Guutip oqaasia unnersuussisarpoq
1 „Silarsuarmi ajornartorsiuteqarfioqisumi inuuvugut aaqqiissutissakeqisumilu. Inuit millionilippassuit naammattumik nerisanngillat. Ikiaroornartunik atornerluisut amerliartuinnarput. Ilaqutariit amerliartuinnartut avissaartarput. Qanigisariit iluanni kinguaassiuutitigut kanngunartuliornerit ilaqutariinnilu nakuusernerit ulluinnarni nutaarsiassaalersimapput. Silaannaq najuussortagarput imerlu imertagarput arriitsumik mingutsinneqariartorput. Aammattaarlu amerliartuinnartut pinerlunniarfigineqarnermik eqqorneqartarput.“
2 Atuagaq Bibelen — Guds ord eller menneskers? taama aallartippoq. Atuakkap aallaqqaasiutai ullumikkut aatsaat taama pingaarnerulersimatigaat atuakkap ukiut arfineq-marluk matuma siorna saqqummersinneqarneranit. Inuit pisariaqartippaat paasissallugu Guutip oqaasia unnersuussisartoq ajornartorsiutiminnillu erloqissutigisaminnik tamanik aaqqiissutissaqartitsisoq. Decembarimi inuit ikiorniassavavut Ny Verden-Oversættelsen atuagarlu Bibelen — Guds ord eller menneskers? neqeroorutiginerisigut. Atuakkanik pisoqaruni soorunami imaanngilaq Guutip unnersuussutaanik ilassinninnissaannut qulakkeerutaasoq. Taamaattumik pulaaqqittariaqarpagut atuaqqissaaqatiginninnissarput siunertaralugu. Uagut nammineq iliuuseqarutta suliamut ikiorneqassaagut. (Mat. 28:19, 20) Atuakkap saqqummiunnissaanut siunnersuutit aajuku:
3 Utoqqarmik naapitsiguit aallarniut manna atorsinnaavat:
◼ „Ima aperilaarsinnaavakkit: „Inuusunnerugallaravit inuit maani imminnut qanoq pissuseqarsimappat? [Pulaakkat akili.] Aap, pissutsit taamanikkornit allanngorsimaqaat. Allanngorsimanermut tamatumunnga suna pissutaasoraajuk? [Pulaakkat oqaaseqarli.] Tamakku ullumikkut misigisavut Biibilimi siulittuutit eqquunneraat. [2 Timûtiuse 3:1-5 atuakkit.] Ullumikkut silarsuarmi pissutsit atukkavut eqqorluartumik eqqartuinnarnagit Biibili siunissami qanittumi silarsuarmik ajunnginnerusumik neriorsuuteqarpoq. Tamanna pillugu kikkut tamaasa Biibilimik atuartarnissaannik kajumissaarniarpavut. Immaqa malugisimassavat Biibilimi uani Ny Verden Oversættelsen-imi atuakkakka oqaatsit ersarissut atorneqarmata.“ Nassuiaruk qallunaat oqaasii nalitsinni atugaasut atorneqarmata Biibilimik paasiuminarsisitsisut. Pulaakkat atuakkamik Bibelen — Guds ord eller menneskers? takutiguk kapitalilu 10 erseqqissarneruguk siulittuutip allap eqquunneranik takusimasatsinnik eqqartuisoq. Atuagaq Biibililu neqeroorutigikkit.
4 Utoqqarmut atuakkamik Biibilimillu pisimasumut pulaaqqiiguit ima oqarsinnaavutit:
◼ „Kingullermik oqaloqatigiikkatta isumaqatigiippugut ullumikkut ukiualuit matuma siornagut naleqqiullugu inuuneq assigiinngitsorpassuartigut allannguuteqarsimaqisoq. Takutikkusuppara Biibilimi silarsuaq pitsaanerusoq neriorsuutigineqarmat. [sarĸúmersitat 21:3, 4 atuakkit.] Nalunngikkutsigu Guutip oqaaserigaa Biibili allamik qanoq oqaaseqarnersoq misissornissaa kissaatigisariaqarparput.“ Atuakkami kapitali 14 quppersinnaavat immikkoortoq 3-4-lu atuarlugit akeqanngitsumillu angerlarsimaffimmi atuaqqissaaqatiginissaanik neqeroorfigalugu.
5 Inuusunnerusumik oqaloqateqarniaruit oqaloqatigiinneq aallarnerlugu ima oqarsinnaavutit:
◼ „Aperilaarusuppakkit: Misigivit inuusuttutut siunissaq isumalluarfigisinnaallugu? Siunissaq qanoq eqqarsaatigisarpiuk? [Pulaakkat akili.] Qujanartumik pissutissaqarluarpoq siunissaq isumalluarfigissallugu. [Tussiaat 37:10, 11 atuakkit.] Biibili imarisaalu assigiinngitsunik isumaqarfigineqarpoq taamaattumik atuagaq una, Bibelen — Guds ord eller menneskers? saqqummersissimavarput. Biibilip atuarnissaanut pissutissat suut taanerai malugeriaruk. [Qupperneq 10-11-mi immikkoortut 16-17 atuakkit.] Biibili ilumoortuusoq uppernarsigaanni qularnaatsumik siunissamut neriuutissaqarpoq. Una atuagaq atuarusukkukku tunniukkusuppara.”
6 Inuusuttumut atuakkamik pisimasumut aggeqqikkuit oqaloqatigiinneq aallarnerlugu ima oqarsinnaavutit:
◼ „Kingullermik paasivara siunissaq ernumassutigigit. Immaqa pilluarnartumik toqqissisimanartumillu siunissaqarneq pillugu Biibilip issuaaffigineqarnera takutikkakku eqqaamavat. Ullumikkut allassimaffimmik allamik takutitsiffigilaarusuppakkit. [sarĸúmersitat 21:3, 4 atuakkit.] Atuakkap uannit pinikuusavit uppernartumik takutippaa Biibili Guutip oqaaserigaa imaanngitsoq inuit. Tamanna annertuumik sunniuteqassaaq. [Qupperneq 184-85-imi immikkoortut 1-2-lu atuakkit.] Piumaguit akeqanngitsumik Biibilimik atuaqqissaaqatigisinnaavakkit.“ Pulaakkap neqeroorut akuerippagu nammineq Biibileqarnersoq aperisinnaavat. Naaggaarpat Ny verden-Oversættelsen neqeroorutigineqassaaq.
7 Inuunerup ajornartorsiutaanut qaangiinissamut sumi unnersuunneqarnissamik nalusumut aallarniut manna immaqa ajunngitsumik qisuariartitsisinnaavoq:
◼ „Ullumikkut inuuvugut tamangajatta ajornartorsiutinik ilungersunartunik nanertuutigisaqarluta. Amerlasuut siunnersuisartunut assigiinngitsunut siunnersuutissarsiortarput. Ilaat tarnip pissusiinik ilisimatuunut ikiortissarsiortarput. Sumi silatusaartunik atoriaannaasunillu siunnersuutissarsisoqarsinnaasoraajuk? [Pulaakkat oqaaseqarli.] Biibili uparuagaqarpoq tamatta paasisariaqagatsinnik.” Jeremia 10:23 atuaruk. Atuakkami Bibelen — Guds ord eller menneskers? qupperneq 187 qupperuk immikkoortorlu 9 atuarlugu. „Atuakkap uuma paasitissinnaavaatit ajornartorsiutivut tamaasa Guutip naalagaaffiata aqutsinerata ataani qanoq peerneqassasut. Atuarusussinnaassaviuk?“
8 Pulaarnermi siullermi inuit siunnersorneqarnissamik pisariaqartitsinerat eqqartorsimagussiuk, aggeqqikkuit eqqartuineq nagillugu ima oqarsinnaavutit:
◼ „Kingullermik oqaloqatigiikkatta isumaqatigiippugut Guutimik unnersuunneqarnissarput pisariaqarlutigu inuunerup ajornartorsiutai pitsaasumik aaqqinniassagutsigit. Tamatumunnga atatillugu qularinngilara atuakkami tunniussanni oqaaseqaatit kingulliit nuannaarutigisimassagitit. [Atuakkami qupperneq 189 immikkoortoq 12-13-lu atuakkit.] Angerlarsimaffimmi akeqanngitsumik Biibilimik atuaqqissaaqatiginissat neqeroorutigerusuppara qanoq iliortarnersugut takutissallugu piareersarsimavara.”
9 Ilungersornivut Jehovap pilluaqqussavai utoqqaat inuusuttullu Biibilip pingaaruteqarneranik aammalu inuunitsinni unnersuussineranik pingaartitsilernissaannik ikiorutsigik. — Tuss. 119:105.