Takkuttut tikilluaqqukkit

Marsip 23-anni inuit 12 millionit missaanniittut eqqaaniaanitsinnut najuutissagunarput. Jehovap utertitsissummik tunissutaa siunissamilu inuiaat pilluaqqussutisiassaat oqalugiartup eqqartulerpagit nalunaajaaffigineqarluassapput. (Es 11:6-9; 35:5, 6; 65:21-23; Joh 3:16) Oqalugiartorli kisimiilluni pisumi immikkut ittumi nalunaajaassanngilaq. Tamatta takkuttunik tikilluaqqusinikkut nalunaajaaqataasinnaavugut. (Rom 15:7) Siunnersuutit ilaat makkuupput.

• Eqqaaniaanerup aallartinnissaata utaqqinerani issiavinnut inginnak takkuttut unittoorsimasullu kiinneraarlutit tikilluaqqukkit

• Qaaqqusavit immikkut soqutiginninnermik ersersitsiviginerisa saniatigut qaaqqusissutinik agguaalluni immikkut suliniarneq pissutigalugu takkuttut eqqumaffigikkit. Nutaat Biibilinnik erinarsuutinnillu isiginnaaqatiginiassammatsit sanileriumakkit

• Oqalugiaatip kingorna arlaannik apeqqutissaqarnersoq aperiuk. Ilagiit allat eqqaaniaanissaat pissutigalugu anipallattariaqarussi takkuttoq ullualuit qaangiuppata pulaarnissaanik isumaqatigiissuteqarfigiuk. Nalugukku qanoq attavigissanerlugu oqarsinnaavutit: “Eqqaaniaaneq qanoq isumaqarfiginerit paaserusuppara. Arlaatigut attavigisinnaavakkit?”