Misissuinissamut siunnersuut

Pingaar­nerusut siulliutikkit

Nammineq atuaqqis­saarnermut piffissarput killeqartarpoq. Piffissarput qanoq atorluarsin­naavarput? Siullertut, atuarniaraangavit piffissaqarluartarit. Amerlasuunik misissuip­pallannermit takival­laanngitsumik misissueq­qissaarnerit pissarsiaqarfigil­luarnerussavat.

Taava pingaar­nersiuigit. (Ef 5:15, 16) Uku siunnersuutaapput:

• Ullut tamaasa Biibili atuartaruk. (Tuss 1:2) Ulluinnarni ataatsimiinnermut kapitalit aallarniutigisin­naavatit.

• Napasuliaq Alapernaarsuiffimmi allaaserisaq atuaqqis­saagassaq aamma ulluinnarni ataatsimiinnermi sammisassagut piareersakkit. Akissutis­saqarsin­naajumallutit piareersarluartarit. – Tuss 22:23.

• Aamma anersaakkut inuussutissat allat, soorlu atuagassiat tamanoortut, videut aamma jw.org-imi saqqummersin­neqartut, malinnaaf­figiniartakkit.

• Soqutigisannik misissueq­qissaarit. Maannakkut ajornar­torsiutigisat, akissutis­sarserusutat Biibilimiluunniit paasilluarumasat misissoq­qissaarsinnaavat. Nittartak­katsinni jw.org-imi “Inuusut­tuaqqanut Biibilimik atuaqqis­saarutit” isumassarsiorfigisin­naavatit.