Tikilluaqqukkit!
1. Qaqugukkut nalunaajaanissaq periarfissaalluarnerpaava, aamma sooq?
1 Ukiumoortumik eqqaaniaalluni nalliuttorsiornissap nalaani nalunaajaanissaq periarfissaalluarnerpaavoq. Una eqqarsaatigiuk: Utertitsissut tunngavigalugu asanninnermut ersiutaasut annerpaat marluk pillugit oqalugiaammut, ukioq manna qaaqqusat 10 millioninit amerlanerusut eqqaaniaalluni nalliuttorsiornissamut tusarnaariarumaartut ilimagineqarpoq. (Joh 3:16; 15:13) Jehovap tunissutaa tunngavigalugu pilluaqqussutissat misigisinnaasatik pillugit ilinniassapput. (Es 65:21-23) Oqalugiartorli kisimi pisussami tamatumani nalunaajaassanngilaq. Najuuttut tamarmik sunniuteqarluartumik nalunaajaasinnaapput qaaqqusanik qamannga pisumik tikilluaqqusinermikkut. — Rom 15:7.
2. Qaaqqusat qanoq qamannga pisumik tikilluaqqussinnaavavut?
2 Issiavissannut ingiinnarlutit nipaallutillu aallartinnissaa utaqqiinnarnagu, soormi eqqaamiunnut ilisaritillutit siulliullutit iliuuseqaruit? Qaaqqusat pissangallutik susoqarnissaa nalornissutigisinnaavaat. Inussiarnersumik qungujulanerput ilassiornerpullu inunnut eqqissisitsingaarsinnaavoq. Qaaqqusissummik tigusisimanera pissutaalluni najuunnersoq paasiniarlugu aperisinnaavat siullerpaamik ataatsimiinnitsinnut imaluunniit ilagiinni ilisarisimasaqarami aggersimanersoq. Biibilinni erinarsuutinnilu isigeqatigisinnaajumallugu saninni issiaqatigiumasinnaavat. Eqqaaniaalluni naalliuttorsiorneq naalagaaffilersaarfimmi pissappat, ajornanngippat takornariartilaarsinnaavat. Oqalugiartoqareernerup kingorna apeqqutissaqarpat akiniarlugit piareersimagit. Aninnginnerani oqarsinnaavutit: “Nalliuttorsiorneq qanoq isumaqarfiginerit paaserusuppara. Arlaatigut attavigisinnaavakkit?” Soqutiginninnera ineriartorteqqinniarlugu iliuuseqarit. Utoqqaanertat pingaarnerusumik oqaluussisartut unittooqqasut najuuttut qiimmassarnissaat eqqumaffigissavaat.
3. Eqqaaniaalluta nalliuttorsiornissamut qaaqqusanik siulliulluta tikilluaqqusilluta iliuuseqarnissarput sooq pingaaruteqarpa?
3 Qaaqqusat amerlasuut siullerpaamik anersaakkut paradiisimi nuannaarneq, eqqissineq ataasiussuseqarnerlu, Jehovap innuttaasut nuannaarutigisartakkavut, misigissavaat. (Tuss 29:11; Es 11:6-9; 65:13, 14) Qaaqqusat qanoq misigisaqarsimallutik angerlassappat? Tikilluaqqusaasutut misigitissimanerivut apeqqutaavoq.