Kia Biibilimik atuaqqissaaqatigineqarnissamik neqeroorut akueriumavaa?
1 Amosip Israelimi kaanerssuaqarumaarnera siulittuutigisimavaa, „imaanngitsoq iffiamik nererusunneq, imaanngitsoq imermik imerusunneq, tassaasorli [Jehovap] oqaasia tusarusullugu noqqaaneq“. (Amos 8:11) Jehovap peqatigiissortai silarsuami tamarmi atuagassianik Biibililersaarutinik anersaakkut kaattut imerusuttullu ikiorumallugit agguaasipput.
2 Ulloq manna tikillugu atuagaq ’Ilisarsineq’ 70.000.000-inngorlugu atuagaassiaararlu Guutip sumik piumaffigaatigut? 91.000.000-inngorlugu naqiterneqarsimapput. Inuit allat sallusuissummik ilinniartikkumallugit ikiuutissat taakku paasiuminartut iluaqutaasullu pingaartippavut. Amerlasuut atuagassiaatitsinnik tigusisimapput sulili Biibilimik atuaqqissaaqatigineqarnissamut akuersisimanatik. Qanoq iliorfigisinnaavavut?
3 Atuagassiat tamarmik atuaqqissaarnissamut pissutaa sinnaapput. Malugiuk oqaluussisartoq angut qanoq misigisimasoq arnaq siullerpaamik matuani naapillugu Biibilimik atuaqqissaaqatigiumallugu neqeroorfigigamiuk. Arnaq ingerlaannaq akuersivoq. Kingornagut oqaluussisumut oqarpoq: „Illit siullersaavutit Biibilimik atuaqqissaaqatigiumallunga aperisoq.“ Oqaluussiffigisartakkanni inuit qassit atuagassianik pisartagaqareersut taamatut oqarsinnaappat? Atuakkanik atuagassianillu tunniussaqaraangatta tamasa pulaaqqiinissamut Biibilimillu atuaqqissaaqatigilernissamut periarfissaqalersarpugut.
4 Inuit atuagassiaatitsinnik pisartagaqareersut naapikkaangatsigik qanoq ililluta imaannik soqutiginninnerulertissinnaavavut? Oqaluussisartup pulaaqqitani toqqaannartumik aperisimavaa arlaannik Biibilimut tunngasumik apeqqutissaqarnersoq, taannali naaggaaginnarpoq. Qatanngulli tunniutiinnanngilaq, imalu nangippoq: „Ilimagilluinnarpara apeqqutissaqassasutit.“ Arnarlu taanna ilumut apeqqutissaqarsimavoq, Biibilimilu atuaqqissaaqatigiinneq aallartippoq. Soormi pulaakkat aperinngiliuk apeqqut aalajangersimasoq arlaannilluunniit soqutigisinnaasaa Biibilimi qanoq akineqarnersoq paaserusunneraa? Pulaagaq apeqqutissaqanngippat nammineq apeqqummik taasaqarsinnaavutit. Apeqqutit taamaattut Biibilip sallusuissutaanik aalajangersimasumik atuaqqissaalernissamut aallarniutaasinnaapput.
5 Biibilimik atuaqqissaaqateqarneq suliatta pingaarnersaraa. Kina Biibilimik atuaqqissaarumanersoq ilisimareerneq ajorpat, taamattumik naapitatit tamaasa neqeroorfigissallugit tunuarsimaartariaqanngilatit. Tamanna Jehovamut qinunikkut saqqummiussinnaavat, qinnutitillu malillugit suliniuteqarlutit. Taava qularnanngitsumik misigissavat atuaqqissaarnissamik neqeroorfigisatit ilaat akuersisoq. — 1 Juá. 5:14, 15.