Inoqarfinni tamani nalunaajaagit
1 Guutip anersaavata oqaluussisarnerminut pingaaruteqassusia akueralugu apustili Paulus allassimavoq: ’Guuti naajartortitsivoq’. Aamma allassimavoq: ’Uagummi Guutip suleqatigaatigut.’ (1 Kor. 3:5-9) Tamanna tassaavoq immikkut pisinnaatitaaffik asseqanngitsoq. Qanoq ililluta tamanut takutissinnaavarput Guutimut suleqataasinnaaneq pingaartikkipput? Nutaarsiassap nuannersup inunnut naammattuukkatsinnut tamanut nalunaarutigisarneratigut, illumiit illumut allanilu.
2 Peqquneqarpugut inunnik ’ajoqersuganngortitseqqulluta’. (Mat. 28:19) Oqaluussiartoraangatta ikittuinnaat naammattoortarutsigik immaqa qasulissaagut naammassisaqarsimanngitsutullu misigissalluta. Kiffartuussineq nuannernerusarpoq amerlasuunik oqaloqateqaraangatta. Tamannali unamminiarnartuusinnaavoq, namminerlu iliuuseqarniarneq inuillu sumiiffiini naapinniartarnissaat pisariaqarput.
3 Assersuutit maleriaannaat: Niueriartortarfinni, biilillu bussilluunniit unittarfianni inuit oqaluussiffigisinnaavavut. Angalagaangavit nalunaajaanissannut piareersimasarpit? Oqaluussisartut marluk katersuunnissamukarlutik bussimut inunnik ulikkaartumut ilaatillutik atuakkami ’Ilisarsineq’-mi paratiisimik assiliaq Guutillu siunissamut neriorsuutai oqaloqatigiissutigaat. Neriuutigisaattut angutip inuusuttup tusarnaarpai tusakkaminillu killinneqarluni. Bussimit anitinnani atuakkamik tunineqarpoq, najugaqarfimminilu pulaarneqarnissani qinnutigalugu.
4 Oqaluussisartut amerlasuut torrutiinnarlugu oqaluussineq nuannarilersimavaat. Qatanngut arnaq ualikkut pisiniarfeqarfimmukarpoq pisiniat ulapippallaarpasinngitsut saaffiginiarlugit. Atuagassiat nassatani tamaasa agguaappai. Angutip biilimini utaqqisup atuagassianik tunineqarnini nuannaarutigaa. Siornatigut ataatsimiinnerit ilaannut najuussimavoq, oqaloqatigiinnerullu soqutiginnileqqitsippaa.
5 Jehovap aqqanik unnersiutiginnissinnaaneq immikkut pisinnaatitaaffiuvoq. Eqiasuilluta oqaluussisarutta takutissavarput Jehovap uatsinnut ajunngissusia pisassarinngisaraluarput asuliinnaq pisimanngikkipput. Maannakkut ’nalliuttoq nuannersoq’ allat ikiornissaannut periarfissaavoq, taamaattumik inuit sumiiffiini naapinniartigik ’ullorlu annaassivik’ pillugu oqaluttuullugit. — 2 Kor. 6:1, 2.