Oqaluussinermut tunngasumik ataatsimiinnernut pilersaarut
Sapaatip-akunnera 13. novembarimiit
Erinarsuut nr. 4
10 min: Nalunaarutit ilagiillu naatsorsuutaat. Qatanngutit tukkussusianik nerualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata.
13 min: „Apeqquteqarfik.“ Utoqqaanertamit oqalugiaat.
22 min: „Naalagaaffiup Nutaarsiassaatai nr. 36 atorlugu soqutiginninneq qanoq nanginneqarsinnaasoq.“ Immikkoortut 1-5 apeqqutinik akissutinillu oqaloqatigiissutissaq. Oqaluussiffigisartakkassinni suli naammassineqarsimanngitsut anguniarlugit qanoq iliortoqarniarnersoq eqqaajuk. Immikkoortuni 7-imi 8-milu saqqummiusseriaatsit pulaaqqiinerni atorneqarsinnaasut sammisigik, siunnersuutinillu tamanik takutitsineqarli. Soqutiginninnerit tamaasa malinnaaffiginissaasa Biibilimillu atuaqqissaaqatissarsiornissap pingaaruteqassusii naqissusikkit. Immikkoortoq 9 allassimaffiillu innersuussutigineqartut oqaloqatigissutigalugit naggasiigit.
Erinarsuut nr. 63 naggasiillunilu qinuneq.
Sapaatip-akunnera 20. novembarimiit
Erinarsuut nr. 111
10 min: Nalunaarutit. Guutip Naalagaaffianut Kiffartorneq-meersunit nalunaarutit toqqakkat.
15 min: Naalagaaffiup Nutaarsiassaatai nr. 36-p agguaanneqarneranut atatillugu misigisat. Ilagiinni oqaluussiffigisat anguniarneqarsimasut eqqaakkit. Ilagiinni siullerpaamik oqaluussisoqarpa? Naqitaaqqap qanoq ilassineqarneranik misigisanik oqaluttuarit. Biibilimik atuaqqissaaqatiginnilertoqarpa? Taamaattoqarpat oqaluussisartut qanoq iliortarsimallutik oqaluttuarilissuk imaluunniit takutsitsisoqarli. Tamaasa eqqaasikkit soqutiginnittut isumageqqullugit.
20 min: „Oqaluussiuaritsi.“ Oqalugiaat apersuinerlu. Ilaat inuunertik tamaat Jehovamut nalunaajaasuupput akuttoqatigiimmillu oqaluussisarlutik. Isumalluartuupput oqaluussinermikkullu nuannaarneq nanisimallugu. (Takuuk ’Ilisarsineq’-mi qupperneq 179, immikkoortoq 20, aamma Vagttårnet 1. maj 1992-moortoq, quppernerit 21-22, immikkoortut 14-15.) Oqaluussisartoq ukiorpassuarnik oqaluussilluartuusimasoq sooq oqaluussiuaannarneranik oqaluttuartiguk.
Erinarsuut nr. 141 naggasiillunilu qinuneq.
Sapaatip-akunnera 27. novembarimiit
Erinarsuut nr. 153
10 min: Nalunaarutit. Oqaluussisartut eqqaasikkit novembarimi oqaluussisimanermik nalunaaruteqaqqullugit. Decembarimi ’Ilisarsineq’ Ny Verden-Oversættelsen ilanngullugu neqeroorutigineqassaaq. Jehovap Nalunaaiaasuisa oqaatsinut assigiinngitsorpassuarnut Biibilinik saqqummersitsisarnerat pillugu oqaluttuarit. — Takuuk Napasuliaq Alapernaarsuiffik 1. novembari 1997-moortoq qupperneq 11-12. Naqitaaqqat atorlugit immikkut suliniuteqarnerup nangeqqinneranit misigisanik oqaluttuarit.
20 min: ’Ræsonnerebogi’ atorluaruk. Atuakkami quppernermi 7-mi 8-milu apeqqutit akissutillu atorlugit oqaloqatigiinneq. Takutiguk piareersaraangatta atuagaq taanna oqaluussillaqqinnerulernissamut qanoq iluaqutigisinnaagipput. Oqarasuaatikkut oqaluussinermi qanoq atorneqarsinnaanera oqaluttuariuk. Apeqqutit akineqassagaangata paasissutissat iluaqutaasut qanoq nassaarineqarsinnaanersut takutiguk. Atuakkap ilisimallualernissaanut, oqaluussinermi pooqattarmioralugu atornissaalu sungiunniarsaralugu tamaasa kajumissaakkit.
15 min: Tv-lerisarnersuara qanoq aqussinnaavara? Utoqqaanertap qatanngut angut inuusuttoq ullut tamaasa nalunaaquttap akunnerpassuarni fjernsynikkut isiginnaartuartartoq oqaloqatigissavaa. Aallaqqaammut qatanngut inuusuttoq isumaqanngilaq ajoqutigisinnaallugu. Oqarpoq qasuerseeriaatsit ilagiinnaraat, ajortumillu imminut sunniuteqannginnerarlugu. Utoqqaanertap atuakkami Unge spørger — Svar der duer-imi kapitali 36-mi qulequtat pingaarnerit sammissavai. Oqaatigissavaa tv-mik isiginnaarnermik piffissaq atorneqartoq Biibilimik atuaqqissaarnermik, oqaluussinermi ilagiinniluunniit arlaatigut atorluarsinnaagaluaraa. Qatanngutip inuusuttup qatanngutip siunnersuutit nuannarai oqarlunilu anersaakkut illersorumalluni tv-mik isiginnaarnersuani allanngortikkumallugu.
Erinarsuut nr. 175 naggasiillunilu qinuneq.
Sapaatip-akunnera 4. decembarimiit
Erinarsuut nr. 189
10 min: Nalunaarutit. „Oqarasuaammut nammineq akisartumut qanoq oqartoqarsinnaava?“
15 min: Tamaani pisariaqartitat.
20 min: „Sooq pioneeriusariaqarpunga?“ Apeqqutinik akissutinillu sammineqassaaq, ajornanngippat utoqqaanertamit nammineq pioneeriusumit. Pioneeri apersorneqarli pioneeritut kiffartornerup nuannersortai pillugit. Kajumissaarinerit isumalluarnartuussapput ineriartornartuullutillu. Pioneeriunissamut pissutissaq tassaasariaqarpoq Jehovamut asanninneq pinngitsaalisaasutullu misiginerunani. Pioneerinngussagaanni nalunaaquttap akunneri piumasaqaataasut angusinnaasariaqassapput.
Erinarsuut nr. 218 naggasiillunilu qinuneq.