Aggustimi kiffartornermut tunngasumik ataatsimiinnerit

Sapaatip-akunnera 3. aggustimit

Erinarsuut nr. 216

10 min. Nalunaarutit, ilaatigut Guutip Naalagaaffianut Kiffarttorneq-meersut.

15 min. „Ajoqersuganngortitsiniarluni suliaq nukinginnarpoq.“ Ilinniartitsillaqqissumit oqalugiaatigineqassaaq. Tamaani Biibilimik atuaqqissaaqateqartarneq qanoq ingerlanersoq eqqaajuk. Biibilimik atuaqqissaaqatiginnittartut tamaasa kajumissaakkit Naalagaaffimmut Kiffartorneq-mi juuni 1996-imoortumi allaaserisaq „Atuagaq ’Ilisarsineq’ ikiortigalugu qanoq ajoqersuganngortitsisoqarsinnaasoq“ atuaqqeqqullugu; tamanna ilinniartitsillaqqinnerulernermik kinguneqarsinnaavoq.

20 min. „Brochurit ikiortigalugit isumakkut uummatikkullu kajumissaarisa.“ Najuuttut peqatigalugit sammineqassaaq. Brochurit, apeqqutit pingaartut Biibilimut tunngasut pillugit inuit paasissutissinniarlugit ukiuni kingullerni saqqummersinneqartarsimasut, sammilaarlugit. (Takuuk Register til Vagttårnets publikationer 1986-1995, qupperneq 571-574.) Brochurit sorliit ulluni makkunani atornerivut eqqaajuk, kikkullu tamakkuninnga soqutiginnissinnaanersut assersuusiorlutit. Siullermik inummut upperisarsiortumut saqqummiussisuusaarneqassaaq taavalu inummut soqutiginninnginnerartumut. Saqqummiussinerit tamaani pissutsinut naleqqussarneqassapput, piareersarluagaallutik ilikkagaqarnartuullutillu.

Erinarsuut nr. 191 naggataarutaasumillu qinnut.

Sapaatip-akunnera 10. aggustimit

Erinarsuut nr. 127

10 min. Nalunaarutit. Ilagiit naatsorsuutaannik nalunaarut saqqummiunneqassaaq. Qatanngutit tukkornerat pillugu nersualaakkit, eqqaasillugillu unnummut ilagiit tunissutinut nakkaatitsiviannut nakkartinneqartut Europap kangiani Guutip naalagaaffiata sulineranut tapiissutitut tunniunneqassasut.

15 min. „Biibilimik atuaqqissaaqateqarnermut oqimaaqatigiissumik isiginninneq.“ Apeqqutit akissutillu ikiortigalugit sammineqassaaq.

20 min. Qanoq ililluni nikallujuilluni pioneeritut ingerlaannartoqarsinnaasoq. Vagttårnet-imi 15. septembari 1993-imoortumi quppernerit 28-31 tunngavigalugit oqalugiaat. Pioneeri annertuumik ajornartorsioraluarluni pioneeriujuaannartoq apersoruk.

Erinarsuut nr. 37 naggataarutaasumillu qinnut.

Sapaatip-akunnera 17. aggustimit

Erinarsuut nr. 163

10 min. Nalunaarutit. Aqqusinermi allamiluunniit attaveqarfigineqartut soqutiginninnerat annertusarsinnaajumallugu qanoq ililluni aqqisa najugaasalu pissarsiariniarneqarsinnaanerannik oqaluussisartut siunnersuuteqartikkit.

35 min. „’Nakorsarneqarnissaq pillugu siumoortumik peqqussut annertusisaq tamakkiisumillu piginnaatitsissut’ pillugu paasissutissat.“ Immaqa najuuttut ilaannut apeqqutit atuartinneqarsinnaapput, taavalu akissutaat sammineqarlutik. Utoqqaanertamit saqqummiunneqassaaq. Qatanngutit siumoortumik peqqussummi apeqqutinik assigiinngitsunik eqqarsaatiginneqqissaaqqullugit kajumissaakkit, eqqaasillugillu tamakkiisumik piginnaassusilikkaminik isumartik pillugu oqaloqatiginneqqissaarnissaannik.

Erinarsuut nr. 108 naggataarutaasumillu qinnut.

Sapaatip-akunnera 24. aggustimit

Erinarsuut nr. 213

12 min. Nalunaarutit. „Immikkut ataatsimeersuarnissami saqqummiussassat nutaat“ sammineqassaaq.

18 min. Napasuliaq Alapernaarsuiffik-mi 1. juuni 1997-imoortumi quppernermi 21-mi allaaserisaq, „Mianersorit allat ajortumik isummersussannginnakkit“, tunngavigalugu oqalugiaat. Eqqarsaatit isumalluartumik ineriartornartumillu saqqummiunneqassapput.

15 min. Guutip Naalagaaffianut Kiffartorneq atorluartaruk. Najuuttut peqatigalugit sammineqassaaq. Guutip Naalagaaffianut Kiffartorneq-up normui nutaanerusut ikiortigalugit takutinneqassaaq paasissutissat tamakkunaniittut qanoq iluaqutigisarivut: (1) allaaserisat aalajangersimasumik oqaluussiuaannarnissatsinnik kajumissisitsisut; (2) misigisimasat kiffartornitsinni illernartumi qiimmaallaataasut; (3) siunnersuutit nutaarsiassamik nuannersumik pitsaasumik saqqummiussinissatsinnut iluaqutaasut; (4) naqitat nutaat oqaluussisarfitsinni atorsinnaasavut pillugit nalunaarutit; (5) kiffartornermik nalunaarutit kiffartornermi sunik naammassisaqartoqarsimaneranik takutitsisut; (6) Teokratiimit Nutaarsiassat nunarsuaq tamakkerlugu suliap siumukarneranik oqaluttuartut; (7) nalunaarutit piffissami aggersumi suliniutigineqartussat pillugit paasissutissiisut; (8) Apeqquteqartarfik apeqqutinut pingaartunut akissutilik; aamma (9) ilanngussat ataatsimeersuarnernut, immikkut suliniuteqarnernut allanullu anersaakkut pisariaqartitatsinnik eqqumaffiginninnissatsinnut iluaqutigisatsinnut tunngasut. Tamaasa kajumissaakkit normut tamaasa atuartassagaat, siunnersuutit maleruartassagaat, kiffartornermut tunngasumik ataatsimmiinnernut katersuunnernullu nassartassagaat kiisalu namminneq atuagaasivimminni ataatsimik peqassasut.

Erinarsuut nr. 210 naggataarutaasumillu qinnut.

Sapaatip-akunnera 31. aggustimit

Erinarsuut nr. 65

12 min. Nalunaarutit. Aggustimi oqaluussisimanerminnik nalunaaruteqarnissaannik tamaasa eqqaasikkit. Septembarimi neqeroorut sammineqassaaq. Naatsumik saqqummiussisoqassaaq ima aperaluni: „Sooq Guutip aqqa atortariaqarparput?“ Apeqqut akineqassaaq ’Ilisarsineq’-mi kapitali 3-mi immikkoortoq 6 aallaavigalugu.

15 min. „Nakkutilliisut siuttuusut — Nakkutilliisoq siulittaasoq“ nakkutilliisumit siulittaasumit oqalugiaatigineqassaaq. Pisussaaffini assigiinngitsut eqqartoreerunigit ilagiit utoqqaanertanik, savaatinik paarsisussatut suliassinneqarsimasunik, suleqatiginninnerannik pingaartitsinini oqaatigissavaa.

18 min. Meeqqatit atuarfimmi ajornartorsiutinik qaangiinissaannik ikiukkit. Utoqqaanertaq angajoqqaanik atuartunik meeralinnik marlunnik pingasunilluunniit oqaloqateqassaaq. Ajornartorsiutit meeqqat nalaattagaat nalinginnaanerusut, Vågn op!-imi 8. aggusti 1994-imoortumi quppernerni 5-7-imi eqqartorneqartut, oqaaseqarfigissavatit. Taava quppernerit 8-10 aallaavigalugit oqaloqatigiissutigineqassaaq angajoqqaat qanoq iliorlutik meeqqaminnik sernissuisinnaanersut ilinniartitsisuinullu ajunngitsumik attaveqarsinnaanersut.

Erinarsuut nr. 24 naggataarutaasumillu qinnut.