Eqqaaniaalluni nalliuttorsiorneq — Pisimasoq pingaaruteqangaartoq!
1 Sapaat 23. marsi seqernup tarrinnerata kingorna Kristusip toquneranik eqqaaniaalluta nalliuttorsiussaagut. (Lúk. 22:19) Pisimasuuvoq pingaaruteqangaartoq. Jehovamut assuarnaassutsini toqumut allaat attatiinnaramiuk Jesusip takutippaa Guutimut tunniusimanissaq naammalluinnartoq inuup attatiinnarsinnaagaa naak sakkortuumik ilungersunartorsioraluarluni, tassuunakkullu ersersippaa Jehovap kisimi oqartussaaneq pisassarigaa. (Epr. 5:8) Aammattaaq Kristusip toqunermigut pilliutaata naammalluinnartup inuiaat utertinneqaatissaa pilersissimavaa taamaalillunilu taassumunnga uppertut inuunermik naassaanngitsumik periarfissillugit. (Juá. 3:16) Eqqaaniaanermut peqataanitsigut Jehovap asanninneranut Jesusillu pilliutaanut uatsinnut iluaqutaasumut qujamasungaarnerput ersersissavarput.
2 Tamarmik kajumissaarneqarput Biibilimi atuagassanut Jehovap nalunaajaasuisa ullorsiutaanni 1997-imoortumi 18.-23. marsimut allanneqarsimasut malinnaaffigeqqullugit. Atuakkami Inuk inuit inuusimasut pingaarnerpaartaat-mi kapitalit 112-16-imiittunik ilaqutariilluni eqqartuinerup ikiorsinnaavaatigut eqqarsaatiginninnissatsinnut inuiaat oqaluttuarisaaneranni sapaatip-akunneranut pingaaruteqarnerpaamut.
3 Eqqaaniaanissap nalaani oqaluussiartornikkut annerusumik iliuuseqarsinnaavit? Marsimi weekendit tallimaassammata oqaluussisartut amerlasuutikiorti-pioneeriunissamut atorluarniassavaat. Soormi illit aamma ilannguffigigukkit? Eqqaaniaanermut najuunnissap pingaaruteqassusianut erseqqissaalluta tamatta peqataasinnaavugut. Ukioq manna sapaammi pisussaammat amerlasuut najuunnissaminnut periarfissaqassapput. Atuaqqissaaqatigisartakkat soqutiginnittullu tamaasa qaaqqukkit unnuk taanna ilagisinnaaqqulluta. Atuakkami ’Ilisarsineq’-mi qupperneq 127-mi immikkoortoq 18-imiittumik atuffatikkit takusinnaaniassammassuk ulloq taannarpiaq ukiumut ataasiarluni nalliuttorsiutigineqartartussaq pillugu qanoq oqaatigineqartoq.
4 1997-imi pisimasumut pingaaruteqarnerpaamut qilanaaruteqarit Jesusip toqunerata qanoq uatsinnut isumaqarneranik pingaartitsilluinnarlutit. Marsip 23-ani unnukkut peqataagit kristumiut ilumoortut sumiluunniit aalajaallutik eqqaaniaaneq nalliuttorsiorfigisaanni.