Novembarimi oqaluussinermut tunngasumik ataatsimiinerit
Sapaatip-akunnera 1. novembarimiit
Erinarsuut nr. 156
10 min. Ilagiinnit nalunaarutit. Guutip Naalagaaffianut Kiffartorneq-mit nalunaarutit toqqakkat. Sapaatip-akunnerani kiffartornermit misigisalikkersaarit.
15 min. „Oqaluussinitsigut allanit immikoorpugut.“ Aallarniummut annerpaamik minutsi ataaseq atoruk, taavalu allaaserisaq apeqqutit akissutillu atorlugit sammineqassaaq. Atuagaq ’Ilisarsineq’ qup. 173, immikkoortoq 8 ikiortigalugu Biibilimik atuaqqissaaqatigineqartup oqaluusseqataanissaanut kajumissaarniarlugu qanoq oqarsinnaasugut naatsumik saqqummiunneqassaaq.
20 min. „Kia Biibilimik atuaqqissaaqatigineqarnissamik neqeroorut ilassiumavaa?“ Oqalugiaat takutitsinerillu. Immikkoortoq 4-mi allaaserineqartumut atatillugu atuagassiaatitsinnik soqutiginnileritsisinnaasumik arlaannik siunnersuuteqarit. Siunnersuutit ilaannik marlunnik naatsunik takutitsigit. Najuuttunik oqaluttuartitsigit qanoq ilillutik atuaqqissaaqatitaarsimanersut.
Erinarsuut nr. 198 naggasiillunilu qinuneq.
Sapaatip-akunnera 8. novembarimiit
Erinarsuut nr. 204
10 min. Ilagiinnit nalunaarutit ilagiillu naatsorsuutaat. Sapaatip-akunnerata tullianut allaaserisap ’Internet — ulorianaataanut mianersorit!’-ip immikkoortuinut 1-18-mut piareersarnissaannut qatanngutit eqqaasikkit.
15 min. Apeqquteqartarfik. Oqalugiaat. Naalagaaffilersaarfitta eqqiluitsuunissaanut aserfallatsaalinissaanullu ilagiinnit qanoq aaqqissuussisoqartoq eqqaajuk.
20 min. „Napparsimasutut piuminartuugit.“ Takutitsineq najuuttunit oqaaseqarfigineqartoq. Allaaserisaq oqaluussisartumik napparsimmavimmut unittussamik oqaloqatigiinnittalimmik ingerlanneqassaaq. Allaaserisap imaanik eqqartuinerup saniatigut nakorsap apeqqutigisinnaasaanik akissutissanik utoqqaanertap oqaluussisartoq sungiusartissavaa. Najuuttut peqataatinneqassapput aperalugit imatut: Akissutaa qanoq ippa? Najoqqutassaq nassiunneqassaaq.
Erinarsuut nr. 208 Naggasiillunilu qinuneq.
Sapaatip-akunnera 15. novembarimiit
Erinarsuut nr. 211
10 min. Ilagiinnit nalunaarutit. Sapaatip-akunnerani kiffartornissamut pilersaarutit eqqaakkit. Piffissap sinnera atorlugu kiffartornermit misigisalikkersaartitsigit.
15 min. „Pioneeritut kiffartorneq — anaanatut.“ Immikkoortoq siulleq tunngavigalugu minutsi ataaseq atorlugu naatsunnguamik aallarniuteqarit. Taavalu qatanngutip arnap allakkat atuarligit. Atuareerpagit apeqqutit imaattut atorneqarsinnaapput: Pissutsit suut qatanngutip arnap atorpai? Pilersaarut qanoq ittoq malippaa nalunaaquttap-akunneri piumasarineqartut anguniarlugit? Ilaqutariinnut qanoq iluaqutaava? Nammineq pioneeriunini iluaqutigisimavaa? Sooruna pioneeritut kiffartornini taama nuannaritigigaa? Ilagiinni anaanaasumik pioneereqarpat aperineqarsinnaavoq pioneeritut kiffartornini nammineq ilaquttamilu qanoq ilillutik iluaqutigineraat. Naggataatigut ilaqutariit tamaasa kajumissaakkit ilaqutariinni anaanaasup pioneeriunissaanut periarfissai qanorlu ilaqutaasut namminneq tapersersuillutillu ikiuisinnaanerlutik isumaliuutigeqqullugu.
20 min. ’Internet — Ulorianaataanut mianersorit!’ Immikkoortut 1-mit 18-mut apeqqutit akissutillu atorlugit sammineqarli. Immikkoortut 4-7, 12, 16, 17-nilu atuakkit. Sapaatip-akunnerata tullianut immikkoortunut 19-mit 36-mut najuuttut tamaasa piareersaqqullugit kajumissaakkit.
Erinarsuut nr. 217 naggasiillunilu qinuneq.
Sapaatip-akunnera 22. novembarimiit
Erinarsuut nr. 158
10 min. Ilagiinnit nalunaarutit. Oqaluussinermit misigisalikkersaartitsigit.
10 min. Suliassinneqartarnitit qanoq isumaqarfigisarpigit? Utoqqaanertamit oqalugiaat. Ilagiit ingerlalluassappata suliassat arlallit naammassineqartariaqarput: Saqqummiutassat piareersarnissaat; allat ataatsimiigiaqatiginiarlugit aanissaat imaluunnit oqaluusseqatiginissaat; utoqqaat ikiornissaat; naalagaaffilersaarfiup aserfallatsaalinissaa eqqiluitsuutinnissaalu, tassunga atatillugu silataata salittarnera nivattarneralu. Ikiortiserineqaraangavit qanoq qisuariartarpit? Ilaat piumaneq ajorput allallu kajuminnatik sulisarput imaluunniit suliassatik naammassinngitsoortarlugit. Eqqartoruk sooq suliassinneqarneq tamatuminngalu naammassinninneq immikkut pisinnaatitaaffiusoq nuannersoq. Ilagiinniittut tamaasa ikiuiumatuunissaannik kajumissaakkit. — Tuss. 110:3; Jes. 6:8.
25 min. ’Internet — Ulorianaataanut mianersorit!’ Immikkoortoq 19-mit 36-mut apeqqutsinik-akissunillu-najuuttut-peqatigalugit sammineqarli. Immikkoortut 23-25 aammalu 34-36 atuakkit.
Erinarsuut nr. 223 naggasiillunilu qinuneq.
Sapaatip-akunnera 29. novembarimiit
Erinarsuut nr. 215
10 min. Ilagiinnit nalunaarutit. Oqaluussisartut eqqaasikkit novembarimi oqaluussisimanermik nalunaaruteqaqqullugit.
15 min. Angajoqqaat — akuttoqatigiimmik ilaqutariittut atuaqqissaaqatigiittarpisi? Najuuttut peqatigalugit sammineqassaaq. Nassuiaruk sooq ilaqutariit atuaqqissaaqatigiittariaqartut. (Takuuk ’Skolehåndbogi’ quppernerit 36-37.) Eqqartoruk ilaqutariittut atuaqqissaaqatigiinnermut akornutaasinnaasut makku qanoq qaangerneqarsinnaasut: (1) meeqqat paasisaqarnissaaminnut mikivallaarunarput, (2) angajoqqaat isumaqarput ilagiit ataatsimiinnerinut najuunneq naammattoq, (3) angajoqqaat ulapputeqarpallaarnertik qasusarput, aamma (4) TV-p isiginnaarnissaa kajuminnarneruvoq. (Takuuk Napasuliaq Alapernaarsuiffik 1. juuni 1994-imoortoq, quppernerit 9-10.) Ilaqutariinni aqutsisut oqaluttuarlik qanoq ilillutik akornutaasinnaassat anigorsimagaat ilaqutariittullu aalajangersimasumik atuaqqissaartarneq ajunngitsumik ileqquliussimagaat. Ilungersortariaqarneq, aalajangersimasariaqarneq suleqatigiittariaqarnerlu pisariaqartut erseqqissaruk.
20 min. Toqqagarput: Ny Verden-Oversættelsen. Oqalugiaat takutitsinerlu. Peqatigiiffipput upperisassioqatigiinnut allanut sanilliullugu asseqanngitsuuvoq Biibilimik nutsikkap Jehovamut kiffanit tanitanit suliarineqarsimasup naqiterneratigut, atorneratigut siaruarneratigullu. Aningaasatigut iluanaarniarneq imaluunniit immikkut upperusiorneq kissaatigineqanngilaq. Akerlianilli Guutip aqqanut ataqqinnikkumalluta allallu taassuminnga ilisarsinissaannut ikiorumallugit kissaateqarnitta iliuuseqartippaatigut. Nutsikkat allat Guutip oqaasia paasiuminaatsunngortittarpaat. Ny Verden-Oversættelsen-p pitsaaqutai assigiinngitsut eqqaakkit. (Takuuk Hele Skriften er inspireret af Gud og gavnlig, quppernerit 327-31. Immikkoortoq 3-mi oqaaserisat malugikkit, immikkoortoq 6-imilu pitsaanerusumik nutserneqarsimaneranut assersuutit eqqaakkit, immikkoortullu 20-mi 21-milu eqqaaneqartut pitsaaqutai eqqartorlugit.) Naatsunik marlunnik takutitsisoqarli qanoq akisinnaasugut oqartoqaraangat: „Ilissi immikkut Biibileqarpusi.“ — Takuuk ’Ræsonnerebogen’, quppernerit 264-65.
Erinarsuut nr. 205 naggasiillunilu qinuneq.