Tuberkulose naalliuutaaqqilersoq

1950-ikkut aallarnerfigalugit USA-mi tuberkulosertut ukiut tamaasa 5 procentimik ikiliartorsimapput. 1985-imiilli TB-eertutut nalunaarutigineqarsimasut 18 procentimik amerlisimapput. Suli eqqissiunnaarnarnerusoq tassa TB-p nutaap nakorsaatinik katsorsarneqarsinnaanngitsup paasineqarnera. Missiliuunneqarpoq nappaat tamanna ukiut tamaasa inuit 3 millionit missaanniittut toqqutigisaraat. Sooruna TB-mik katsorsaasarneq sunniutaarussimasoq?

Tamatumunnga pissutaasunut ilaavoq tamatuminnga nappaateqartut ilarpassuisa piumasarineqartutut sivisutigisumik — amerlanertigut qaammatini arfinilinnit qulingiluanut — nakorsaatissaminnik pisannginnerat. Assersuutigalugu, New Yorkimi misissuinermi erserpoq TB-rtut 200-t missaanniittut 89 procentiisa nakorsartinnertik naammassisimanngikkaat. „Tamanna annilaarnaqaaq,“ dr. Lee Reichman, Amerikami Puaat Pillugit Peqatigiiffimmi siulittaasuusoq, oqarpoq, „tassami inuit taakku (a) ajorunnaarnavianngillat, (b) qularnanngitsumillu nakorsaatinik nalinginnaasunik katsorsarneqarsinnaanngitsumik TB-qalissallutik.“ Nappaateqartulli taakkua imminnuinnaq ajoqusernavianngillat. „Nakorsaatissatik pisanngikkunikkik allanik tunillaasinnaapput,“ Reichmanip oqaatsini ilavai. Qularnanngivissumik tamanna pissutaaqataavoq tamatuminnga nappaateqartut 8 millionit missingisa ukiut tamaasa paasineqartarnerannut.

Biibilimik atuaqqissaartartut paasisimavaat toqoraataasunik nappaalasoqarnera pissutsit aaqqissuussaanerata matuma ’ullussaasa kingulliit’ nalunaaqutaannut ilaasoq. (Lúkarse 21:11; 2 Timûtiuse 3:1) Tamanna sumik malitseqassava? Nunarsuarmik nutaamik malitseqassaaq, tassanilu ima oqartoqartariaarutissaaq: „Napparsimavunga.“ (Jesaja 33:24) Aap, katsorsaagallarnissaq pinnagu, nappaatilli toqullu peerluinnarneqarnissaat Jehova Guutip neriorsuutigaa. — sarĸúmersitat 21:1-4. (gE 22/6 96)