Oqarasuaammut nammineq akisartumut qanoq oqartoqarsinnaava?

Inuit naammattooruminaatsut imaluunniit ornikkuminaatsumik najugallit oqaluussiffiginiarlugit oqarasuaat atortorissaarutaavoq pitsaasoq. Inuilli amerliartuinnartut oqarasuaatertik tiguneq ajorpaat — oqarasuaammut nammineq akisartumut tamanna isumagitittarpaat. Taamaattoqartillugu qanoq iliortoqarsinnaava? Oqarasuaat iliinnaqinagu. Nalunaarutiginiakkalli oqaasertalersorluagaasoq atuagassatut allaguk. Oqaluinnarnertut oqalugit tusaruminartumillu nipeqarlutit. Qanoq oqarsinnaavit?

Assersuutigalugu inussiarnersumik naalagaaffilersaarfimmi tamanut ammasumik oqalugiaateqarnissamut qaaqqusinnaavat. Kinaanerit oqaatigereerukku oqarsinnaavutit: „Naammattoorniartaraluarakkit iluatsinngitsoortarlungali. Jehovap Nalunaajaasoraanga, Biibilimeersumillu oqaloqatigiumagaluarlutit. Piumaguilli oqalugiaat Biibililersaarutaasoq ima qulequtalik [tamanut ammasumik oqalugiaatip qulequtaa] tusarnaariarusukkukku naalagaaffilersaarfitsinnut tikilluaqqusaavutit. Tamanut ammasumik ataatsimiinneruvoq, isiinnarsinnaavutillu.“ Nalunaaqutaq qassinut ataatsimiinnissaq naalagaaffilersaarfiullu adressia ersarissumik oqaatigiuk imaluunniit suup tungaaniinnersoq nassuiaruk. Pingaaruteqarpoq: Illit oqarasuaaterpit normua taaguk ilinnut sianersinnaaqqullugu.

Ataatsimiigiartut nutaat eqqumaffigikkit, imminut ilisaritigit, tikilluaqqusaasutullu misigitikkit. Biibilimik atuaqqissaaqatigiumanissaa puigorniaqinagu.