Siuneqassuseqarlutit nalunaajaagit
1 Siuneqassuseqarluta nalunaajaassagutta nalunaajaaffigisavut ilisimasaqarfigilluarnerusariaqarpavut. Sooq? Naalagaaffiup tusarliussaanik saqqummiigaluarutta uummataat angujuminaatsissinnaagatsigik taakkununnga soqutiginartumik tusarliutinngikkutsigu. Januaarimi atuakkat atuaqqissaarutigineqartartut qangarnisat ilagiinni pigineqartut neqeroorutigissavavut. Ilagiinni atuakkat pigineqanngippata atuagaq erĸigsineĸ isumangnáissuserdlo piviussut ĸanoĸ pilersíneĸásápat? atorneqarsinnaavoq. Siunnersuutigineqartut makku ilai immaqa atorsinnaavatit.
2 Atuagaq „erĸigsineĸ isumangnàissuserdlo piviussut ĸanoĸ pilersíneĸásápat?“ neqeroorutigissagukku assiliaq qupperneq 4-miittoq innersuussutigisinnaavat imalu oqarlutit:
◼ „Eqqumiittuliortup Guutip nunarsuarmut siunertaa Biibilimi oqaatigineqartoq ima issuarsimavaa. Tamatta pissutsit taamaattut maqaasinnginnerpavut? [Pulaagaq oqaaseqartinneqarli assiliarlu oqaloqatigiissutigiuk.] Biibilip takutippaa qanittumi eqqissinermik isumannaassusermillu nunarsuarmut atuutilersitsiumaarluni, Paratiisilu pilerseqqikkumaarlugu. [Tussiaat 37:10, 11 atuakkit.] Atuakkap uuma takutippaa qanoq ilillutit Guutip pilersikkumaagassai iluaqutigisinnaagitit. Atuagaq atuarusukkukku ilinnut tunniukkusuppara.“
3 Atuagaq „inûneĸ’ ilumut sujunertaĸarpoĸ“, saqqummiutissagukku ima oqarsinnaavutit:
◼ „Nunarsuaq tamakkerlugu inuit millionilippassuit pilluarneq maqaasivaat, misiliillutilli ujartuiffigisartagaat eqqortuusorinaratik. Amerlanerit isumaqarput ukiualunnguaniinnaq inuunissaq, meeqqanillu perorsaalluni neriullutillu toqunnginnermi ajunngitsumik kinguneqarumaartoq. Illit qanoq isumaqarpit?“ Taava qupperneq 5-imi immikkoortuni 1-3-milu eqqarsaatit ilaannik taasaqarit. Tussiaat 37:11 atuaruk, naatsumillu takutillugu Guutip nunassamik nutaamik siunertaa qupperneq 4-imi ersersinneqartutut. Assersuutigalugu pulaagaq ima aperineqarsinnaavoq: „Qanoq isumaqarfigaagit tamakku siunissamut tikkuussisut?“ Akissummut tusarnaarit, soqutiginnippat atuagaq neqeroorutigineqassaaq.
4 Atuagaq „Den kommende verdensregering — Guds rige“, atussagukku innuttaaqatigiit ajornartorsiutaannik taasaqarsinnaavutit, taavalu ima aperalutit:
◼ „Isumaqarpit ajornartorsiut tamanna silarsuup siuttuisa aaqqissinnaajumaaraat? [Pulaakkat akili oqaaseqaataanullu oqaaseqarit.] Tamatta silarsuarmi ajornartorsiutinik taamaattunik nassaassaqarfiunngitsumi inoorusukkaluarpugut. Tamanna Guutip naalakkersuinerata ataani piviusunngortinneqarumaarpoq.“ Jesaja 32:17, 18-lu atuakkit takutinniarlugu qanoq eqqissineq isumannaassuserlu pilersinneqarumaartut. Taava qupperneq 2-imi aallaqqaasiullugu oqaaseqaat atuaruk, nassuiaallugulu atuakkap Biibili tunngavigalugu takutikkaa Guutip nunarsuarmut neriorsuutai siunissami qanittumi eqquukkumaartut. Pulaagaq ajunngitsumik qisuariarpat atuagaq neqeroorutigineqassaaq.
5 Atuagaq „Overlev — til liv på en ny jord“ naatsumik neqeroorutigissagukku qupperneq 4 quppersinnaavat imalu oqarlutit:
◼ „Inuppassuit nunarsuup siunissaa eqqarsaatigisarpaat. Illit qanoq isumaqarpit?“ Pulaakkap akissutaa oqaaseqarfigiuk atuakkamilu qupperneq 2-mi siulequt atuarlugu. Taava atuagaq neqeroorutigisinnaavat.
6 Siuneqassuseqarluta inuit sumik atorfissaqartitsinersut soqutigisaqarnersullu nalilersinnaavavut. Tamanna uppernarsarsinnaavarput Ussatit 16:23-imi tassani oqaatigineqarmat: „Uummatikkut ilisimassuseqarnerup silatuumik oqalunneq pilersikkaangagu inuup ilisimasai annertunerujartuinnartarput.“ (kmD 96/01 Forkynd med indsigt)