Aalajaatsoq akissarsisarpoq
1 Eprîarit 11:6-imi atuarpugut Guutip ’ujarlersini akilerumaarai’. ’Qassinnguanut ilumoortut’ ilaatigut akilertarpai ’amerlasuunut paarsisunngortillugit’. (Mat. 25:23) Allatut oqaatigalugu Jehovap kiffani aalajaatsut suliarilluarsimasaat pillugit akilerajuppai kiffartuussinermi annertunerusunik pisinnaatitaaffeqartilerlugit.
2 Assersuutigalugu apustili Paulus aalajaatsuunini pillugu akilerneqarpoq illoqarfinni nunaqarfinnilu Europamiittuni Asiaaqqamiittunilu kiffartuussinermik tunineqarami. (1 Tim. 1:12) Kiffartuussinini naammassiumallugu ilungersortariaqarpoq, imminulli suliassiissutaasoq immikkut pisinnaatitaaffittut isigaa pingaartingaarlugulu. (Rûm. 11:13; Kul. 1:25) Qujamasunnini takutippaa oqaluussisinnaanissamut periarfissat eqqumaffigiuartarlugit. Ilungersornera upperneranut ersiutaavoq, maligassiaatalu kajumissaarpaatigut nammineq kiffartuussinermi pisinnaatitaaffivut pingaarteqqullugit.
3 Jehovap kiffartornermik tunisimavaatigut: Qanoq ililluta takutissinnaavarput kiffartornermi pisinnaatitaaffiit Paulusitut isigigivut? Taamaaliorsinnaavugut qanoq annertunerusumik oqaluusseqataasinnaanissatsinnut eqqumaffiginnikkutta, illumiillu illumut torrutiinnarlugulu oqaluussinissamut periarfissat tamaasa atorluarlugit. Aamma angerlarsimanngitsut tamaasa naapikkumallugit soqutiginnittullu tamaasa pulaaqqillugit taamaaliorsinnaavugut. Saniatigut Biibilimik atuaqqissaaqatigiinnissamik isumaqatigiissutivut eqqortittariaqarpavut.
4 Kiffartornerput eqqarsaatigalugu Paulusip kajumissaarsimavaatigut ’suliuaqqulluta’. (2 Tim. 4:2) Suliuarumasoq eqqumaffiginnittarpoq qanorlu iliornissaminut piareersimasarluni. Taama isumaqarfiginnilluta kiffartortarpugut? Kiffartorneq pingaartipparput? Taamaaliorsinnaavugut ilaatigut sapaatit akunnerisa naanerini aliikkusersuutit namminerlu suliarisavut piffissamut kiffartorfigisariaqakkatsinnut akornutaatinngitsoorlugit. Qularinnginnatsigu aaqqissuussaanerup matuma naggatissaa qanilliartorasuartoq qularisariaqanngilarputtaaq Naalagaaffik pillugu nutaarsiassamik nuannersumik oqaluussineq suliarisinnaasatta pingaarnerpaartarigaat.
5 Guutimut aalajaannerput takutittarparput ilumoorluta uatsinnut suliarititaanik suliuarnitsigut. Kiffartornerput naammassiniartigu Jehovap aalajaatsuunerput akilingaarsinnaaniassavaa.