Sunniuteqarluartumik nalunaajaaneqassaaq
1. Oqalugiaatip saniatigut, eqqaaniaalluni nalliuttorsiornermut qaaqqusat suna maluginiarsinnaavaat? Nassuiaruk.
1 Qaqugu? Unnummi eqqaaniaalluni nalliuttorsiornermi. Inunnik ilagaluta najuunnissamut ilungersorluta qaaqqusisimavugut. Qaaqqusat tusakkatik kisiisa maluginiarnavianngilaat. Eqqaaniaalluni nalliuttorsiornermut najuutereerluni arnap takusani — tamarmik inussiarnernerat illullu kusanartup minguitsullu nammineq kajumissutsimik sananeqarsimanera aserfallatsaalineqarneralu oqaaseqarfigai. Taamaattumik tamatta, oqalugiartuinnaanngitsoq, ukiumi pisussamut pingaaruteqarnerpaamut ikioqatigiilluta nalunaajaavugut. — Ef 4:16.
2. Tamatta immikkut qaaqqusanut qanoq nalunaajaasinnaavugut?
2 Qaaqqusat inussiarnersumik tikilluaqqukkit: Qaaqqusanut inussiarnersumik qungujunneq ilassinerlu nalunaajaataalluassapput. (Joh 13:35) Naak tamakkerlugit oqaloqatigisinnaanngikkaluarlugit, eqqanniittunut inussiarnersumik imminut ilisaritissinnaavutit. (Hebr 13:1, 2) Qaaqqusat ilisarisimasaqanngitsut eqqumaffigikkit. Qularnanngitsumik immikkut suliniarnerup ingerlanerani qaaqqusissummik tigusisimassapput. Aperisinnaavatit, ”siullerpaamik maaniippisi?” Saninnut ingeqqusinnaavatit apeqqutissaqarpatalu akisinnaavatit. Naalagaaffilersaartarfik ilagiinnit allanit atorneqarniarpat taamaattumillu naalagaaffilersaartarfik qimapallattariaqarlugu, oqarsinnaavutit: ”Nalliuttorsiorneq qanoq isumaqarfiginerit paaserusuppara, arlaatigut attavigisinnaavakkit?”
3. Unittooqqasut qanoq tikilluaqqussavavut?
3 Unittooqqasut tikilluaqqukkit: Oqaluussisartut unittooqqasut, taamatuttaaq ilagiinnut attaveqanngitsut taamaallaat ukiumoortumik eqqaaniaalluta nalliuttorsiornitsinnut takkuttartut, qularnanngitsumik najuutissapput. Tikilluaqqukkit, paasitikkillu takunnerat qamannga nuannaarutigigit. (Rom 15:7) Kinguninnguatigut utoqqaanertat pulaarsinnaavaat kajumissaarlugillu ilagiinnut attaveqarnertik ingerlatiinnaqqullugu. Qinnutigaarput najuuttut amerlasuut Guuti naalannarseqqullugu kajumissisinneqarsinnaassasut, tusakkaminiinnaanngitsoq, aammali takusatik ”suliasi ajunngitsut” pissutigalugit. — 1 Petr 2:12.