Septembarimi oqaluussinermut tunngasumik ataatsimiinnerit
Sapaatip-akunnera 7. septembarimiit
Erinarsuut nr. 28
10 min. Nalunaarutit, ilaatigut Guutip Naalagaaffianut Kiffartorneq-meersut. Ungaluusaq „Siunnersuut“ sammineqassaaq.
15 min. „Annerusumik suliaqarsinnaavugut.“ Oqalugiaat tusarnaartunit peqataaffigineqartoq. Tamaasa ukiumi kiffartorfiusumi nutaami pitsaasunik anguniagaqarnissaannik anguniakkallu tamakkua anguniarlugit iliuuseqarnissaannik kajumissaakkit. — Takuuk Organiseret til at fuldføre vor tjeneste, quppernerit 113-15.
20 min. „Pioneerit allanik ikiuipput.“ Utoqqaanertap nassuiassavaa Teokratiimik Atuarfimmi ilinniartitaanerup saniatigut, pioneerit allanik oqaluussinermi ikiuinissaannik aaqqissuussisoqarsimasoq. Allaaserisaq naapertorlugu tusarnaartunut apeqquteqassaaq, tusarnaartullu, ingammik pioneerit oqaluussisartullu aaqqissuussinermut peqataasut peqataasimasulluunniit, oqaaseqarnissaannut kajumissaassavai. Aaqqissuussineq qanoq pissarsiffigilluarneqarsinnaanersoq oqaloqatigiissutigineqassaaq. Pioneerit allanik ikiuisimanertik qanoq iluaqutigisimallugu nuannaarutigisimallugulu oqaluttuarsinnaapput. Oqaluussisartut ikiorneqarsimasut aaqqissuussinermik asannittumik tamatuminnga pingaartitsinerminnik ersersitsisinnaapput oqaluussinermillu nuannarinninnerulernerminnut angusaqarnerulernerminnullu iluaqutigisimasaminnik immikkut taasaqarsinnaapput.
Erinarsuut nr. 172 naggataarutaasumillu qinnut.
Sapaatip-akunnera 14. septembarimiit
Erinarsuut nr. 160
10 min. Nalunaarutit. Ilagiit naatsorsuutaat sammineqassaaq. Qatanngutit tukkortuunerannik nersualaakkit, eqqaasitsigillu unnummut Ilagiinnut tunissutit-nut nakkartut Europap kangiani Guutip naalagaaffiata sulineranut nassiunneqassasut.
15 min. Guutip sumik piumaffigaatigut? Oqalugiaat. Sapaatip-akunnerani tulliuttumi atuagassiaaraq tamanna gruppeni atuaqqissaaqatigiissutigilissavarput. Tamaasa tamatigut najuuttarnissaannik piareersarsimasarnissaannullu kajumissaakkit. Atuagassiaaraq nalunnginnerulissavarput tamannalu atorlugu allanik qanoq atuaqqissaaqateqarsinnaanersugut ilikkarlugu. Immikkoortoq „Atugassiaaraq qanoq atorneqarsinnaasoq“-mik qulequtalik atuaruk. Napasuliaq Alapernaarsuiffik 1. februaari 1997-imoortumi quppernerni 8-9-mi allaaserisaq atorlugu erseqqissaruk apeqqutit, allassimaffiit assilissallu atorlugit ilinniartitsinerup pingaaruteqarnera. Ilagiit atuakkamik atuaqqissaarneranni aqutsisut angerlarsimaffinni Biibilimik atuaqqissaarnermi aqutsisuusunut maligassaalluartariaqarput, nammineerlutik oqaluppallaannginnermikkut allanillu eqqartuivallaannginnermikkut. — Takuuk Naalagaaffimmut Kiffartorneq juuni 1996-imoortoq, qupperneq 3, immikkoortoq 5.
20 min. Ukioq qaangiuttoq qanoq ingerlasimava? Allatsip kiffartornermillu nakkutilliisup ukiup ingerlanerani ilagiit kiffartornermik nalunaarusiaat ataatsimiinnernullu najuuttarsimanerit sammissavaat. Nalunaarusiap ajunngitsortaanik erseqqissaassapput sutigullu siumukartoqarsinnaanersoq tikkuarlugu. Qaammatini tulliuttuni anguniakkat sorliit utoqqaanertanit eqqarsaatigineqassanersut, ilaatigut oqaluussisartut tamarmik aalajangersimasumik oqaluussisarnissaannik ikiuinissat, erseqqissakkit. Nakkutilliisup angalasartup nalunaarusiaaneertunit naleqquttunik taasaqarit.
Erinarsuut nr. 144 naggataarutaasumllu qinnut.
Sapaatip-akunnera 21. septembarimiit
Erinarsuut nr. 122
10 min. Nalunaarutit. Teokratiimit nutaarsiassat.
15 min. Tamaani pisariaqartitat.
20 min: „Qatanngutit ilisarilersimakkit.“ Apeqqutit akisssutillu. Vagttårnet 1. oktobari 1988-imoortumi quppernerni 10-11-miittunik eqqarsaatinik ilanngussigit. Tamaasa qatanngutit ilisarinerulerniarlugit nammineerlutik iliuuseqaqqullugit kajumissaakkit.
Erinarsuut nr. 34 naggataarutaasumillu qinnut.
Sapaatip-akunnera 28. septembarimiit
Erinarsuut nr. 17
17 min. Nalunaarutit. Oqaluussisartut septembarimi oqaluussinerminnut nalunaarusiaminnik tunniussinissaannik eqqasikkit. Tamaasa kajumissaakkit atuagassianik amerlanerusunik agguaanissaq siunertaralugu illumiit-illumut oqaluussinermi peqataanertik oktobarimi annertusisinnaanerlugu eqqarsaatigeqqullugu. Naalagaaffimmut Kiffartorneq oktobari 1996-imoortumi qupperneq 8-mi, qanoq ililluni saqqummiusseriaatsit pitsannguallatsinneqarsinnaanersut innersuussutigiuk. Atuagassiat nutaat qanoq saqqummiunneqarsinnaanersut takutiguk, qatanngutillu atuagassianik naammattunik piniarnissaannik kajumissaakkit. Ullormi immikkut kiffartuussiffiusumi ilagiit pilersaarutaat qiimasumik oqaluttuarikkit, tamaasa kajumissakkit arlaatigut peqataanissaannut. Aqqusinermi oqaluussineq pingaartinneqassaaq. Ilagiinni kiffartortut oqaluusseriaatsimi tamatumani siuttuuniarlutik aalajangersimanerat aamma eqqaajuk.
15 min. „Nakkutilliisut siuttuusuut — Kiffartornermik nakkutilliisut.“ Kiffartornermik nakkutilliisup oqalugiaatigissavaa. Akisussaaffigisani sammeriarlugit nassuiassavaa immikkut taasamini ilagiit qanoq ilillutik oqaluussinermi siuarsarsinnaaneraat, pitsaassutsikkut annertussutsikkullu.
13 min. Oqaluussisartuulluassagaanni suna pisariaqarpa? Oqalugiaat tusarnaartunik peqataaffigineqartoq. Immikkut piginnaaffeqartariaqanngilaq pikkoriffeqartariaqarnaniluunniit; pingaaruteqarporli kajumittuunissaq asanninnermik, maniguuttuunermik, aallussilluartuunermik pingaartitsinermillu ersersitsisoq. Sooq makkua pingaartuunersut tusarnaartunit tunngavilersortikkit: (1) nuannaartuuneq, (2) aalajangersimasumik ataatsimiigiartarneq ataatsimiinnernullu peqataasarneq, (3) suliassanik tiguserusunneq suliarisarnerilu, (4) utoqqaanertat suleqatigisarnerat ilagiillu pilersaarutaannut peqataasarneq, (5) ilumoorluni allanik ikiuerusunneq, (6) aalajangersimasumik oqaluusseqataasarnissaq qaammatillu tamaasa piffissaq eqqorlugu nalunaarsuutinik tunniussisarneq.
Erinarsuut nr. 25 naggataarutaasumillu qinnut.