Oqaluussinermut tunngasumik ataatsimiinnernut pilersaarut

Sapaatip-akunnera 11. marsimiit

Erinarsuut nr. 2

13 min. Nalunaarutit ilagiillu naatsorsuutaat. Qatanngutit tukkussusiannik nersualaakkit, eqqaasikkillu unnummut ilagiinni tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Siunnersuutit qupperneq 8-miittut iluaqutigalugit Vagttårnet 15. marsimoortoq Vågn op! 22. marsimoortorlu qanoq saqqummiunneqarsinnaanersut takutinneqarli. Takutitsinerni taakkunani akerliliinerup „Soqutiginninngilanga“, qanoq akineqarsinnaanera takutinneqassaaq. (Takuuk quppersagaaraq „Allakkat oqaloqatigiissutigisigik,“ qupperneq 9) Suliniuteqarnermi misigisalikkersaartoqarli.

12 min. Qanoq ililluta kristumiutut kalluunnaarveersaartuunerput attatiinnarsinnaavarput. Utoqqaanertamit pikkorissumit oqalugiaat. Atuarfinni, suliffeqarfinni allanilu nunagisamik pingaartitsineq tusarsaanerujartuinnarpoq. Uaguttaaq silarsuarmi pisartunit sunnerneqartaraluarluta, qilammi nunamilu kisimi oqartussaassuseq pineqartoq paasivarput, Naalagaaffillu pillugu tusarliussami tuppallersaatissaq nanineqarsinnaasoq. Pissuserissumik inuiaqatigiissutsimik pingaartitsinermik ingalassimanninnerput allanut nassuiaraangatsigu, aamma tuppallersaat neriuullu Guutip oqaasiani nassaarisimasarput oqaluttuarisariaqarparput. Atuagassiaaqqami Jehovas Vidner — skole og undervisning-imi, qupperneq 20-24-imi qulequttami „Flaghilsen“-imi nunagisamik pingaartitsilluni ileqqulersuutinut peqataasannginnerput nassuiarneqarpoq. Pingaarnersiukkat oqaloqatigiissutigisigit angajoqqaallu kajumissaakkit meeqqatillu paasissutissat atuaqatigiissutigeqqullugit. Atuagassiaaqqami qupperneq 20-miittumi Vågn op!-milu qupperneq 31-miittumi misigisalikkersaarutit oqaluttuarikkit. Oqartussaasunut naalatsigitiitigaluta Jehovamut tunniulluinnarsimasuunissatta pingaaruteqassusia pingaarnerutiguk. Politikkimut tunngasunut, qimaasut pillugit oqallinnerni il.il. illersugaqartannginnissatta pingaaruteqassusia erseqqissaruk. Kalluunnaveersaartuulluta oqaannartarnianngilagut, taamaattoorusuppuguttaaq. — Joh 17:16; 18:36; ApS 10:34, 35.

20 min. „’Ajunngitsulianik pisuussuteqarit’.“a Kiffartornermi nakkutilliisumit aqunneqassaaq. Tamaasa kajumissaakkit marsip 28-ani eqqaaniaanissaq sioqqullugu oqaluussinermi ilungersuuteqaqqullugit. Naqitaaqqat qaaqqusissutit qanoq atorluarneqarsinnaanerat eqqartorsiuk. Oqaluussisartoq ataaseq marlulluunniit eqqaaniaanermut ilaserinninnerminni qanoq iliorsimanertik oqaluttuarilissuk. Apriilimi ikiorti pioneriusinnaasut tamaasa ataatsimiinnerup kingorna immersugassamik aalleqqullugit kajumissaakkit.

Erinarsuut nr. 82 naggasiillunilu qinuneq.

Sapaatip-akunnera 18. marsimiit

Erinarsuut nr. 7

10 min. Nalunaarutit. Nalunaarutit toqqakkat Naalagaaffimmik Kiffartorneq-meersut. „Eqqaaniaalluni nalliuttorsiunnginnermi eqqaamasassat“ sammisigit. Tamaasa kajumissaakkit eqqaaniaalluni nalliuttorsiornissap tungaanut Biibilimi atuagassat malinnaaffigeqqullugit. Ulluni 23-aniit 28-at tikillugu atuagassat ukioq manna ullormut eqqarsaatigisassani, ullorsiutinilu takuneqarsinnaapput. Suliniuteqarnermi misigisanik oqaluttuartoqarli.

15 min. „Jehovamik erneranillu peqateqarnermi nuannaarneq.“ Oqalugiaat kajumissinartoq Biibilimeersoq utoqqaanertamit sammineqassaaq. Tamaasa eqqaaniaanermut saapinngisamik amerlasuunik qaaqqusinissamut ilungersuuteqaqqullugit kajumissaakkit.

20 min. ’Årbogi’ qanoq iluaqutigaajuk? Najuuttunik peqateqarluni oqalugiaat. „Siulersuisoqatigiinnit allakkat-nit qulequttat pingaarnersiukkat qupperneq 3-5-miittut sammeqqaakkit. Taava najuuttut årbogimiit qiimmassaatigisimasatik uppernermillu nakussatsissutigisimasatik oqaluttuarilissuk. ’Årbogi’ tamaat atuaqqullugu Jehovallu peqatigiisortaanik ilisarititsiniaanermut atuaqatigisartakkanut atortaqqullugu tamanut kajumissaarutigiuk.

Erinarsuut nr. 45 naggasiillunilu qinuneq.

Sapaatip-akunnera 25. marsimiit

Erinarsuut nr. 12

14 min. Nalunaarutit. Ikiorti pioneriunissamut suli qinnuteqartoqarsinnaanera eqqaajuk. Qupperneq 8-miituut atorlugit saqqummeeriaatsinik marlunnik naatsunnguanik takutitsisoqarli — Vagttårnet 1. apriilimoortoq utoqqaanertamit takutinneqariarluni, Vågn op!- 8. apriilimoortoq inuusuttumit takutinneqassaaq. Taava saqqummeeriaatsit ajunngequtai oqaaseqarfigikkit. Naggataatigut suliniuteqarnermi misigisalikkersaartoqarli.

15 min. „Ataatsimiinnerit inuusuttunut iluaqutaasarput.“b Inuusuttut marluk apersorneqarlik ataatsimiinnermut piareersarnissamut qanoq piffissarsisarnersut allattuisarnermilu qanoq iliortarnersut.

16 min. ’Ræsonnerebogi’ atorlugu tuppallersaallutillu qiimmassaagit. Najuuttut peqatigalugit sammisassaq. Kikkulluunniit ilaannikkooriarlutik qiimmassarneqarnissamik pisariaqartitsisarput. Taamaattumik tamatta iliuuseqartariaqarpugut ’tuppallersarniarlugit ernumasut’ oqaluussitillutalu naapittakkavut. (1 Thess 5:14) Najuuttut namminneq pissutsini taamaattuni allat qiimmassarniarlugit, ’Ræsonnerebogimi’ qupperneq 270-73-miittut sorliit atortarniarnerlugit oqaluttuarilissuk. Tamaasa inussiarnersumik kajumissaakkit qiimmassarneqarnissamik pisariaqartitsisunut qiimmassaalluaqqullugit. — Gal 6:10.

Erinarsuut nr. 131 naggasiillunilu qinuneq.

Sapaatip-akunnera 1. apriilimiit

Erinasuut nr. 27

10 min. Nalunaarutit. Tamaasa oqaluussisimanerminnik nalunaaruteqaqqullugit eqqaasikkit. Suliniuteqarnermi misigisalikkersaartoqarli.

15 min. „’Inunnik tunissutit’ Guutip savaataanik ilungersorlutik paarsisuupput.“ Utoqqaanertamit oqalugiaat. Allassimaffiit sammikkit. Unittooqqasunut pulaartarnerit napparsimasullu sapinngisamik iliuuseqaqqullugit ikiuinerit sunniuteqarluartarneri oqaluttuarikkit. Misigisimasamik erseqqissaagit.

20 min. „Oqaluussineq nuannaarutigineruleruk.“c Immikkoortup 5-ip sammineqarnerani, angalaarfigisartakkatsinni qanoq angusaqarluartoqarsinnaaneranik atoriaannaasunik siunnersuuteqartoqarnersoq aperigit. Allanut nammineerluni qanoq saaffiginnittoqarsinnaaneranik ataatsimik marlunnilluunniit takutitsisoqarli. Tamaasa sapaatip-akunnerani uani oqaluussinissamut periarfissarsioqqullugit kajumissaakkit.

Erinarsuut nr. 15 naggasiillunilu qinuneq.

[Quppernerup ataani ilanngussat]