Apeqquteqartarfik

◼ Qanoq iliortariaqarpa qatanngutit ajunaarnersuarmik eqqorneqarpata?

Qanittussinni ajunaarnersuarmik nalaanneqarussi: Uiverneq pinngitsoortiguk. Eqqissisimagit, naleqarnerillu eqqarsaatigikkit — inuuneq, pigisaanngitsut. Qanigisavit timikkut pisariaqartissinnaasaat isumagikkit. Taava pissutsinik atugarisassinnik sumiiffissinnillu utoqqaanertat nalunaarfigissavatit.

Utoqqaanertat ilagiinnilu kiffartortut ikiuutissanik agguaassinermi pingaaruteqartumik inissisimapput. Ajunaarnersuaqarnissaq ilimasaarutigineqarpat, assersuutigalugu sakkortuumik silarlunnissaa taava qatanngutit taakku tamarmik isumannaatsumiinnissaat isumagissavaat, aammalu, piffissaq apeqqutaalluni, pisariaqartinneqartunik agguaassilluni isumaginnissallutik.

Tamatuma kingorna ilagiit atuakkamik atuaqqissaaqatigiinneranni aqutsisuusup ilaqutariit ataasiakkaat ujartussavai qanorlu innerat apersuutigalugit. Nakkutilliisoq siulittaasoq imaluunniit utoqqaanertaq alla ilaqutariit ataasiakkaat pillugit nalunaarfigineqartariaqarpoq, aamma tamarmik ajunngikkaluarpataluunniit. Ilaannik ajoqusertoqarsimappat utoqqaanertat nakorsamit ikiorneqarnissaanik pissarsiniunniartariaqarpaat. Aammattaaq isumagisariaqarpaat pisagisat tungaasigut pisariaqartinneqartunik, soorlu nerisassanik, atisassanik, illusiffissamik imaluunniit illumi atortussanik. (Juá. 13:35; Gal. 6:10) Utoqqaanertat ilagiit iluanniittunut anersaakkut misigissutitsigullu tapersersuisariaqarput sapinngisamillu pilertortumik ilagiit ataatsimiittarneri aaqqissorlugit. Pissutsit peqqissaartumik nalilerneqareerpata utoqqaanertaqatigiit utoqqaanertaq ilagiinnut nakkutilliisumut attaveqartissavaat oqaluttuullugulu ajoquserneqarsimasunik, naalagaaffilersaartarmimmi ajoqusikkanik, qatanngutit angerlarsimaffiisa ajoquserneqarsimanerinik allanillu immikkut pisariaqartitanik. Taava ilagiinnut nakkutilliisup immikkoortortaqarfik attaveqarfigissavaa nalunaarusiussallunilu. Immikkoortaqarfik ataqatigiissitsilluni ikiuiniarnissamik annertusisitsissaaq.

Allami ajunaarnersuaqarpat: Qinnutissinni qatanngutit angutit arnallu eqqaamasigik. (2 Kor. 1:8-11) Aningaasatigut tapersersuinissat annerusumik kissaatigigukku, tunissutit Peqatigiiffimmut nassiussinnaavat, ajutoorfikkut ikiuinissaq siunertaralugu aningaasaateqarfeqarmat. (ap. sul. 2:44, 45; 1 Kor. 16:1-3; 2 Kor. 9:5-7; Takuuk Vagttårnet 1. decembari 1985-imoortumi, qupperneq 20-22.) Qatanngutit akisussaasut pigisanik nerisassanilluunniit immikkut taallugit qinnutiginngippatigik ajunaarnersuaqarfiusumut nassiusseqinak. Tamatuma qularnaallisissavaa ikiuutissat eqqortumik agguaanneqarnissaat, suliniuteqarnerillu aaqqissuussaasumik ingerlanneqassallutik. (1 Kor. 14:40) Pisariaqanngitsumik Peqatigiiffimmut sianeqinak tamatuma ajunaarnersuaqarfimminngaanniit telefonikkut attaveqarniarneq akornusersinnaammagu.

Nalilersueqqissaareernikkut Peqatigiiffiup aalajangissavaa ajunaartut ikiorniarlugit komitiiliortoqassanersoq aaqqissorneqassanersoq. Qatanngutit akisussaasut nalunaarfigineqassapput. Tamarmik utoqqaanertat suleqatigisariaqarpaat taamaalillutik qatanngutivut annikilliortut inuunerminnut pisariaqartitaat matussuserneqarniassammata. — Takuuk Jehovas Vidner — Forkynder af Guds rige, qupperneq 310-15.