukkulluunniit oqaluussinermi, niuerniartarfinni assigisaanniluunniit oqaluussinermi misigisaassaaq.
15 min: „Suliassaqarpugut.“ Apeqqutinik akissutinillu sammineqassaaq. Napasuliaq Alapernaarsuiffik 1. februari 1988-imoortumi qupperneq 29-31-mi immikkoortut 13-16 naatsumik oqaaseqarfigikkit.
20 min: Qanoq siuariartortumik Biibilimik atuaqqissaaqateqartoqarsinnaasoq. Oqaluussinermut tunngasumik nakkutilliisup oqalugiaatigissavaa. Maanna ukioq ataaseq sinnerlugu atuagaq ’Ilisarsineq’ atuaqqissaaqateqarnermi suliamut atorsimavarput. Atuaqqissaaqatigineqartartut ilaasa naareersimavaat, ilaasa atuagaq ingerlallualeruttorpaat. Kajumissaarneqarsimavugut nutaanut sallusuissutip pilertortumik ilinniartitsissutiginissaanut, taanna naapertorlugu inooriaaseqaleqqullugit aammalu ilagiinnut ilaaleqqullugit. Naalagaaffimmut Kiffartorneq-mi ilanngussami juuni 1996-imoortumi ilinniartitsisuulluarnissatsinnut siunnersorneqarsimavugut. Ilinniartoq pitsaanerusumik ajoqersornissaanut immikkoortut 3–13 ilanngussami eqqartoriikkatsinni sammineqartut naatsumik eqqartukkit. Taava sallusuissummik aalajangiussinissaannik qanoq ikiorsinnaanerlugit immikkoortuni 14-22-ni eqqartorneqartut tunngavigalugit samminerukkit. Immikkoortut 15, 17, 20 aamma 21 atuarneqassapput. Tamaani oqaluussisartut angusimasaannik eqqaasaqarit. Suli amerlanerusut Biibilimik atuaqqissaaqateqalerniarnermut suliamut peqataaqqullugit kajumissaakkit.
Erinarsuut nr. 85 naggataarutaasumillu qinnut.
Sapaatip-akunnera 25. novembarimiit
Erinarsuut nr. 46
8 min: Nalunaarutit. Oqaluussisartoq oqaluussisimanermini misigisaanik oqaluttuartiguk.
15 min: „Allat pisariaqartitsineri naapertorlugit avitseqatigikkit.“ Utoqqaanertap oqalugiaatigissavaa. Ilagiinnut tamanut Peqatigiiffimmit allakkat 25. juuli 1996-imoortumi paasissutissat uteqqikkit. Eqqaasikkit Naalagaaffiup suliaanut tunissuteqarnissamut periarfissanut assigiinngitsunut apeqqutit allatsip akisinnaammagit.
10 min: Apeqquteqartarfik. Tusarnaartunit peqataaffigineqarluni sammineqassaaq.
12 min: Decembarimi neqeroorutissaq sammineqassaaq. Ny Verden nutsigaq atuagarlu Bibelen — Guds ord eller menneskers? neqeroorutigikkit. Atuakkami „Hele Skriften er inspireret af Gud og gavnlig“-mi qupperneq 327-31-miittut tunngavigalugit takutiguk Ny Verden nutsigaq sunik pitsaaquteqarnersoq: Guutip aqqa ataqqinarsisillugulu qutsissisinneqarpoq (immikkoortoq 1 aamma 2); nalitsinni oqaasiusartut atorneqarmata allanneqarnera paasiuminarneruvoq (immikkoortoq 6); oqaluussinermi atussallugu sakkussaavoq sunniuteqarluartoq (immikkoortoq 20 aamma 21). Atuakkami Bibelen — Guds ord eller menneskers?-mi qupperneq 189-imi eqqarsaatit ilaannit naatsumik sammisaqarit saqqummiussinermillu takutitsisoqassaaq. Sumiluunniit soqutiginninnermik ersersitsisoqarpat pulaaqqinnissaat isumaqatigiissuteqarfigisariaqarput.
Erinarsuut nr. 180 naggataarutaasumillu qinnut.