Juulimi oqlauussinermut tunngasumik ataatsimiinnerit
Sapaatip-akunnera 7. juulimiit
Erinarsuut nr. 6
10 min: Nalunaarutit, ilaatigut Naalagaaffimmut Kiffartorneq-meersut.
15 min: „Aalajaatsoq akissarsisarpoq.“ Apeqqutit akissutillu. Iteritsi!-imi oktobari-decembari 1993-imoortumi qupperneq 19-22-ni oqaluttuarineqartumit eqqarsaatit ilaat eqqartukkit.
20 min: „Allat tuppallersaatissamik nassaarniarneranni ikiukkit.“ Najuuttut peqatigalugit sammineqassaaq. Allaaserisami saqqummiusseriaaseq ataaseq marlulluunniit takutikkit. Angalaarfissinnut naleqqunnerusut ilaat qinikkit oqaasiilu oqaluussisartunut takutitsisussanut naleqquttunngortillugit. Erseqqissaruk siunnersuutaannaasut alanngaarneqartariaqanngitsullu. Oqaluussisartut tamatigut namminneq saqqummiusseriaatsiminnut naleqquttunngorsartariaqarpaat.
Erinarsuut nr. 70 naggataarutaasumillu qinnut.
Sapaatip-akunnera 14. juulimiit
Erinarsuut nr. 5
12 min: Nalunaarutit ilagiillu naatsorsuutaat. „Maanna atuagaq Ilaqutariittut pilluarneq isertugaateqarpoq atuaqqissaassavarput“ sammiuk.
18 min: „Inoqarfinni tamani nalunaajaagit.“ Oqalugiaat. Piffissaqarpat misigisat ’Årbog’-imit 1997-imoortumit, quppernerit 43-46-mit oqaluttuarineqarsinnaapput.
15 min: Angajoqqaat, meeqqasi naalungiarsuuneranniilli ajoqersorsigik. Utoqqaanertap najoqqutassiat Biibilimeersut angajoqqaat meeqqaminnik naalungiarsuuneranniilli ajoqersuinerminni atortariaqagaat nassuiassavai. (Uss. 22:6; 2 Tim. 3:14, 15) Angajoqqaat ilaat isumaqarput meeqqatik Biibili tunngavigalugu ajoqersorneqarluartariaqartut aatsaat namminneq aalajangersinnaanerminnut naammattumik ukioqaassuseqalerpata. Perorsaaneq taama ittoq meeqqat sallusuissummit qimatsinissaannik kinguneqarajuttarpoq. Anersaakkut ittunik ajoqersuineq naalungiarsuuneranniilli aallartittariaqarpoq. (gGL apriili-juuni 97, qup. 28, 29; wD 1/8 88, qup. 12-13) Aappariit meeqqaminnik anersaakkut ittunik ajoqersuilluartartut apersukkit. Erseqqissaruk ataataasoq tamatumani siuttuusussaasoq, angajoqqaalli tamarmik meeqqaminnut aalajaatsumik sukumiisumillu ajoqersuinissamik isumaginnittussaasut. Aappariit oqaluttuarissavaat meeqqatik sallusuissummik ajoqersorniarlugit aamma angerlarsimaffimmi ajunngitsumik atoriaannaasumillu ilinniartitsineq eqqarsaatigalugu peqatigiiffiup siunnersuutai maleruarniarlugit qanoq iliorsimasut. Utoqqaanertap erseqqissassavaa angajoqqaat iliuuserisariaqagaannik kajumissaarutit Guutip oqaasianiittut maleruarnissaat qanoq pingaartigisoq. — wD 15/8 86, qup. 27; Evf. 6:1-4.
Erinarsuut nr. 71 naggataarutaasumillu qinnut.
Sapaatip-akunnera 21. juulimiit
Erinarsuut nr. 14
12 min: Nalunaarutit. Allaaserisaq „Ataatsimeersuaararnissamut saqqummiussassat nutaat“ sammiuk.
13 min: „Kina oqariartortissavarput?“ Oqalugiaat kajumissinartoq. Pioneerinngornissamut kajumissaarigit misigisarlu Naalagaaffimmut Kiffartorneq-mi februaari 1997-imoortumi tapiliussami immikkoortoq 16-17-imi oqaluttuariuk. Pioneerinngorsinnaanngitsut immaqa pilersaarusiorsinnaavaat ukiumi oqaluussiffissami tulliuttumi qaammatini sorlerni ikiorti-pioneerisut kiffartorsinnaanerlutik.
20 min: Sukkulluunniit nalunaajaanissannut piareersimaniarit. Ullut tamaasa naammattuugaqartarpugut oqaluussiffigisinnaasatsinnik. Taamaakkaangalli immaqa paasilersarparput Biibilimik atuagassianillu nassarnata. Siumut pilersaarusiortariaqarpugut. Angerlarsimaffitsinnut isertunut atuagassianik tunniussinnaasatsinnik peqarsinnaavugut. Aamma atuagassianik imalimmik pooqattannguaqarsinnaavugut biilimut, suliffitsinnut atuarfimmulluunniit nassarsinnaasatsinnik. Angallatinut ilaagaangavit nassartarsinnaavutit. Angalagaangavit, sulillutit ataatsimeersuariarlutit feriarlutilluunniit, atuagassianik nassartaruit iluaqutaassaqaaq. Teokratiimik Atuarfimmut atuagannguami quppernerit 80-82-ini immikkoortut 11-16-ini siunnersuutit eqqartukkit. Qanoq ililluni tuniniaasumut, atuaqataasumut, angalaqataasumut takornariamulluunniit nalunaajaasoqarsinnaasoq takutitsiguk.
Erinarsuut nr. 72 naggataarutaasumillu qinnut.
Sapaatip-akunnera 28. juulimiit
Erinarsuut nr. 15
12 min: Nalunaarutit. Tamaasa eqqaasikkit nalunaarusiaminnik tunniussinissaannik. Aggustimi neqeroorutissat eqqaakkit. Erseqqissaruk atuakkanik tunineqarsimasut pulaaqqinneqartariaqartut Biibilimik atuaqqissaaqatigiinnissamik neqeroorfigineqaqqullugit. Naalagaaffimmut Kiffartorneq-mi marsimi 1997-imoortumi tapiliussami pitsaasumik pulaaqqiinissaq eqqarsaatigalugu siunnersuutigineqartut atornissaannut kajumissaarigit. Atuagassiaaraq Guutip sumik piumaffigaatigut? imaluunniit atuagaq ’Ilisarsineq’ atuaqqissaaqatigiinnermut atorneqartariaqarput.
15 min: Tamaani pisariaqartitat.
18 min: Kiffartornerit naammassiuk. Oqaluussinermut tunngasumik nakkutilliisoq ’Organisationsbogen’-imi quppernerit 5-8 tunngavigalugit oqalugiassaaq. Erseqqissaruk oqaluussineq nukinginnartoq pingaaruteqarluinnartorlu. Tamaasa kajumissaakkit oqaluussisartutut akisussaaffimminnik ilumoorusseqqullugit.
Erinarsuut nr. 75 naggataarutaasumillu qinnut.