Oqaluussinermut tunngasumik ataatsimiinnernut pilersaarut
Sapaatip-akunnera 14. aggustimiit
Erinarsuut nr. 114
12 min: Nalunaarutit ilagiillu naatsorsuutaat. Qatanngutit tukkussusiat pillugu nersualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Ilagiit kiffartuuteqarnermut nalunaarusiaa juulimoortoq oqaaseqarfigiuk. Aggustimi sapaatip-akunnerit kingulliit marluk tamaasa oqaluusseqataanissaannut kajumissaakkit. Oqaluussinissamut katersuuffissat eqqaakkit.
15 min: „Iluartumik sorsunniarit upperluarlutit.“ Annerpaamik minutsi ataaseq atorlugu aallarniuteqarit, kingornalu apeqqutit akissutillu atorlugit sammiuk. Atuakkamik atuaqqissaaqatigiinnermi aqutsisup qanoq eqimattatut oqaluusseqatigiinnermik aaqqissuisinnaaneranik oqaluussinissamullu ikiorneqartariaqartut eqqumaffigisariaqarnerannik paasissutissat allat ’Organisationsbog’-imi quppernerni 43-mi 44-imilu atuarneqarsinnaapput.
18 min: Atuarneq sooq iluaqutaava? Ataatap meeqqani tunngaviusumik atuartariaqarnerup pingaaruteqassusianik paasitikkumallugit oqaloqatigai. (Takuuk Unge spørger — Svar der duer, quppernerit 133-39) Inuusuttorpassuit ullumikkut inuit najoqqutassiaat appariartortumi atuarneq assut unamminiarnartutut misigaat. Aammattaaq aramapput taamaattumillu isumaqarput ilinniakkatik immikkut pingaaruteqartuunngitsut. Ataatap Biibilimi najoqqutareqqusat naammattumillu atuartitaanerup silatusaarneruneranut pissutissat eqqartorpai. Meeqqani atuartitaanerminnik malinnaaqqullugit kajumissaarpai.
Erinarsuut nr. 127 naggasiillunilu qinuneq.
Sapaatip-akunnera 21. aggustimiit
Erinarsuut nr. 143
12 min: Nalunaarutit. Guutip Naalagaaffianut Kiffartorneq-meersunit nalunaarutit toqqakkat. Piareersarluagaasumik takutitsinermi apeqqut tulliuttoq qanoq akineqartussaq takutinneqarli: „Sooq taama sivisutigisumik Guutip asannittup naalliuutit atuutitippaat?“ (’Ræsonnerebogi’, qup. 229-30) Sapaatip-akunnerata naanerani matumani tamarmik oqaluusseqataanissaannut kajumissaakkit.
8 min: „Immikkut ittumik ataatsimeersuarnissami saqqummiussassat nutaat.“ Oqalugiaat. Qaqugu immikkut ittumik ataatsimeersuartoqassasoq taajuk, tamarmillu najuuteqqullugit kajumissaakkit. Oqaluussisartut kajumissaarneqassapput soqutiginnittunik nutaanik atuaqqissaaqatigisartakkaminnillu qaaqquseqqullugit.
25 min: „Iluaqutissatit sulissutigaagit?“ Apeqqutit akissutillu.
Erinarsuut nr. 152 naggasiillunilu qinuneq.
Sapaatip-akunnera 28. aggustimiit
Erinarsuut nr. 165
10 min: Nalunaarutit. Tamaasa eqqaasikkit aggustimi oqaluussisimanermik nalunaaruteqaqqullugit. Atuakkamik atuaqqissaaqatigiinnermik aqutsisup atuaqqissaaqatigisartakkani tamaasa nalunaaruteqarnissaat isumagisariaqarpaa, nalunaarusiap katinnera Peqatigiiffimmut kingusinnerpaamik septembarip 6-iani nassiunneqarniassammat. Naggataatigut oktobarip 7-ani immikkut ittumik oqaluussinissamut ilagiit pilersaarutaat ilagiinnilu kiffartortut oktobarimi suliniuteqarnermi pilersaarutaat allat sammineqassapput.
15 min: Tamaani pisariaqartitat.
20 min: „Ataatsimiinnerit inuusuttut iluaqutigaat.“ Apeqqutit akissutillu. Utoqqaanertamit aqunneqassaaq. Immikkoortoq 8 oqaloqatigiissutigineqarnerani ataatsimiinnerni malinnaaqqissaarnerunissamut eqqumanissamullu ikiuutaasinnaasut atoriaannaasut ilaat eqqaaneqassapput. (Takuuk Vågn op! 22. septembari 1998-moortoq, quppernerit 19-20) Angajoqqaat kajumissaakkit meeqqatik akuttoqatigiimmik ataatsimeeqataajuartarnissaat isumageqqullugit. Vagttårnet-imi 1. septembari 1997-imoortumi qupperneq 25-mi misigisaq takuuk.
Erinarsuut nr. 176 naggasiillunilu qinuneq.
Sapaatip-akunnera 4. septembarimiit
Erinarsuut nr. 196
15 min: Nalunaarutit. Apeqquteqarfik. Siorna oktobarimi ikiorti-pioneerit qassiuneri ukiumilu matumani oktobarimi ulloq manna tikillugu qassit nalunaarsimasut taakkit. Ilagiit suliniuteqarnermi anguniagaat eqqaajuk. Tamaasa isumalluarnartumik ineriartornartumillu periarfissatik isumaliutigeqqullugit kajumissaakkit. Periarfissaqaraanni periarfissarsiorsinnaagaanniluunniit ikiorti-pioneeriunissaq sooq taama pingaaruteqartigisoq eqqaajuk. Ukioq manna aamma naqitaaqqamik immikkut ittumik suliniuteqataanissamut periarfissaqarluarpugut. Qatanngut angut arnarluunniit siornatigut ikiorti-pioneeriusimasoq maannakkullu ikiorti-pioneerioqqittoq apersoruk. Sooq taamaaliorpa? Ikiorti-pioneeriusimanerminik imminut ilaquttaminullu iluaqutaasumik sumik sunniuteqarpa? Inuusuttut oqaluussisartut ilaasa ukialernerani atuanngiffiusut atorsinnaassanerpaat taakkuttaaq ikiorti-pioneerioqataasinnaaniassammata?
10 min: Nalerput immikkut ittuuvoq. Utoqqaanertamit oqalugiaat Napasuliaq Alapernaarsuiffik-mit 1. decembari 1996-moortumit, quppernerit 22-23-millu tigusaq.
20 min: „Qasusuippit?“ Oqalugiaat najuuttut peqatigalugit. Oqaluussigaangamik qasusuissuseqarnerlutik isumaliutigeqqullugu tamaasa kajumissaakkit. Sanngiissuseqaraanni pingaaruteqarpoq anersaakkut nakussatinnissaq. Vagttårnet-imit 1. oktober 1999-imoortumit qup. 20-21 imm. 17-21-millu paasissutissat ilanngukkit. Oqaluussisartut marluk pingasuulluunniit ukiorpassuit aalajaassimasut qasusuinniarlutik qanoq iliorsimasut oqaluttuarilissuk.
Erinarsuut nr. 206 naggasiillunilu qinuneq.