Qiimmas­saqatigiitta

Uppeqatigut peqatigigaangatsigit qiimmas­saqatigiinnerput nuannaarutigisarparput. Peqatigiinnerli naammanngilaq. Biibilimi qiimmassaaneq “anersaakkut tunissummik” taaneqarpoq. (Rom 1:11, 12) Qanoq assigiin­ngitsutigut taamatut tunissuteqar­tarsinnaavugut?

Oqaatsikkut qiimmas­saasarit. Ataatsimiinnerni akissuteqaraangavit imminut pillutit oqaaseqarpal­laarnaveersaarlutit Jehova, innuttai Biibililu pingaar­nerutittakkit. Uppeqatitit oqaloqatigigaangakkit uppernikkut ineriar­tornartunik eqqartuisarit.

Aalajangiil­luarnikkut iliuutsikkullu qiimmas­saasarit. Assersuutigalugu imaassinnaavoq ajornar­torsioraluarlutit piffissaq tamaat kiffartor­tuarniarlutit aalajangersimasutit. Tamannalu allanut qiimmas­saataasinnaavoq. Aamma imaassinnaavoq peqqiil­lioraluarlutit suliffin­niluunniit ulapikkavit qasugaluarlutit ulluinnarni ataatsimiinnerni najuuttarnerit uppeqativit takugaangamikku qiimmas­saatigisaraat.

Oqaatsikkut iliuutsikkullu uppeqatitit qiimmas­sarniar­tarpigit? Taakkualu qiimmas­sarniarlutit oqaasii iliuusiilu maluginiar­tarpigit?