Juunimi oqaluussinermut tunngasumik ataatsimiinnerit
Sapaatip-akunnera 2. juunimiit
Erinarsuut nr. 181
8 min: Nalunaarutit, ilaatigut Naalagaaffimmut Kiffartorneq-meersut. Maajimi ikiorti-pioneeriusimasumik apersuigit naatsunnguamillu misigisalikkersaartillugu.
15 min: „’Annerusumik ilungersorniaritsi’.“ Apeqqutit akissutillu. — Aamma takuuk Vagttårnet 15. apriili 1993-imoortumi quppernerit 28-30.
22 min: „Ilisarsinerup Guutimeersup apeqquterpassuit akisarpai.“ Qatanngutip angutip oqaluussisartut marluk pingasullunniit, ilaatigut oqaluussisartoq inuusuttuaraq, ilagalugit allaaserisaq sammissavaa. Immikkoortoq 1 oqaaseqarfigineqassaaq, erseqqissaruttaaq sooq ’Ilisarsineq’ iluaqutigisaripput inuit apeqqutaat akigaangatsigik. Qanoq sungiusartoqarsinnaasoq takutiguk.
Erinarsuut nr. 200 naggataarutaasumillu qinnut.
Sapaatip-akunnera 9. juunimiit
Erinarsuut nr. 189
10 min: Nalunaarutit ilagiillu naatsorsuutaat. Eqqaasikkit unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata.
15 min: Aasamut atatillugu eqqaasitsissut. Oqalugiaatigineqassaaq najuuttunillu sammineqassalluni. Amerlanerusugut aasap ingerlanissaanik immikkut ittumik pilersaarusiortarpugut, assersuutigalugu sulinngiffeqarnissaq, ilaquttanut tikeraarnissaq imaluunniit sammisassat assigiinngitsut eqqarsaatigalugit. Qanoq ililluta qulakkeersinnaavarput teokratiimut tunngasut qasukkarfiginnginnissaat? Makku pingaaruteqartut eqqartorsigik: (1) Ataatsimeersuarnerit ullut pingasut tamaasa najuuffiginissaat. (2) Illoqarfigisami imaluunniit sulinngiffeqarfigisami ataatsimiinnernut aalajangersimasumik aggertarneq. (3) Oqaluussiartornermut peqataagajunnissaq, aallarsimagaannilu ilagiinnut oqaluussinermi nalunaarusiat nassiunnissaat. (4) Angalanermi atuagassianik sukkulluunniit nalunaajaanermi atugassanik nassataqartarnissaq. (5) Qaamanertusinerulermat unnukkut oqaluussiartortarnissamik sulissutiginninnerunissaq. (6) Aasami qaammammi ataatsimi arlalinniluunniit ikiorti-pioneeriunissamik nalunaarneq. (7) Utoqqaanertat ilagiinni suliassat pillugit pilersaarusiorluassapput qulakkeerniassallugulu suliassiissutit tamarmik tiguneqartarnissaat naak ilaat aallarsimagaluartut.
20 min: Allanik ajoqersuinissaq pisariaqartinneqaqaaq. Utoqqaanertap oqalugiaataa. Atuakkami ukiumoortumi 1997-imoortumi qupperneq 33-imi ukiumik 1996-imik oqaluussiffiusumik ataatsimut nalunaarusiaq sammineqassaaq. Inulimmi oqaluussisarnermik immikkut iliuuserisartakkat inerititaqarluarput. Suliamulli tamatumunnga malittarinninnissaq inuillu sallusuissummik ajoqersornissaat aamma pisariaqarput. Inuit sumiluunniit attaveqarfigigaangatsigik periaaserissumik aqqit sumilu najugaqarnerat apeqqutigisinnaavavut pulaaqqiiniassagatta. Naalagaaffiup naatsiiassartaanik siaruarteriinnarata aamma imerterisariaqarpugut. (1 Kor. 3:6-8) Naatsiiassaq issorissumut ikkulluarpat sunniuteqarluartumik ajoqersuisoqarsinnaavoq soqutiginnittoq paasisaqarnissaanut ikioqqullugu. (Mat. 13:23) Ajoqersuinermik suliamut ilungersortariaqarpugut sapinngisarput tamaat annertusaalluta. (Epr. 5:12a) Naalagaaffimmik Kiffartorneq-mi tapiliussaq-mit juuni 1996-imoortumit, immikkoortunit 25-26-init eqqarsaatit ilaannik ilanngussaqarit. Pingaartiguk atuagassiaaraq Guutip ilumut soqutigaatigut? imaluunniit ’Ilisarsineq’ atorlugu atuaqqissaaqateqalerniarnissaq.
Erinarsuut nr. 204 naggataarutaasumillu qinnut.
Sapaatip-akunnera 16. juunimiit
Erinarsuut nr. 192
10 min: Nalunaarutit. Atuagassiat nutaat ilaannit saqqummiussigit. Oqaluussisartoq oqaluussinermi misigisaanik oqaluttuartiguk.
15 min: Tamaani pisariaqartitat.
20 min: Upperisarsiorneq illit ilaaffigisat ilumoorpa imaluunniit eqqortuunngila? Utoqqaanertap oqaluussisartunik marlunnik pingasunilluunniit pikkorissunik oqaloqateqarnera Vågn op! 22. decembari 1989-imoortumi qupperneq 18-imiittoq tunngavigalugu. Inuppassuit peqqusersuippasissut pulaaqqittarpavut. Sulili Biibilimik atuaqqissaaqatigineqarnissartik ilassisimanngilaat. Eqqartorsigik Vågn op!-imi allaaserisami eqqaaneqartut atorlugit qanoq soqutiginnittut eqqortumik ilisarsinertik tunngavigalugu iliuuseqarnissaasa pisariaqassusianik eqqumaffiginnitsinniarneqarsinnaasut. ’Ilisarsinermi’ kapitali 5-imi „Pallorfiginninneq suna Guutip akueraa?“-mi immikkoortut pingaarutillit innersuussutigikkit. Immikkoortoq 20 atuaruk. Inunnut taama ittunut pulaaqqiisoqarsinnaavoq, inussiarnersumillu periaaserissumillu kajumissaarneqarsinnaapput atuaqqissaaqatigineqarnissartik ilasseqqullugu ataatsimiinnerillu peqataaffigisaleqqullugit.
Erinarsuut nr. 201 naggataarutaasumillu qinnut.
Sapaatip-akunnera 23. juunimiit
Erinarsuut nr. 193
10 min: Nalunaarutit.
15 min: Allanit qanoq oqaatigineqartarpugut? Oqalugiaat Register til Vagttårnets publikationer 1986-1990-imoortumi quppernerni 186-187-ni, taavalu Register til Vagttårnets publikationer 1991-1994-imoortumi quppernerni 83-84-ni paasissutissat tunngavigalugit. Jehovap Nalunaajaasui — ileqquvut sulinerpullu pillugit „nalunaajaasuunngitsunit oqaaserisimasat“ ilaannik toqqaagit. Erseqqissaruk uagut pilluta allat ajunngitsumik qisuariarsimanerannik. Erseqqissaruk tamatuma uagut killittariaqaraatigut tamatigut ajunngitsumik pissuseqarnissatsinnut oqaluussisarnitsinnillu aalajaattuaannarnissatsinnut. Ilisarisimasanuttaaq soqutiginnittunullu uagut pilluta ilisimasaqalerusuttunut oqaatigineqarnerit ajunngitsut taamaattut qanoq atorneqarsinnaanersut takutiguk.
20 min: „Angajoqqaat — qitornasi oqaluussisartunngornissaannik ajoqersorsigik.“ Apeqqutit akissutillu. Atuakkami Organiseret til at fuldføre vor tjeneste, quppernerit 96-97-ilu, qulequtaq „Hjælp til unge“ (Inuusuttunut ikiuineq) siunnersuutigineqartut eqqaakkittaaq.
Erinarsuut nr. 211 naggataarutaasumillu qinnut.
Sapaatip-akunnera 30. juunimiit
Erinarsuut nr. 197
10 min: Nalunaarutit. Tamaasa eqqaasikkit juunimi oqaluussiartorsimanermi nalunaarusiaminnik tunniussinissaannik.
20 min: „Ilissi inuusuttut — anersaakkut ittunik sunik anguniagaqarpisi? Ataataasut marluk allaaserisaq oqaloqatigiissutigissavaat. Eqqartussavaat meeqqatik qanoq ikiorsinnaallugit paasitinniarlugit teokratiimut tunngasunik anguniagaqartarnissaq anersaakkut pilluaqqussutissanik nassataqartartoq, nunap piisigut noqqaassuteqarniarnerminngaanniit qanoq pingaarnerutigisoq. — Aamma takuuk Organiseret til at fuldføre vor tjeneste, quppernerit 113-115. Oqaluussisartoq inuusuttoq maligassaalluartoq sunik anguniagaqarneranik qanorlu anguniakkaminik naammassinninniarluni iliortarsimaneranik apersorneqassaaq.
15 min: Juulimi neqeroorutit. Atuakkani neqeroorutissani immikkoortut ilaannik pitsaasunik toqqaagit. Paasissutissat tamakkua qanoq saqqummiussinermi atorneqarsinnaanerannik siunnersuuteqarit. Tamaasa eqqaasikkit eqqumaffiginninniaqqullugit sunik tunniussisimanerminnik soqutiginninnerlu ineriartortinniarlugu pulaaqqiisarnissaannik
Erinarsuut nr. 109 naggataarutaasumillu qinnut.